QR Code

ဂျပန်နိုင်ငံမှာ ယခုလက်ရှိ တွင်တွင်ကျယ်ကျယ်သုံးနေသော QR Code အသုံးပြုပုံအကြောင်း ကိုဖော်ပြလိုက်ပါတယ်။ QR Code ဟာ (1994)နှစ်မှာ DENSO Corporation( Denso-Wave )က စတင်တီထွင်လိုက်တဲ့ Code တစ်မျိုးဖြစ်ပါတယ်။

ကြေငြာစာရွက်မှာ၊ သတင်းစာမှာ၊ လက်ကိုင်ဖုန်းမှာ၊ လိပ်စာကဒ်ပြားမှာ၊ ပို့စကဒ်တွေမှာ၊ Phone Website တွေမှာ၊ လိပ်စာကို Mailပို့တဲ့နေရာမှာ၊ Blog Address နှင့် Website Address ကိုကြေငြာတဲ့အခါမှာ၊ DVDနှင့် CD Cover မှာ........စတိုးဆိုင်များ စသဖြင့် အမျိုးမျိုးသော နေရာတွေမှာ QR Code က ထင်ထင်ရှားရှား နေရာယူလာတာကို တွေ့ရပါသည်။

QR Codeက အရွယ်အစားသေးသေးလေးပေမယ့် လိုအပ်တဲ့အချက်အလက်ကို လျင်မြန်စွာ ရရှိနိုင်တာဖြစ်လို့ အသုံးပြုလာကြတာလို့ ထင်ပါသည်။အသုံးပြုပုံ ကြည့်နည်းကလည်း အတော်လွယ်ပါသည်။ Hand phoneမှာပါတဲ့ Bar Code Reader ကိုသွားပြီး Scan ဖတ်လိုက်ရုံနဲ့ အဲဒီ QR Code ထဲမှာပါတဲ့ အချက်အလက်တွေကို အကုန်မြင်နိုင်ပါသည်။ Scanဖတ်လိုက်ရုံနဲ့ အဲဒီ QR Code ရဲ့ လိပ်စာကို ကြည့်လို့ရတာဖြစ်လို့ လိပ်စာမမှတ်မိခဲ့ရင်တောင်မှ တော်တော်အဆင်ပြေပါသည်။ ဒါကြောင့်လည်း တွင်တွင်ကျယ်ကျယ် အသုံးပြုလာကြတာလို့ ထင်ပါသည်။

QR Code ရဲ့ ထူးခြားချက်က အလကားအသုံးပြုလို့ရခြင်းပါ။ QR Code လုပ်တဲ့ Website မှာ ကိုယ်လိုချင်တဲ့ ဒီဇိုင်း၊ စာသား၊ လိပ်စာတွေကို ရွေးချယ်ပြီး ပြုလုပ်နိုင်ပါသည်။ အရောင်လည်း ရွေးလို့ ရပါသေးသည်။ စိတ်ဝင်စားရင် လုပ်ကြည့်လို့ ရအောင် QR Code လုပ်တဲ့ Websiteတွေ တင်ပြပေးလိုက်ပါသည်။
http://qrcode.jp/
http://www.cman.jp/QRcode/
http://qr.popdom.jp/
http://qr.quel.jp/
ဂျပန်ကတီထွင်ထားတာဖြစ်တဲ့အတွက် search engine ထဲမှာ နှိပ်ပြီးရှာလို့ရပါတယ်။ အဲဒီထဲမှာ အကောင်းဆုံးကတော့ http://www.cman.jp/QRcode/ ဖြစ်ပါတယ်။ အဲဒီမှာ ကိုယ်လိုချင်တဲ့ bar code ဆိုဒ်အကြီးအသေး။ စာလုံးအရောင်။ နောက်ခံကာလာအရောင်။ မိမိရေးချင်တဲ့ နံမည်စာလုံးတွေရေးလို့ရပါတယ်။ နမူနာအနေနဲ့မိုးသောက်ကြယ်စာကြည့်တိုက်ဘလောက်ဖြစ်တဲ့http://www.moethaukkye.co.cc/ ကိုလုပ်ကြည့်ထားပါတယ်။

သတင်းအကျဉ်းချုပ် ...

နအဖရဲ့ နျူကလီးယားအိပ်မက်

ဂါမဏိ


နအဖရဲ့ ရည်မှန်းချက်ပန်းတိုင်
ဗမာနိုင်ငံဟာ ၂၀၂၀ ခုနှစ်မှာ နျူကလီးယားလက်နက်တွေ ထုတ်လုပ်ပိုင်ဆိုင်နိုင်အောင် ကြိုး ပမ်းမယ်လို့ ဗမာစစ်အစိုးရရဲ့ သိပ္ပံနဲ့နည်းပညာဝန်ကြီးဆိုသူ ဦးသောင်းက ၂၀၀၁ ခု မေလအတွင်းက ရန်ကုန်မှာရှိတဲ့ နိုင်ငံတော်ကာကွယ် ရေးတက္ကသိုလ်မှာ ပြောခဲ့ပါတယ်။ ဒီရည်မှန်းချက် အောင်မြင်ထ မြောက်သွားရင် နအဖစစ်အုပ်စုဟာ အရှေ့တောင်အာရှမှာ စစ်အင်အားအတောင့်ဆုံးနိုင်ငံ ဖြစ်သွားပါလိမ့် မယ်။ ဗမာပြည်ဟာလည်း "စတုတ္ထမြန်မာနိုင်ငံတော်" အဖြစ် အသွင်ပြောင်းသွားပြီး ထိုင်းနိုင်ငံကို စစ်ရေး အရခြိမ်းခြောက်နိုင်စွမ်း ရှိလာပါလိမ့်မယ်။ ဒါကြောင့် နအဖဟာ နိုင်ငံတကာ လုံခြုံရေးနဲ့ငြိမ်းချမ်းရေးကို ဆိုးဆိုးဝါးဝါးအန္တရာယ်ပြု ခြိမ်းခြောက်နေပြီဖြစ်ပါတယ်။ နအဖရဲ့ အသစ်စက်စက် (၁၀) မီဂါဝပ် နျူကလီး ယားဓာတ်ပေါင်းဖိုကို ငြိမ်းချမ်းတဲ့ သုတေသနလုပ်ငန်းအတွက် ရည်ရွယ်တယ်လို့ ကြေညာထားတာဟာ လိမ်ညာမှုသက်သက်သာဖြစ်ပါတယ်။

