Atom Feed (xml)
19.06.09 ည (၈) နာရီခွဲအချိန်၌ PETALING JAYA မြို့နယ်တွင် မလေးရှားနိုင်ငံ အတိုက်အခံပါတီ (PKR) မှ ဒေါ်အောင်ဆန်းစုကြည်၏ (၆၄) နှစ်မြောက် မွေနေ့ပွဲ အခမ်းအနားပြုလုပ်စဉ် ရဲအဖွဲ့မှ ရှောင်တခင်ဝင်ရောက်စစ် ဆေး ဖမ်းဆီးသဖြင့် မြန်မာ(၁၅)ဦး ဖမ်းဆီးခံခဲ့ရပါသည်။၎င်းတို့အထဲမှ ကိုမင်းသိန်း - တာဝန်ခံ (လူ့ဘောင် သစ် ဒီမိုကရက်တစ်ပါတီ) မလေးရှား မှ တဦးသာ တရားဝင် ပတ်စ်ပို့ကိုင်ဆောင်ထားသူ ဖြစ်သည့်အတွက် ပြန်လည်လွတ်မြောက်ခဲ့ပြီး ကျန်(၁၄) ဦးမှာ အဖမ်းအဆီးခံခဲ့ရပါသည်။ ၎င်း တို့မှာ….
(၁) ကိုထင်ကျော်၊(၂) ကိုသန်းဦး၊ (၃) ကိုကိုဝင်း၊ (၄) အောင်ကျော်၊ (၅) ဆန်းဝင်း၊ (၆) ဇော်မျိုးနိုင်၊(ရ) တော်မီမြတ်ဦး(ခ) မိုးကောင်း၊ (၈) လွင်ဦး၊ (၉) အောင်ကျော်သူ၊ (၁၀) အောင်သူရ၊ (၁၁) ကျော်ကိုကိုကျော်၊ (၁၂) ပြည့်ဖြိုးနိုင်၊ (၁၃) ကျော်ကျော်၊ (၁၄) ငြိမ်းချမ်း တို့ဖြစ်ပြီး 26.06.09 နေ့ ညနေ(၆)နာရီခွဲ အချိန်တွင် (၅)ယောက်ပြန်လည်လွတ်မြောက်ခဲ့ပါသည်။ ယခု လွတ်မြောက်လာသည့် (၅) ယောက်မှာ UNHCR အထောက်အထားရှိသူများဖြစ်ပြီး (၁) အောင်ကျော်၊ (၂) ဆန်းဝင်း၊(၃) တော်မီမြတ်ဦး(ခ)မိုးကောင်း၊ (၄) ကျော်ကျော်၊ (၅) ဇော်မျိုးနိုင် တို့ဖြစ်သည်။ ၎င်းတို့မှာ (၈) ရက်တိတိ အချုပ်နှောင်ခံခဲ့ရပြီး အမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေ)မလေးရှား မှ ဥက္ကဌ ကိုကျော်ကျော် နှင့် နယ်မြေတာဝန်ခံ ကိုသိန်းအောင်တို့မှ PRTALING JAYA ရဲစခန်းသို့ ညနေ(၄)နာရီတွင် သွားရောက်ကာ ၎င်းတို့လွတ်မြောက် ရေးအတွက် သက်ဆိုင်ရာ မလေးရှားအစိုးရအာဏာပိုင်များနှင့်ဆွေးနွေးညှိနှိုင်းပြီး ကူညီဆောင်ရွက်ခဲ့ ခြင်းဖြစ်သည်။
အဖမ်းခံထားရဆဲ(၉)ဦးအနက် လွင်ဦးခေါ် ထက်အောင်ရှိုင်း၏ ကိုယ်တိုင်ခံစားသီဆိုရေးခတ်သော ဒေါ်စုအတွက်အမေသီချင်းအားပြန်လည်တင်ဆက်လိုက်ပါသည်။
ကျန်ရှိနေသေးသည့် (၉) ဦးမှာ ဇူလိုင်လ(၂) ရက်နေ့တွင် တရားစွဲခံရမည်ဖြစ်ပြီး တရားမ၀င်နေထိုင်မှု ဥပဒေနှင့် အမိန့်ချမှတ်ပါက ထောင်ဒဏ်(၆) လနှင့် ကြိမ်ဒဏ် (၁) ချက်အထိ ခံရဖွယ်ရှိသည်။ ပြစ်ဒဏ်ကာလ လွန်မြောက်၍ မြန်မာပြည် ပြန်ပို့လျင်လည်း စစ်အစိုးရ၏ အရေးယူမှုဖြင့် ထောင်ဒဏ်နှစ်များစွာ ကျခံနိုင်ရသူများ ဖြစ်သည်။ ၎င်းတို့မှာ ဒေါ်အောင်ဆန်းစုကြည်အား ငြိမ်းချမ်းစွာ ဂုဏ်ပြုပြီး မြန်မာပြည်ပြောင်းလဲရေး လုပ်ဆောင်နေသူများဖြစ်သဖြင့် ၎င်းတို့ လွတ်မြောက်ရန် အမျိုးသားဒီမိုက ရေစီအဖွဲ့ချုပ် (လွတ်မြောက် နယ်မြေ) မလေးရှားမှ အစွမ်းကုန်ဆက်လက်ကြိုးစားသွားမည်ဖြစ်သည်။၎င်းတို့ကို တရားရုံးတင်ပါက တရားရင် ဆိုင်နိုင်ရန် ရှေ့နေ (၂) ဦးကိုလည်း BAR COUNCIL ,UNHCR တို့နှင့် ပူးပေါင်းစီစဉ်ဆောင်ရွက်နေဆဲဖြစ်သည်။
သတင်းနှင့်ပြန်ကြားရေး
အမျိုးသားဒီမိုကရေစီအဖွဲ့ချုပ်
(လွတ်မြောက်နယ်မြေ)
မလေးရှား
Saturday, June 27, 2009
မလေးရှားအတိုက်အခံပါတီ( PKR )မှကျင်းပသော ဒေါ်အောင်ဆန်းစုကြည်မွေးနေ့ပွဲဖမ်းဆီးမှုမှ မြန်မာ ( ၅ )ဦးသာ လွတ်မြောက်
Subscribe to:
Post Comments (Atom)
No comments:
Post a Comment