စီမံကိန်းနောက်ခံ
နအဖရဲ့ နျူကလီးယားလက်နက် ထုတ်လုပ်ရေးစီမံကိန်းဟာ ၁၉၉၀ ခု နဝတခေတ်မှာ စတင် ခဲ့ပါတယ်။ နဝတဟာ နျူကလီးယားနည်းပညာ ဖော်ထုတ်ဖွံ့ဖြိုးရေးနဲ့ပတ်သက်ပြီး ရန်ကုန်တက္ကသိုလ် ရူပ ဗေဒပါမောက္ခ ဦးဖိုးစောနဲ့ တိုင်ပင်ဆွေးနွေးခဲ့ပါတယ်။ နိုင်ငံခြားပညာတော်သင် စေလွှတ်ဖို့ လူရွေးချယ် ရေးကိစ္စလည်း ဆွေးနွေးခဲ့ပါတယ်။ နျူကလီးယား နည်းပညာအတွက် ဗိုလ်လောင်းတွေ လေ့ကျင့်မွေးမြူဖို့ အစီအစဉ်ကိုတော့ ၁၉၉၇ ခု စစ်တက္ကသိုလ်ဗိုလ်လောင်း အပတ်စဉ် ၄၂ နဲ့ စတင်ခဲ့ပါတယ်။ ၂၀၀၀ ပြည့် နှစ်မတိုင်ခင်မှာ နအဖဟာ ရုရှားနျူကလီးယားပညာရှင်တွေကို ဖိတ်ခေါ်ပြီး ဓာတ်ပေါင်းဖို တည်ဆောက် ရေး၊ နေရာရွေးချယ်ရေး၊ ပညာတော်သင်တွေ စေလွှတ်ရေးကိစ္စတွေ ဆွေးနွေးခဲ့ကြပါတယ်။
ကျနော်တို့သတင်းရင်းမြစ်ကရတာက စစ်အုပ်စုဟာ နျူကလီးယားနည်းပညာရဖို့ ပထမဦးစွာ အိန္ဒိယနိုင်ငံကို အရင်ချဉ်းကပ်ခဲ့တယ်၊ အိန္ဒိယကလည်း ပညာတော်သင်တွေ လက်ခံဖို့တောင် သဘောတူ ခဲ့သေးတယ်။ ဒါပေမဲ့ ဓာတ်ပေါင်းဖိုလည်ပတ်မှုကို ကြီးကြပ်ရေးနဲ့ ထိန်းချုပ်ရေးကိုပါ အိန္ဒိယကတောင်းဆို လာလို့ နအဖက ဒီချဉ်းကပ်မှုကို နားပစ်လိုက်ပါတယ်။
နအဖဟာ တရုတ်နိုင်ငံအကူအညီနဲ့ ရုရှားနဲ့သဘောတူညီမှု ရခဲ့ပါတယ်။ ဒါ့အပြင် နျူကလီး ယားလက်နက်တွေ ထုတ်လုပ်နိုင်အောင် နည်းလမ်းပေါင်းစုံနဲ့ကြိုးစားဖို့ တရုတ်အစိုးရက နအဖစစ်အုပ်စု ကိုအကြံပေးခဲ့ပြီး ရည်မှန်းသတ်မှတ်ကာလ ၂၀၂၀ ရောက်လို့မှ နျူကလီးယားလက်နက် မထုတ်လုပ်နိုင် သေးရင် ဝယ်ယူဖို့အကြံပေးခဲ့ပါတယ်။ ၂၀၀၃ ခုမှာ စစ်အစိုးရဟာ မြောက်ကိုးရီးယားကို စစ်ဗိုလ် အယောက် (၃၀) စေလွှတ်ပြီး နျူကလီးယားနည်းပညာ လေ့လာသင်ယူစေခဲ့ပါတယ်။ ၂၀၀၆ မှာတော့ ဓာတ်ပေါင်းဖိုတည်ဆောက်ရေးအတွက် လိုအပ်တဲ့စက်ယန္တရားတွေကို မြောက်ကိုးရီးယားဆီက စတင်ဝယ် ယူခဲ့ပါတယ်။ နအဖနဲ့ရုရှား ဆက်ဆံရေးပျက်ပြားသွားလို့ နျူကလီးယားစီမံကိန်း ရပ်သွားတာမျိုးမဖြစ်ရ အောင် မြောက်ကိုးရီးယားနဲ့ လမ်းဖောက်ခဲ့တာဖြစ်ပါတယ်။
နအဖဟာ နိုင်ငံခြားပညာတော်သင်တွေ စရိတ်အပါအဝင် နျူကလီးယားနည်းပညာ ရနိုင်ဖို့ အတွက် သဘာဝသယံဇာတတွေကို ရောင်းထုတ်ခဲ့ပါတယ်။ (အတည်ပြုနိုင်တဲ့ သတင်းတရပ်အရ ရုရှား တနိုင်ငံတည်းမှာတင် ပညာတော်သင် ၄၆၀၀ ရှိတယ်လို့ သိရပါတယ်။) သယံဇာတတွေ ရောင်းထုတ်တဲ့ အထဲမှာ ကချင်ပြည် ဖားကန့်ဒေသက သိုင်းတောင်က တူးဖော်တဲ့ သံရိုင်းတန်ချိန် ၂၀၀၀၀ ပါတယ်လို့ လည်း သတင်းရခဲ့ပါတယ်။ ဒါပေမဲ့ အများသိကြတဲ့အတိုင်း နအဖဟာ ၂၀၀၅ ခုမှာ ဘဏ္ဍာရေးပြဿနာ တွေကြုံခဲ့ရပြီး ရုရှားနဲ့လုပ်ထားတဲ့ စီမံကိန်းကို ရပ်နားလိုက်ရပါတယ်။ အခက်အခဲတွေ ကျော်လွှားနိုင်ခဲ့ပြီး နောက် စီမံကိန်းကိုပြန်စခဲ့ပါတယ်၊ အခုအခါမှာတော့ နအဖဟာ ဘဏ္ဍာရေးအရ ခိုင်မာနေပါပြီ။ (ဒီလို ကံ ဇာတာတက်လာတဲ့ အကြောင်းရင်းက သိသာပါတယ်။ ရတနာဓာတ်ငွေ့ပိုက်လိုင်းကြောင့် ဗမာအစိုးရအ တွက် အနိမ့်ဆုံးအားဖြင့် နှစ်စဉ် ဒေါ်လာသန်း ၂၀၀၀ ဝင်ငွေရနေပါတယ်။)
နအဖဟာ အီရန်နိုင်ငံကနေလည်း အကူအညီရဖို့ လျှို့ဝှက်ကြိုးပမ်းခဲ့တယ်လို့ ကျနော်တို့ ဘက်က သတင်းထပ်ရခဲ့ပါတယ်။ ဒီသတင်းက တခြားသတင်းရင်းမြစ်တွေကရထားတဲ့ ဆက်ဆံမှုသတင်း ကို အတည်ပြုလိုက်တာ ဖြစ်ပါတယ်။ ဒါ့အပြင် ဂျပန်နိုင်ငံကလည်း ၂၀၀၀ ပြည့်နှစ်မှာ ဓာတ်ပေါင်းဖို ကိုင် တွယ်ရေးဆိုင်ရာ ပါရဂူအဆင့်ပညာသင်ဖို့ ပညာတော်သင်တွေ စလက်ခံပေးခဲ့ပါတယ်။ ဂျပန့်အကူအညီနဲ့ ရန်ကုန်တက္ကသိုလ်၊ မန္တလေးတက္ကသိုလ်နဲ့ မေမြို့ စစ်တက္ကသိုလ်တွေမှာ နျူကလီးယားသိပ္ပံ ဌာနသစ်တွေ ဖွင့်လှစ်ခဲ့ပါတယ်။

ရုရှားရောက်ပညာတော်သင်
၂၀၀၁ ခုမှာ ပထမအသုတ်ပညာတော်သင် စစ်ဗိုလ် ၁၅၀ ကို စင်းလုံးငှား အယ်ရိုဖလုတ် လေယာဉ်တွေနဲ့ မန္တလေး တံတားဦးလေဆိပ်ကနေ ရုရှားနိုင်ငံကို စေလွှတ်ခဲ့ပါတယ်။ နအဖပညာတော် သင်တွေဟာ ကိုယ်သင်မယ့်ဘာသာရပ် ပေါ်မူတည်ပြီး မော်စကိုနဲ့ စိန့်ပီတာစဘာ့ဂ်မြို့တော်တွေမှာရှိတဲ့ တက္ကသိုလ်နဲ့သိပ္ပံဌာနအမျိုးမျိုးမှာ တက်ရောက် ပညာသင်ကြပါတယ်။ အဲဒီကျောင်းတွေထဲမှာ --
မော်စကိုအင်ဂျင်နီယာရူပဗေဒတက္ကသိုလ် MEPHI
မော်စကိုအီလက်ထရွန်းနစ်နည်းပညာတက္ကသိုလ် MIET
မော်စကိုလေကြောင်းနည်းပညာတက္ကသိုလ် MATI
မော်စကိုလေကြောင်းသိပ္ပံ MAI
ဘောမင်းမော်စကိုအစိုးရနည်းပညာတက္ကသိုလ် BMSTU
မော်စကိုအပူနည်းပညာတက္ကသိုလ် MITT
မော်စကိုဆောက်လုပ်ရေးအင်ဂျင်နီယာသိပ္ပံ MISI
မော်စကိုအစိုးရသတ္တုတူးဖော်ရေးတက္ကသိုလ် MSMU စသည်တို့ ပါဝင်ပါတယ်။
MEPHI က နျူကလီးယားသိပ္ပံသင်ပေးပြီး MIET က ဒုံးပျံလမ်းကြောင်းထိန်းပညာ၊ MAI က လေကြောင်းနဲ့ အာကာသ ပညာတွေ၊ MATI က ဂြိုလ်တုလွှတ်နိုင်တဲ့ ဒုံးပျံတည်ဆောက်ရေးနည်းပညာကို သင်ပေးပါတယ်။ ဒါ့အပြင် ဥမင်လှိုဏ်ခေါင်းတူးဘာသာရပ်၊ ယူရေနီယမ်သတ္တုတူးဖော်ရေး ဘာသာရပ်နဲ့ ယူရေနီယမ်သတ္တုရိုင်း သန့်စင်ရေးဘာသာရပ်တွေအတွက် သီးခြားသင်တန်းတွေလည်း ရှိပါတယ်။
ဒီပညာတော်သင်အများအပြားဟာ မပျော်ကြဘူးလို့ အတည်ပြုသတင်းရထားပါတယ်။ သူတို့ ဟာ ရုရှားကို ဇွတ်အတင်းစေလွှတ်ခံရတယ်၊ လစာကတအားနည်းတယ်၊ ရာသီဥတုကကြမ်းလွန်းလို့ ဒုက္ခ ရောက်ရတယ်၊ ကျန်းမာရေးစောင့်ရှောက်မှုက ချို့ငဲ့တယ်လို့သိရပါတယ်။ သူတို့ဟာ မော်စကိုက ဗမာသံ ရုံးကိုသွားပြီး တိုင်တန်းတင်ပြကြ၊ အိမ်ပြန်ခွင့်ရဖို့ အသနားခံကြပေမဲ့ (ထိုစဉ်က) ကကလှမ်းက သူတို့ကို အပတ်စဉ်ညွှန်ကြားချက်တွေပို့ပြီး သင်တန်းပြီးအောင်တက်ဖို့နဲ့ နိုင်ငံတော်ရဲ့ရည်မှန်းချက် (ဝါ) နျူကလီး ယားလက်နက် ထုတ်လုပ်ရေးကိုဖြည့်ဆည်းဖို့ဘဲ တိုက်တွန်းခဲ့ပါတယ်။ တခါတော့ (ထိုစဉ်က) နိုင်ငံခြား ရေး ဝန်ကြီးဦးဝင်းအောင် ကိုယ်တိုင်လာပြီး ပညာတော်သင်စစ်ဗိုလ်တွေကို ပညာဆုံးခန်းတိုင်သင်ဖို့ ပြော ခဲ့ပါတယ်။ ဒါ့အပြင် သိပ္ပံပညာရှင် ရုရှားမတယောက်ကိုလက်ထပ်ပြီး ဗမာပြည်ပြန်လာနိုင်သူ ဘယ်သူ့မဆို ဆုချီးမြှင့် ဂုဏ်ပြုမယ်ဆိုတဲ့ ဒုတပ်ချုပ်မောင်အေးရဲ့အမှာစကားကိုလည်း ပါးလိုက်ပါသေးတယ်။
၂၀၀၂ ခုမှာလည်း စစ်ထောက်ချုပ် ဗိုလ်ချုပ်ဝင်းမြင့်နဲ့ ရေတပ်ဦးစီးချုပ်၊ လေတပ်ဦးစီးချုပ်နဲ့ ပို့ ဆောင်ရေးဝန်ကြီးတို့ဟာ ရုရှားနိုင်ငံကိုသွားပြီး ဝယ်ထားတဲ့ အမ်အိုင်ဂျီ -၂၉ တိုက်လေယာဉ်တွေကို ဗမာ ပြည်ပြန်မောင်းလာဖို့အတွက် နအဖ လေတပ်လေယာဉ်မှူး အယောက် ၂၀ သင်တန်းပေးဖို့ကိစ္စ စီစဉ်ခဲ့ပါ တယ်။ ဒါ့အပြင် မြန်မာနိုင်ငံအနေနဲ့ လေယာဉ်တင်သင်္ဘောတွေ ရေငုပ်သင်္ဘောတွေဝယ်ဖို့ လို မလိုလည်း ဆွေးနွေးခဲ့ကြပါတယ်။ ၂၀၀၂ ဇူလိုင်လမှာ နအဖ သိပ္ပံနဲ့နည်းပညာဝန်ကြီး မောင်သောင်း ရုရှားနိုင်ငံကို သွားပြီး နျူကလီးယားဓာတ်ပေါင်းဖို ဝယ်ယူတည်ဆောက်ရေး သဘောတူစာချုပ် လက်မှတ်ထိုးခဲ့ပါတော့ တယ်။

ဓာတ်ပေါင်းဖိုတည်နေရာ
ကျနော်တို့ဟာ အရင်ကတော့ ဓာတ်ပေါင်းဖိုတည်နေရာကို သပိတ်ကျဉ်းနားက ကျောက်ပုထိုး လို့ ပြောခဲ့ပါတယ်။ ဒါကို အတည်မပြုနိုင်သေးပေမဲ့ နအဖက တည်နေရာလျှို့ဝှက်ထားဖို့ ကြိုးစားတဲ့အ ကြောင်း နောက်ထပ်သတင်းတွေ ရခဲ့ပါတယ်။ ဓာတ်ပေါင်းဖိုတည်ဆောက်ဖို့ ပညာရပ်သင်တန်းတက်ထား တဲ့ ပညာရှင်တွေတောင် စက်ရုံတည်နေရာကို သိခွင့်မရကြပါဘူး။ ၂၀၀၆ ဇွန်လမှာတော့ သတင်းပေါက် ကြားမှုတခုဖြစ်ခဲ့ပြီး စီမံကိန်းမှာပါတဲ့အရာရှိတွေ နေပြည်တော်ခေါ်ပြီး စစ်ကြောမေးမြန်းခံခဲ့ရပါတယ်။ အဲဒါ ကတော့ ဘာတင်းလ်လစ်တနာရဲ့ ၂၀၀၆ ဇူလိုင်ထုတ် အာရှတိုင်းမ်ဆောင်းပါးကြောင့် ဖြစ်ပါတယ်။ လစ်တ နာက မကွေးမြို့အရှေ့ဘက်က နတ်မောက်မြို့နားမှာ မြောက်ကိုးရီးယားပညာ ရှင်တွေတွေ့ခဲ့တယ်လို့ သတင်းရေးခဲ့လို့ဖြစ်ပါတယ်။
အခုတော့ ဒီ ၁၀ မီဂါဝပ် ဓာတ်ပေါင်းဖိုကို မကွေးတိုင်း မြိုင်မြို့နယ်ထဲမှာ တည်ဆောက်ခဲ့တယ် (သို့မဟုတ်) တည် ဆောက်ဖို့ရည်ရွယ်ခဲ့တယ်လို့ ကျနော်တို့သိရပါပြီ။ ဒါ့အပြင် ဒီဓာတ်ပေါင်းဖိုဟာ ရေ လေး heavy water ကိုသုံးမှာ ဖြစ်တယ်၊ ဒါကြောင့် ပလူတိုနီယမ် အဆင့်ထိ ထုတ်နိုင်မယ်ဆိုတာလည်း သိရပါတယ်။
ဒါကြောင့် အခုဆိုရင် ဖြစ်နိုင်တဲ့ ဓာတ်ပေါင်းဖိုစက်ရုံနေရာ နှစ်ခုရှိနေပါတယ်။ အဲဒါတွေက တော့ မြိုင်မြို့နယ်နဲ့ ကျောက်ပုထိုးတို့ပဲဖြစ်ပါတယ်။ အခုလို ကွဲပြားနေရတဲ့ အကြောင်းတခုကတော့ နအဖဟာ နဂိုမူလကစက်ရုံကို မကွေးဒေသမှာတည်ဖို့ စီစဉ်ခဲ့ပေမဲ့ ဧရာဝတီမဂ္ဂဇင်းက ဖော်ပြခဲ့သလို ငလျင်စက်ကွင်းဖြစ်နေလို့ အစီအစဉ်ပြောင်း လိုက်တာ ဖြစ်နိုင်ပါတယ်။ ဘယ်လိုဘဲဖြစ်ဖြစ် မကွေးဒေသ ဟာ ဖြစ်နိုင်ခြေတခု ဖြစ်မြဲဖြစ်နေပြီး သပိတ်ကျဉ်းမှာဖြစ်ဖို့တော့ အင်မတန်အလားအလာများနေပါတယ်။

ယူရေနီယမ်လှုပ်ရှားမှုများ
ဗမာပြည်ရဲ့ ယူရေနီယမ်သတ္တုသိုက်တွေနဲ့ ပတ်သက်လို့ အရင်သတင်းတွေကို အတည်ပြုပေး တဲ့ နောက်ထပ်အချက်အလက်တွေ ထပ်ထွက်လာပါတယ်။ စီးပွားရေးအရ တွက်ခြေကိုက်တဲ့ ယူရေနီယမ် သတ္တုရိုင်းဟာ ကျောက်ဖြုံး၊ ဖောင်းပြင်နဲ့ ကျောက်ဆင့်ဒေသတွေမှာ ရှိနေပါတယ်။ ဒါ့အပြင် တနင်္သာရီ တောင်ပိုင်း၊ ကရင်နီပြည် (လွိုင်ကော်ဒေသ)၊ ကချင်ပြည် မိုးညှင်းနဲ့ ရှမ်းပြည် တောင်ကြီးအနောက်ဖက် တွေမှာလည်း ယူရေနီယမ် စမ်းသပ်ရှာဖွေနေပါတယ်။ ယူရေနီယမ်သတ္တုရိုင်း ကြိတ်ခွဲမှုကိုတော့ သပိတ် ကျဉ်းမှာ လုပ်ဆောင်နေပါပြီ။ ဒါ့အပြင် ကြိတ်ခွဲပြီးယူရေနီယမ် (အဝါရောင် ကိတ်မုန့်)ကို ယူ -၂၃၅ အ ဆင့်ရောက်အောင် သန့်စင်မြှင့်တင်ဖို့ လုပ်ငန်းစဉ်တခုကိုလည်း သပိတ်ကျဉ်းမှာ စလုပ်နေပြီလို့ သတင်း ရပါတယ်။ အခုအခါမှာ ဒီသပိတ်ကျဉ်းမှာ လုပ်နေတာအားလုံးကို နျူကလီးယားတပ်ရင်း ၁ လို့ ရည်ညွှန်း သုံးစွဲနေပြီဖြစ်ပါတယ်။
၂၀၀၆ ခု နှစ်ဦးပိုင်းတုံးက အဝါရောင်ကိတ်မုန့်ကို မြောက်ကိုးရီးယားနိုင်ငံကို ရောင်းချခဲ့တဲ့အ ကြောင်း အတည်ပြု သတင်းရခဲ့ပါတယ်။ ၂၀၀၆ ဇူလိုင်မှာတော့ စစ်အစိုးရဟာ မြောက်ကိုးရီးယားဆီကနေ ယူရေနီယမ်သန့်စင် အဆင့်မြှင့်ရာမှာသုံးဖို့နဲ့ ပလူတိုနီယမ်ထုတ်လုပ်ရာမှာပါသုံးဖို့ နျူကလီးယားဓာတ်လှုံ့ ကရိယာတွေ ဝယ်ယူခဲ့ပါတယ်။ ဒီစက်ကရိယာအကြောင်းကို ကျနော်တို့ တိတိကျကျမသိသေးပေမဲ့ တ ခြား သတင်းအချက်အလက်တွေအရ အများကြီးဖြစ်နိုင်တာကတော့ စင်ထရီဖျူ့ဂ်ျ (ဗဟိုဆွဲအားကရိယာ) တွေ ပါဝင်ပါလိမ့်မယ်။ မြောက်ကိုးရီးယား နျူကလီးယားပါရဂူ အနည်းဆုံး တယောက်လောက်ကတော့ အခု သပိတ်ကျဉ်းမှာ အလုပ်လုပ်နေပါတယ်။
နောက်ထပ် အတည်ပြုနိုင်တဲ့သတင်းကတော့ လွန်ကျော်နားက စကျင်တောင်မှာ နျူကလီး ယားနဲ့ ဆက်နွယ်နေတဲ့ စစ်ဘက်သုတေသနဌာနတခု တည်ဆောက်ခဲ့ခြင်းဖြစ်ပါတယ်။ လွန်ကျော်ဒေသ မှာလည်း နျူကလီးယားတပ်ရင်း တရင်းထားတယ်လို့ သတင်းရထားပါတယ်။ ကျောက်ဆည်မြို့နယ်မှာ တော့ အရပ်ဘက်သုတေသနဌာနတခု ဖွင့်ထားပါတယ်။ မေမြို့မှာလည်း ရုရှားနျူကလီးယားပါရဂူတွေက ပြည်တော်ပြန်လာတဲ့ ပညာတော်သင်တွေကို မွမ်းမံသင်တန်းတွေ ပေးနေပါတယ်။

စစ်ဘက်ခေတ်မှီရေးနဲ့ နေပြည်တော်ကာကွယ်ရေး
နအဖ ဟာ ခေတ်မှီလက်နက်တွေ ဝယ်ယူရရှိဖို့နဲ့ မိမိရဲ့လက်နက်ကိုင်တပ်တွေကို ခေတ်မှီ အောင်လုပ်ဖို့ အကြီးအကျယ်ကြိုးစားနေပါတယ်။ အဲဒီလုပ်ဆောင်ချက်တွေထဲက ထူးထူးခြားခြားဝယ်ယူမှု တွေကို အောက်ပါအတိုင်း ဖော်ထုတ်သိရှိရပါတယ်။
၂၀၀၂ ခုမှာ နအဖဟာ မြောက်ကိုးရီးယားနိုင်ငံက ၁၂၂ မမ ဟောင်ဝစ်ဇာ အမြောက်ကြီးတွေ ဝယ်ခဲ့ပါတယ်။ တရုတ် နိုင်ငံ မြောက်ပိုင်းစက်မှုကော်ပိုရေးရှင်းဆီက လေတပ်သုံး အကြီးစားရေဒါ ၁၅ ခု ဝယ်ခဲ့ပြီး မင်္ဂလာဒုံလေတပ်စခန်း၊ နမ့်စန်လေတပ်စခန်း၊ ရခိုင်ပြည် အမ်းမြို့နယ် နတ်ရေကန်တောင်ထိပ် ရေဒါစခန်း၊ ဟိုင်းကြီးကျွန်းရေဒါစခန်း၊ ကိုကိုးကျွန်းရေဒါစခန်းတို့မှာ တပ်ဆင်နေရာချခဲ့ပါတယ်။ ပင်လယ် ပြင်နဲ့ ကမ်းခြေလုံခြုံရေးအတွက်လည်း ဧရာဝတီတိုင်းထဲက ပြင်ဝိုင်း၊ တိတ်စွန်းနဲ့ တာပင်မှော်ကျွန်းများ၊ ရ ခိုင်ပြည်ထဲက ကျွန်းသာယာ၊ မေယု၊ မာန်အောင်နဲ့ နံ့သာကျွန်းများ၊ တနင်္သာရီတိုင်းထဲက ကျွန်း (၈) ကျွန်း တို့မှာ ရေတပ်သုံးရေဒါတွေ တပ်ဆင်ခဲ့တယ်။ နအဖဟာ ရုရှားနိုင်ငံကနေ ၂၀၀၂ ခုထဲမှာဘဲ အမ်အိုင်ဂျီ-၂၉ (၁၀) စီးဝယ်ခဲ့ပြီး ၂၀၀၅ ဖေဖော်ဝါရီမှာ ဒုံးပျံပစ်စင်တွေနဲ့ ဒုံးပျံတင်ထရပ်ကားတွေ၊ ၂၀၀၆ နိုဝင်ဘာမှာ ၁၂၂ မမဒုံးပျံတွေနဲ့ ၂၄၀ မမဒုံးပျံတွေ ဝယ်ခဲ့ပါတယ်။
နအဖဟာ ရေတပ်ကစစ်ဗိုလ်တွေကို အိန္ဒိယနဲ့ရုရှားနိုင်ငံတွေမှာ သင်တန်းတက်ခိုင်းထားပါ တယ်။ အိန္ဒိယမှာ သင်္ဘောပုံစံတုနဲ့ လေ့ကျင့်ရေး Ship Simulator သင်တန်း၊ ရုရှားမှာ ရေပြင်မှရေပြင် အမြောက်ပစ်နဲ့ ဒုံးကျည်ပစ်သင်တန်းတွေ တက်ရပါတယ်။ ၂၀၀၇ စက်တင်ဘာမှာ နအဖဟာ သင်္ဘောပစ် ဒုံးကျည်ပစ်စင် (၂၈) ခုနဲ့တကွ ဆက်စပ်ဒုံးကျည်တွေ ကို အသုတ်လိုက်ခွဲဝယ်ခဲ့ပါတယ်။ အိန္ဒိယနဲ့တရုတ် နှစ်နိုင်ငံစလုံးက ဗမာပြည်ကို လက်နက်တွေ ရောင်းလည်းရောင်း၊ ပေးလည်းပေးနေပါတယ်။
၂၀၀၇ ခုမှ အိန္ဒိယနိုင်ငံက နအဖကို ၇၆ မမ နဲ့ ၇၅ မမ တောင်ပေါ်ပစ် အမြောက်တွေနဲ့ လေ ကြောင်းရန်ကာကွယ်ရေး တပ်ရင်း (၁၀) ရင်းအတွက် ၁၂၀ မမ လေယာဉ်ပစ် အမြောက်တွေ ပေးခဲ့ပါ တယ်။ ၂၀၀၀ ခုမတိုင်ခင်က မြန်မာနိုင်ငံမှာ အမြောက်စခန်းဌာနချုပ် (ဝါ) အမြောက်တပ်မ (၂) ခုပဲရှိခဲ့ပါ တယ်။ ၂၀၀၄ ခုရောက်တဲ့အခါမှာတော့ အမြောက်တပ်မ (၁၀) ခုနဲ့ဒုံးပျံတပ်မ (၁) ခုအထိတိုးချဲ့ခဲ့ပါတယ်။
စစ်ရုံးချုပ်ကို ပျဉ်းမနားရွှေ့ပြီးတဲ့နောက် တိုင်းစစ်ဌာနချုပ်တွေနဲ့ဆက်သွယ်ဖို့ ဖိုင်ဘာအော့ပ် တစ် (အလင်းဖန်မျှင်) ကြိုး တွေအသုံးပြုခဲ့ပါတယ်။ နေပြည်တော်ကာကွယ်ရေးစည်းကြောင်း၊ ရန်ကုန် တိုင်းက ရေဒါစခန်းတွေ၊ လေတပ်စခန်းတွေ၊ ရေတပ်စခန်းတွေ စသည်ဖြင့် မဟာဗျူဟာကျတဲ့နေရာတွေ ကိုဆက်သွယ်ဖို့ ဂွင်ကျယ်ကွန်ယက် WAN တခုကို သုံးပါတယ်။ ဒါ့အပြင် ပျဉ်းမနားကာကွယ်ရေးအတွက် စကခ ၆ ရဲ့တပ်ရင်း (၁၀) ရင်းကို ဒေသထဲမှာ ချထားပါတယ်။ ပဲခူးရိုးမနဲ့ တဆက်တစပ်တည်းဖြစ်တဲ့ ပျဉ်းမနားတောင်ညိုမှာ လေယာဉ်ပစ်တပ်ရင်းတရင်းထားပြီး နောက်လေယာဉ် ပစ်တပ်ရင်းတရင်းကိုတော့ ဝဲကြီးနဲ့ သာဝတ္ထိအရှေ့ဘက်မှာ ချထားပါတယ်။ လေယာဉ်ပစ်ဒုံးကျည်တချို့ကိုလည်း ပျဉ်းမနားမြို့ပေါ်မှာ အခြေစိုက်ထားပါသေးတယ်။ နေပြည်တော်အတွက် အပိုဆောင်းလုံခြုံရေးအဖြစ် သံချပ်ကာ တပ်ရင်း (၂) ရင်းကို ပျော်ဘွယ်နဲ့ ပျဉ်းမနားကြားမှာ တပ်ချထားပြီး အမြောက်တပ်ရင်း (၃) ရင်းနဲ့ အမြောက်စခန်း ဌာန ချုပ် အမှတ် ၉၀၁ ကို ပဲခူးတိုင်း ဘောနက်ကြီး - ဘုရားကြီးဒေသမှာ ချထားပါတယ်။
အချက်ပြဆက်သွယ်မှုလုံခြုံရေးအတွက် နအဖဟာ မိမိကိုယ်ပိုင်ဝါယာလက် (ကြိုးမဲ့) ဆက် သွယ်ရေးစနစ်တွေ ဖော်ထုတ်နေပါတယ်။ ၂၀၀၆ ခုမတိုင်ခင်က XD-D6M ဆက်သွယ်ရေးစက်တွေကို သုံး ခဲ့တယ်။ ဒီစက်တွေဟာ လှိုင်းနှုန်း .၀၁ မီတာကနေ ၉၉ မီတာအထိ လွှင့်နိုင် ဖမ်းနိုင်ပြီး ဆက်သွယ်မှုကို အလွယ်တကူ ကြားဖြတ်ဖမ်းယူလို့ ရနိုင်ပါတယ်။ အဲဒါကြောင့် နအဖဟာ တပ်မတော်ပင်မဆက်သွယ်ရေး အလုပ်ရုံကို စက်ကရိယာသစ်တွေ ထုတ်လုပ်ပေးဖို့ ညွှန်ကြားခဲ့ပါတယ်။ ၂၀၀၆ ခုမှာတော့ ပင်မဆက်သွယ် ရေးအလုပ်ရုံက တရုတ်နည်းပညာအကူအညီနဲ့ ကြိုးမဲ့ဆက်သွယ်ရေးစက် အသစ်တမျိုး ထုတ်လုပ်ခဲ့ပါ တယ်။ ဒါကို 2006M1 လို့ ယာယီနာမည်ပေးထားပါတယ်။ စက်အသစ်တွေဟာ လှိုင်းနှုန်း .၀၀၀၀၁ မီတာ ကနေ .၀၀၀၀၉ မီတာအထိ ထုတ်လွှင့်နိုင်ပါတယ်။ ဒီစက်သစ်တွေနဲ့ပို့လွှတ်တဲ့ သတင်းတွေကို ကြားဖြတ် ဖမ်းဖို့ အတော့်ကို ခက်ခဲတယ်လို့ ကြားရပါတယ်။
နအဖဟာ ၇၆ မမ နဲ့ ၁၂၀ မမ အမြောက်တွေ၊ မော်တာတွေ၊ ၂၅ ပေါင်ဒါအမြောက်နဲ့ ၁၀၅ မမ ဟောင်ဝစ်ဇာ အမြောက်တွေအတွက်လည်း ကိုယ်တိုင်ချိန်ရွယ်ပစ်ခတ်တဲ့စနစ်ကို အစားထိုးဖို့ ကွန်ပျူတာ ဆော့ဖ်ဝဲ တီထွင်ဖော်ထုတ် နေပါတယ်။ မြေပြင်ကရော ဝေဟင်ကပါ အကဲခတ်စနစ်တွေအတွက် ဆော့ဖ်ဝဲ သုတေသနကိုလည်း ဆောင်ရွက်နေပါတယ်။
ကပစ ၁၆ နဲ့ ၁၉ ကို အကြီးအကျယ်ပြန် လည်မွမ်းမံပြင်ဆင်ပစ်လိုက်ပြီး အပိုပစ္စည်းတွေ ထုတ်လုပ်နိုင်အောင် လုပ်ထားပါတယ်။ (တရုတ်လက်နက်နဲ့ ရုရှားလက်နက်တွေဟာ အပိုပစ္စည်းတွေနဲ့ ပုံမှန်အစားထိုးလဲလှယ်ဖို့လိုတဲ့ နာမည်ပျက်ရှိပြီး အပူပိုင်းရာသီဥတုမှာ လက်နက်တွေကလည်း ပိုပျက်စီး ယိုယွင်းလွယ်ပါတယ်။) တာလတ်ပစ်ဒုံးပျံတွေ ထုတ်လုပ်နိုင်ဖို့ နအဖဟာ တရုတ်နဲ့ မြောက်ကိုးရီးယားပါရဂူ တွေနဲ့ ကပစ ၁၄ ကို ပြင်ဆင်မွမ်းမံခဲ့ပါတယ်။ ကပစ ၁၄ ကို ၂၀၀၀ ပြည့်နှစ်မှာ မကွေးတိုင်း ငဖဲမြို့နယ်မှာ တည်ဆောက်ခဲ့ပြီး အခု လည်ပတ်ထုတ်လုပ်နေပြီလို့ ယူဆရပါတယ်။ အဲဒီစက်ရုံမှာ ခန့်မှန်းခြေအားဖြင့် စစ်အင်ဂျင်နီယာ ၃၀၀၀ လောက် အလုပ်လုပ်နေပါတယ်။ (မှတ်ချက်။ အရင်က နအဖအနေနဲ့ တာလတ်ပစ် ဒုံးပျံတွေ ထုတ်လုပ်နိုင်ဖို့ ငါးနှစ်လောက်ကြာအုံးမယ်လို့ ကျနော်တို့ ခန့်မှန်းခဲ့ပါတယ်။ ဒါပေမဲ့ အဲဒါက ရုရှား လုပ် ပဲ့ထိန်းဒုံးပျံတွေကို ဆိုလိုတာဖြစ်လို့ သီးခြားစီမံကိန်း ဖြစ်နိုင်ပါတယ်။)

နိဂုံး
နအဖအနေနဲ့ နျူကလီးယားလက်နက်တွေကို သဲကြီးမဲကြီးကြိုးပမ်းနေတာဟာ (တခြားစီမံ ကိန်းကြီးတွေလည်း ရှိသေးတယ်) ထိုင်းနိုင်ငံခေါင်းဆောင်တွေနဲ့ တကမ္ဘာလုံးက အထူးစိုးရိမ်ပူပန်သင့်ပါ တယ်။ ထိုင်းအစိုးရနဲ့ နိုင်ငံတကာအသိုင်းအဝိုင်းက စစ်အုပ်စုအပေါ် ချော့မြှူရေးပေါ်လစီ ကျင့်သုံးနေတာ ကို လုံးဝပြောင်းပြန်လှန်ပစ်ဖို့ လိုပါတယ်။ နအဖဟာ အဆိုးဆုံးအန္တရာယ်ကြီးဖြစ်ပါတယ်။ ဒါကို ရပ်တန့်ပစ် ရပါမယ်။ ရုရှားနဲ့ တရုတ်ဗီတိုအာဏာတွေ ပါနေတဲ့ လုံခြုံရေးကောင်စီဟာ ကိုင်တွယ်နိုင်စွမ်းမရှိတဲ့အတွက် တခြားရွေးစရာဖြေရှင်းချက် ရှိရပါမယ်။ တကယ့်လက်တွေ့ ဖြေရှင်းနိုင်တာက အမေရိကန်တခုပဲရှိပြီး သူ့ တနိုင်ငံတည်းကဖြစ်စေ သို့မဟုတ် တခြားစိုးရိမ်ပူပန်တဲ့နိုင်ငံတွေနဲ့ (ထိုင်းနိုင်ငံ?) ပူးတွဲ၍ဖြစ်စေ မြန်မာ နိုင်ငံကပြည်သူတွေ မိမိတို့ဖာသာလွတ်မြောက်အောင် ကြိုးပမ်းနေတာကိုကူညီပေးဖို့ လမ်းတခုပဲရှိပါ တယ်။ အဲဒီအတွက် လိုအပ်သမျှ ဘာနည်းလမ်းဘဲဖြစ်ဖြစ် အသုံးပြုရမှာဖြစ်ပါတယ်။

ရည်ညွှန်း။ ။ အာဏာရှင်စောင့်ကြည့်ရေးအဖွဲ့ Dictator Watch မှ Roland Watson ရေး ၂၀၀၈ သြဂုတ် ၇ ရက်စွဲပါ ရုရှား-မြန်မာ နျူကလီးယားထောက်လှမ်းချက် အစီရင်ခံစာ

သတင်းအကျဉ်းချုပ် ...

More Unlawful Sentencing to Activists

28 November 2008 (19:00)

1. Chit Ko Lin – Section 505/b in 3 case as 6 Years
2. Tharaphi Theint Theint Tun – Section 505/b in 3 case as 6 Years
3. Nwe Hnin Yi (a) Noe Noe – Section 505/b in 3 case as 6 Years
4. Aye Thidar – Section 505/b in 3 case as 6 Years
5. U Kyi Than – Section 505/b in 3 case as 6 Years
6. Nobel Aye – Section 505/b in 3 case as 6 Years
7. Zaw Htet Ko Ko – Section 505/b in 3 case as 6 Years
8. Daw San San Tin – Section 505/b in 3 case as 6 Years
9. Thaw Zin Tun – Section 505/b in 3 case as 6 Years
10. Saw Myo Min Hlaing – Section 505/b in 3 case as 6 Years
11. Lay Lay Mon – Section 505/b in 3 case as 6 Years
12. Aung Thiek Soe – Section 505/b in 3 case as 6 Years
13. Thein Than Tun – Section 505/b in 3 case as 6 Years
14. Sein Win Maung – 7 Years
15. Thet Zin (a) Maung Zin – 7 Years
16. U Myint Aye (HRDP) – Life imprisonment and 8 Years
17. Yan Shwe – Life imprisonment and 13 Years
18. Zaw Zaw Aung – Life imprisonment and 8 Years
19. Myo Min – 8 Years
20. Than Zaw Myint – 8 Years
21. Nan Aung – 8 Years
22.. Tun Tun Oo – 5 Years

http://www.aappb.org/

သတင်းအကျဉ်းချုပ် ...

၉၃ နှစ်ပြည့် အမေလူထုဒေါ်အမာမွေးနေ့အမှတ်တရ ဂုဏ်ပြုအယ်လ်ဘမ်

http://drlunswe.blogspot.com/

သတင်းအကျဉ်းချုပ် ...

ကမ္ဘာမြေစိမ်းလန်းရေး သို့မဟုတ် Quantum of Solace

ငြိမ်းချမ်းငြိမ်း
သောကြာနေ့၊ နိုဝင်ဘာလ 28 2008 16:00 - မြန်မာစံတော်ချိန်

၂၂ ကားမြောက် ဂျိမ်းစ်ဘွန်းဇာတ်ကားသစ် Quantum of Solace ကို နိုဝင်ဘာလ ၁၄ ရက်နေ့ (သောကြာနေ့) မှစ၍ နိုင်ငံတကာတွင် ရုံတင်ပြသသည်။ ရုံတင်ပြသပြီး နှစ်ရက်အကြာ နိုဝင်ဘာလ ၁၆ ရက် (တနင်္ဂနွေနေ့) မှစ၍ ဈေးကွက်အခေါ် ရုံကော်ပီဟုခေါ်သည့် (ရုပ်ရှင်ရုံအတွင်း ကင်မရာဖြင့် ခိုးရိုက်ထားသည့် ခိုးကူးခွေ) DVD ချပ်များမှာ ရန်ကုန်မြို့များ၏ လမ်းဘေး DVD အရောင်းဆိုင်များတွင် တခွေလျှင် သုံးထောင်ကျပ်ဖြင့် ရောင်းချနေသည်ကို တွေ့ရမည်ဖြစ်သည်။ တရုတ်အသံထွက်များဖြင့် ထိုဂျိမ်းစ်ဘွန်းကော်ပီခွေ ဇာတ်ကားများမှာ တရုတ်နိုင်ငံမှ ရုပ်ရှင်ရုံများတွင် ခိုးဝှက်ရိုက်ကူး၍ DVD အဖြစ် ဖန်တီးကာ ဂျိမ်းစ်ဘွန်းဇာတ်ကား ကြိုက်သော မြန်မာပရိသတ်အတွက် အကြိုက်တွေ့ကြရသည်။

ကမ္ဘာမြေစိမ်းလန်းရေး သို့မဟုတ် Quantum of SolaceCasino Royal ခေါ် ၂၁ ကားမြောက် ဂျိမ်းစ်ဘွန်းဇာတ်ကားကို ၂ဝဝ၆ ခုနှစ်၌ ရန်ကုန်မြို့ရှိ နေပြည်တော် အပါအဝင် အခြားရုပ်ရှင်ရုံများတွင် သုံးပတ်ကြာ ပရိသတ်္တိုတိုးမပေါက်အောင် အားပေးခဲ့ခြင်းက ခိုးကူးခွေထုတ်လုပ်သူများအတွက် အကြိုက်တွေ့ခဲ့ကြခြင်း ဖြစ်မည်။ မည်သို့ပင်ဖြစ်စေ နိုင်ငံတကာနှင့် အပြိုင် ဇာတ်ကားသစ်များကို ရုံမတင်နိုင်သော မြန်မာနိုင်ငံ၌မူ ဘွန်းပရိသတ်များ အနေဖြင့် ခိုးရိုက်ထား၍ ကြည်လင်ပြတ်သားမှု မရှိသော ထိုဇာတ်ကားကို တရုတ်စကားပြောသံများ အနေဖြင့် ခိုးဝှက်ထား၍ ကြည်လင်ပြတ်သားမှု မရှိသော ထိုဇာတ်ကားကို တရုတ်စကားပြောသံများဖြင့် ၎င်းရုပ်ရှင်ရုံထဲမှ ပရိသတ်အသံများဖြင့် ၎င်းကြည့်ရကာ အာသာဖြေကြရသည်။

Quantum of Solace ဇာတ်ကားကို Monster’s Ball, Finding Neverland ဇာတ်ကားများကို ဖန်တီးခဲ့သည့် ဒါရိုက်တာ မတ်(ခ်)ဖော်စတာက ရိုက်ကူးထားသည်။ Casino Royal တွင် ဘွန်းအဖြစ် သရုပ်ဆောင်ထားသည့် ဒယ်နီရယ်ခရေ့စ်ကပင် ယခုဇာတ်ကားတွင်လည်း ဘွန်းအဖြစ် သရုပ်ဆောင်ထားသည်။ ဘွန်းအဖြစ် အဓိကရန်သူ ဒေါမနစ်ဂရင်းအဖြစ် ပြင်သစ် သရုပ်ဆောင်နှင့် မက်သယူး အမ်မာလရစ်က သရုပ်ဆောင်သည်။

ကွမ်တမ်ဂိုဏ်း၏ အဓိကကျသော ဂိုဏ်သားတဦးဖြစ်ပြီး ဂရင်းပလန်းနက် သဘာဝပတ်ဝန်းကျင် ထိန်းသိမ်းရေးအဖွဲ့၏ ဥက္ကဋ္ဌတဦးဖြစ်သည့် ဒေါမနစ်ဂရင်းမှာ သဘာဝပတ်ဝန်းကျင် ထိန်းသိမ်းရေးဝါဒီအဖြစ် မျက်နှာဖုံးစွပ်ထားပြီး တရားမဝင် စီးပွားရေး လုပ်ငန်းများ လုပ်ကိုင်နေသူ ဖြစ်သည်။ အမေရိကန် ထောက်လှမ်းရေး အေဂျင်စီ ဗြိတိသျှ ထောက်လှမ်းရေး အဖွဲ့များနှင့် ပေါက်ရောက်သူလည်း ဖြစ်သည်။ သူ၏ အဓိက ရည်မှန်းချက်မှာ ပြည်ပတွင် ရောက်ရှိနေသည့် ဘိုလီဗီးယား စစ်ဗိုလ်ချုပ် မီဒရန်နိုကို အာဏာရရှိရန် ကူညီဆောင်ရွက်ပေးနေသူ ဖြစ်သည်။ မီဒရန်နို အာဏာ ပြန်လည်ရရှိလျှင် ဘိုလီဗီးယားနိုင်ငံ၏ ရေနံတွင်းများကို ထုတ်လုပ်ခွင့် ရရှိမည်ဖြစ်ပြီး အမေရိကန်ကလည်း စီအိုင်အေ အေးဂျင့် ဂရက်ကို လွှတ်ထား၍ မီဒရန်နို အာဏာသိမ်းနိုင်ရန် အကူအညီပေးထားသည်။

Quantum of Solace ဇာတ်ကားမှာ ၂၁ ကားမြောက် ဘွန်းဇာတ်ကား Casino Royal ဇာတ်ကားနှင့် ဆက်နွယ်မှု ရှိနေသည်။ Casino Royal ဇာတ်ကားတွင် ဘွန်းနှင့် မစ္စတာဝှိုက်တို့ ကာစီနိုကစားပွဲအပြီး နောက်တနာရီ အကြာတွင် ဖြစ်ပျက်သော ဖြစ်ရပ်တခုဖြင့် Quantum of Solace ဇာတ်ကားကို စဖွင့်ထားသည်။ ဇာတ်လမ်း စစချင်းမှပင် အီတလီနိုင်ငံ ဆီယာနာမြို့တွင် ဘွန်း မောင်းလာသော ကားနောက်သို့ သေနတ်သမားများ လိုက်လာကြကာ သူ့ကို အသေ ပစ်သတ်ကြသော်လည်း နောက်ဆုံးတွင် ဘွန်း လွတ်မြောက်လာခဲ့သည်။ ကျည်ဆန်ရာ ဗရပွဖြစ်နေသော ဘွန်း၏ မော်တော်ကားထဲတွင် ဖမ်းဆီးလာသော မစ္စတာဝှိုက်ကို ဘွန်းနှင့် MI 5 မှ စစ်ဆေးနေစဉ် M ၏ လူယုံသက်တော်စောင့် မစ်ရှဲလ်က ဝှိုက်၏ လူဖြစ်နေသောကြောင့် သူ့ကို လွတ်မြောက်အောင် ကူညီပေးလိုက်သည်။ ပိုလိုကစားပွဲ ကျင်းပနေသောကြောင့် ဝှိုက်ကို ပြန်လည် မဖမ်းမိသော်လည်း သစ္စာဖောက် မစ်ရှဲကိုမူ သူ၏ အဆက်အသွယ်များကို မေးပြီး သတ်ပစ်လိုက်သည်။ ဝှိုက်ဆီမှရသော အချက်အလက်၊ မစ်ရှဲဆီမှရသော အချက်အလက်များကို ဆက်စပ်လိုက်သည့်အခါ တောင်အမေရိကတိုက် နိုင်ငံရေးအတွက် အန္တရာယ်ရှိသည့် ကွမ်တပ်ဂိုဏ်းကြီးကို ဘွန်း ခြေရာခံမိသည်။

ကမ္ဘာမြေစိမ်းလန်းရေး သို့မဟုတ် Quantum of SolaceCasino Royal ဇာတ်ကားတွင် အာဖရိကတိုက်ရှိ စိန်တွင်းများနှင့် ပတ်သက်၍ အားပြိုင်နေသော သူပုန်များအား အကူအညီပေးနေသည့် အဖွဲ့များအား ရှင်းလင်းနိုင်ခဲ့ပြီးနောက် သူ၏ ကိုယ်ရေးကိုယ်တာ (Personal Mission) နှင့် ပတ်သက်၍ ချစ်ကြွေးဆပ်ရမည့် ဘွန်းမှာ ဝှိုက် လွတ်မြောက်ပြီးနောက် ဆွမ်းခံရင်း ငှက်သင့်ဖြစ်ကာ ကွမ်တပ်ဂိုဏ်းကြီးအား ဖြိုခွဲရမည့်အပြင် ဗြိတိသျှထောက်လှမ်းရေးဌာနမှ ကွမ်တပ်ဂိုဏ်းနှင့် ဆက်နွယ်သူများကိုပါ ဖော်ထုတ်ရမည့် အခြေအနေ ရောက်ခဲ့သည်။ သူ့အပေါ် သစ္စာဖောက်သွားသည့် ရုရှားသူလျှိုမယ် ချစ်သူဖြစ်သူ ဗက်စပလင်းအပေါ် ပြန်လည် လက်စားချေမည့် ဘွန်း၏ အစီအစဉ်များမှာလည်း မစ်ရှဲနှင့် အဆက်အသွယ်ရှိသူ ဟေတီရှိ ဆလိတ်နောက်သို့ လိုက်ရန် အကြောင်းဖန်လာခဲ့သည်။ ဘွန်း ဟေတီသို့ ရောက်ချိန်တွင် လက်မရွံ့ လူသတ်သမားတဦးက သူ့အား သတ်ရန်ကြံသော်လည်း မအောင်မြင်ခဲ့။ ဟေတီတွင် ဘိုလီဗီးယား သူလျှိုမလေး ကာမီလီမွန်တက်(ဇ်)နှင့် တွေ့ပြီးနောက် သူမကို နောက်ယောင်ခံလိုက်ချိန်တွင် ဒေါမနစ်ဂရင်းနှင့် ကာမီလီတို့ တွေ့ဆုံနေကြသည်။ ဂရင်းက ကာမီလီကို ဗိုလ်ချုပ်မီဒရန်နိုနှင့် မိတ်ဆက်ပေးပြီး သူတို့၏ မော်တော်ဘုတ်နှင့် ထည့်လိုက်သည်။ ကာမီလီ၏ မိသားစုကို သတ်ပြီး သူ၏ မိခင်အား မတရားပြုကျင့်သွားခဲ့သည့် မီဒရန်နိုကို ပြန်လည် လက်စားချေရန် ကာမီလီက ကြံစည်ထားသော်လည်း မီဒရန်နိုက မမှတ်မိချေ။ ဘွန်းက မော်တော်ဘုတ်ထဲမှ ကာမီလီကို ပြန်လည်ခေါ်ဆောင်ခဲ့သော်လည်း ကာမီလီက လိုက်ပါလိုစိတ် မရှိချေ။

ကွမ်တပ်ဂိုဏ်းသားများ လျှို့ဝှက်တွေ့ဆုံပွဲ ကျင်းပရာ သြစတြီးယားသို့ လိုက်သွားသည့်အခါ ကွမ်တပ်ဂိုဏ်းသားများက နာမည်ကျော်ပြဇာတ်ဆရာ ပုချီနီ၏ တူစကာ အော်ပရာပြဇာတ် ကြည့်ချင်ဟန်ဆောင်၍ ထိုပြဇာတ်ရုံထဲတွင် စုဝေးကြပြီး အထူးဖန်တီးထားသည့် နားတွင် တပ်ဆင်သော ကိရိယာဖြင့် အစည်းအဝေး လုပ်နေသည်ကို ဘွန်း သိရှိသွားခဲ့သည်။ ခဏအကြာတွင် ထိုနားကြားကိရိယာကို ရအောင်ယူပြီး ဘွန်းက အစည်းအဝေးကို နှောင့်ယှက်နိုင်ခဲ့သည်။ ထိုစည်းဝေးပွဲသို့ ဗြိတိသျှဝန်ကြီးချုပ်၏ အကြံပေးဖြစ်သူလည်း တက်ရောက်ပြီး ဘွန်း၏ နှောင့်ယှက်မှုကြောင့် ရုတ်ရုတ်သဲသဲ ဖြစ်ချိန်တွင် ဂရင်းလည်း ကားနှင့် ထွက်ပြေးရာ အကြံပေးပုဂ္ဂိုလ်၏ သက်တော်စောင့်ဖြစ်သူနှင့် ဘွန်းတို့နှစ်ဦး ဇာတ်ရုံခေါင်မိုးတွင် ဆုံမိကြသည်။ ထိုသက်တော်စောင့်က ခေါင်မိုးပေါ်မှ ခုံချသွားခဲ့ရာ ဂရင်းတို့၏ ကားပေါ်သို့ ကျသွားခဲ့သည်။

ကမ္ဘာမြေစိမ်းလန်းရေး သို့မဟုတ် Quantum of Solaceဗြိတိသျှအထူးအဖွဲ့ခွဲမှ အေးဂျင့်တဦးကို သတ်မှုဖြင့် M က ဘွန်းကို နိုင်ငံကူးလက်မှတ်နှင့် credit card များ အပ်ရန်အတွက် လန်ဒန်သို့ ပြန်လာရန် ခေါ်သော်လည်း ဘွန်းက အီတလီရှိ MI 5 အေးဂျင့်ဟောင်းနှင့် သူ၏ မိတ်ဆွေဖြစ်သူ ရီနီမေသစ်ဆီသို့ ရောက်သွားခဲ့သည်။ ရီနီ၏ အကူအညီဖြင့် ဘိုလီဗီးယားနိုင်ငံ လိုပက်(ဇ်)မြို့သို့ ပြန်လည်ရောက်ရှိကာ ထိုနိုင်ငံရှိ ဗြိတိသျှ ကောင်စစ်ဝန်ရုံးတွင် အမှုထမ်းနေသည့် MI 5 အေးဂျင့် စတော်ဘယ်ရီဖီးလ်နှင့် ရင်းနှီးခဲ့သည်။ သူမ၏ အကူအညီဖြင့် ဂရင်း၏ ရန်ပုံငွေ ရှာဖွေပွဲသို့ တက်ရောက်နိုင်ခဲ့ရာ ကာမီလီနှင့် ပြန်လည်တွေ့ဆုံခဲ့သည်။ ဘွန်းက ကာမီလီကို ပြန်လည် ခေါ်ဆောင်သွားရာ လမ်းတွင် ဘွန်းတို့ မောင်းနှင်လာသော ကားကို ဘိုလီဗီယား ရဲတို့က ရပ်ခိုင်းပြီး ကားနောက်ဖုံးကို ဖွင့်ခိုင်းသည်။ ဒဏ်ရာအပြည့်နှင့် ရီနီကို နောက်ဖုံးထဲတွင် တွေ့လိုက်ရာ ဘွန်းကိုယ်တိုင် အံ့သြသွားသည်။ ရဲတို့၏ ဖမ်းဆီးမှုကို လက်မခံဘဲ အပြန်အလှန် ပစ်ခတ်ပြီးနောက် ရီနီ သေဆုံးသွားခဲ့သည်။ ရီနီ မသေဆုံးခင် ဗက်စပါလင်းကို ခွင့်လွှတ်ရန် ပြောကြားသွားခဲ့သည်။

ကာမီလီနှင့် ဘွန်းတို့နှစ်ဦး Douglas DC-3 လေယာဉ်စီးကာ ဘိုလီဗီးယားနိုင်ငံ ရေနံထုတ်လုပ်ရန် လျာထားသော နေရာများတွင် သဲကန္တာရ ဖြစ်ထွန်းမှုကို လေ့လာချိန်တွင် တိုက်လေယာဉ်နှင့် ရဟတ်ယာဉ်တစီးတို့မှ လိုက်လံ ပစ်ခတ်သဖြင့် လေယဉ်ပျက်ကျကာ ၎င်းတို့နှစ်ဦးလည်း ထွက်ပြေးရသည်။ ကာမီလီက မိဘများအတွက် လက်စားချေရန် ကြံစည်ထားသည့်အကြောင်း ဘွန်းကို ပြောပြပြီးနောက် သူတို့နှစ်ဦး လာပက်(ဇ်)သို့ ပြန်လာခဲ့သည်။ လာပက်(ဇ်)တွင် M နှင့် တွေ့ပြီးနောက် ဘွန်းကြောင့် MI 5 အေးဂျင့်မှာ စတော်ဘယ်ရီ ရေနံစိမ်စည်ထဲတွင် အသတ်ခံထားရမှုအတွက် ဘွန်းကို ဘိုလီဗီယားမှ ပြန်ခေါ်ရန် M က အမိန့်ထုတ်သောအခါ ဘွန်းကို မနာခံဘဲ ဓာတ်လှေကားထဲတွင် သူ့ကို ထိန်းသိမ်းထားသည့် MI 5 အေးဂျင့်များကို တိုက်ခိုက်ပြီး လွတ်မြောက်လာခဲ့သည်။

ဘားတခုတွင် ဘွန်း၏ မိတ်ဆွေဖြစ်သူ စီအိုင်အေ ထောက်လှမ်းရေး ဖီလစ်လီယက်တာနှင့် တွေ့ဆုံသည့်အခါ ဂရင်းနှင့် မီဒရန်နိုတို့နှစ်ဦး အာဏာသိမ်းရန် တွေ့ဆုံမည့်နေရာကို ပြောပြခဲ့သည်။ ကာမီလီနှင့် ဘွန်းတို့နှစ်ဦး ဂရင်းတို့ ချိန်းဆိုထားသည့် နေရာသို့ ရောက်ရှိသွားသည့်အခါ ထိုနေရာမှ ထိုနေရာမှ ထွက်ခွာရန် ပြင်နေသော ဘိုလီဗီးယား ရဲချုပ်ကို ရီနီအား သတ်မှုအတွက် ဘွန်းက ပစ်သတ်လိုက်ပြီး ကာမီလီကမူ ဗိုလ်ချုပ် မီဒရန်နိုကို သူ့မိသားစုအတွက် ကလဲ့စားချေနိုင်ခဲ့သည်။ ဘွန်းလက်တွင်းမှ ဂရင်း လွတ်မြောက်ခဲ့သော်လည်း ပြန်လည်ဖမ်းဆီးမိနိုင်ခဲ့ပြီး ကန္တာရအလယ်တွင် သူ့အား လောင်စာဆီတဗူးနှင့် ဘွန်းက ထားခဲ့သည်။

ကွမ်တပ်ဂိုဏ်းကြီးနှင့် ဗိုလ်ချုပ်မီဒရန်နိုအား ဖြိုခွဲခဲ့အပြီးတွင် ဘွန်းက သူ့ချစ်သူဟောင်းရှိရာ ရုရှားနိုင်ငံ ကာဇန်သို့ လိုက်သွားသည်။ ကာဇန်တွင် ဗက်စပါလင်းက ပြင်သစ်-အယ်ဂျီးယားဖွား ယူစွက်နှင့် အတူနေသည်။ ယူစွက်က ကမ်တပ်ဂိုဏ်းသား တဦးဖြစ်ပြီး ထိပ်သီးသူလျှိုမယ်များကို ချစ်ဟန်ဆောင်ကာ အတွင်းသတင်းများကို ထောက်လှမ်းနေသူ ဖြစ်သည်။ ဗက်စပါနှင့် တွေ့ချိန်တွင် ဘွန်းက ဗက်စပါကို အပြစ်မယူကြောင်း ပြောပြီး ကနေဒါ ထောက်လှမ်းရေးက အလိုရှိသော ယူစွက်ကို ထောက်လှမ်းရေး ကော်နီ လက်ထဲသို့ အပ်လိုက်သည်။ ဗက်စပါ၏ အိမ်မှအထွက်တွင် အသင့်စောင့်နေသော M က ယူစွက်ကို မသတ်ဘဲ ထွက်လာသည့် ဘွန်းကို တအံ့တသြ ကြည့်နေသော်လည်း ဘွန်းက ဗက်စပါအတွက် ယူစွက် ဝယ်ပေးထားသော ဆွဲကြိုးလေးအား နှင်းတောထဲသို့ ပစ်ချပြီး ပျောက်ကွယ်သွားသည်။

၂၂ ကားမြောက် ဂျိန်းစ်ဘွန်းဇာတ်ကားဖြစ်သည့် Quantum of Solace မှာ တခြားဘွန်းဇာတ်ကားများလို မဟုတ်ဘဲ လက်နက်ကိရိယာ အပြည့်အစုံ တပ်ဆင်ထားသော ကိုယ်ပျောက်ကားများ၊ လက်နက်ဆန်းများ၊ X Ray မျက်မှန်များ စသည့် ဆန်းဆန်းပြားပြား ပစ္စည်းများ မပါဝင်တော့ချေ။ ဒရမ်မာနှင့် ဇာတ်သိမ်းပြီး သဘာဝကျမှုကို ဦးစားပေးထားသည့် ယခုဇာတ်ကားကို ရုပ်ရှင်ဝေဖန်ရေးဆရာများက ဇာတ်လမ်းပိုင်း အားနည်းပြီး အခြား ဂျိန်းစ်ဘွန်းကားများမှ ဇာတ်ဝင်ခန်းများကို ဟိုတစ၊ ဒီတစ ယူထားသည်ဟု ဝေဖန်ကြသည်။ ဥပမာအားဖြင့် စတော်ဘယ်ရီကို ရေနံစိမ်းစိမ်ပြီး သတ်ထားပုံမှာ Gold finger တွင် သူလျှိုမယ်တဦး ရွှေရည်စိမ်ပြီး သတ်ထားပုံကို ယူထားသည်ဟု ဝေဖန်ကြသည်။

သဘာဝ အရင်းအမြစ်များကို ထုတ်ယူကာ ကမ္ဘာလောက စိမ်းလန်းစိုပြေမှုကို ဖျက်ဆီးပစ်မည့် Eco Terrorist များ၏ အန္တရာယ်ကို ရိုက်ကူးပြသခဲ့၍ ချီးမွမ်းမှုများလည်း ရှိကြသည်။ အချုပ်အားဖြင့် ဆိုရလျှင် ၂၂ ကားမြောက် ဘွန်းဇာတ်ကားတွင် ဘွန်း၏ ရန်သူအဖြစ် Eco Terrorist တို့ကို ထားသည်။ ၂၃ ကား သို့မဟုတ် ၂၄ ကားမြောက်တွင်မူ မြန်မာ အပါအဝင် တောင်အာရှမှ အာဏာရှင်များနှင့် ရုရှား၊ တရုတ်တို့ ဆက်သွယ်ကြပုံကို ဘွန်း၏ ရန်သူအဖြစ် ထားရှိကောင်း ထားရှိမည်ဟု ဘွန်းဇာတ်ကားများကို ထုတ်လုပ်သည့် Eon Production က ဒေးလီးတယ်ရီဂရပ် သတင်းစာနှင့် အင်တာဗျူးတွင် ပြောကြားထားသည်။ အကယ်၍သာ ဘွန်းဇာတ်ကားများတွင် မြန်မာနိုင်ငံအကြောင်း ထည့်ရိုက်မည်ဆိုလျှင် လမ်းပေါ်တွင် ရောင်းချနေသည့် DVD ဆိုင်များတွင် ထိုအခွေများကို တွေ့ရတော့မည် မဟုတ်ချေ။

ပထမဦးဆုံး ဘွန်းဇာတ်ကားဖြစ်သည့် Dr. No ကို ၁၉၆၂ ခုနှစ်တွင် ရုံတင်ပြသခဲ့သည်။ ၂ဝဝ၈ ခုနှစ်တွင် ဘွန်းဇာတ်ကားပေါင်း ၂၂ ကားရှိလာပြီး ဘွန်းမင်းသားပေါင်းလည်း ၆ ဦး ရှိလာကာ၊ ဘွန်းဇာတ်ကား၏ ဇာတ်လမ်းများမှာ အမျိုးမျိုး ပြောင်းလဲလာပြီး ဘွန်းဇာတ်ကား ဒါရိုက်တာပေါင်းလည်း တဒါဇင်ကျော် ရှိလာပြီဖြစ်သော်လည်း မြန်မာနိုင်ငံ၏ အာဏာရှင်စနစ်ကမူ လုံးဝ မပြောင်းချေ။

ငြိမ်းချမ်းငြိမ်း
http://www.mizzimaburmese.com/yatha-bank/movies/2066--quantum-of-solace.html

သတင်းအကျဉ်းချုပ် ...

မြန်မာ့ သတ်မတော်

video။ ။arzanimg

သတင်းအကျဉ်းချုပ် ...

ဦးမြင့်အေးတို့ကို တကျွန်းထက်ပိုသည့် ထောင်ဒဏ်များ ချမှတ်

ဖြိုးကြီး။ နိုဝင်ဘာ ၂၈၊ ၂၀၀၈

လူ့အခွင့်အရေး ကာကွယ်မြှင့်တင်သူများကွန်ယက်မှ ဦးမြင့်အေးနှင့်အတူ အမှုတွဲ (၂) ဦးကို တကျွန်းထက်ပိုသည့် ထောင်ဒဏ်များ ချမှတ်လိုက်သည်။

ယနေ့နေ့လည် (၁၂) နာရီခွဲခန့်က အင်းစိန်မြို့နယ်တရားရုံးမှ ဦမြင့်အေးကို ပုဒ်မ (၁၃-၁)၊
(၁၃-၅)၊ (၁၇-၁) တို့ဖြင့် ထောင်ဒဏ် (၈) နှစ်၊ ကိုရန်ရွှေကို (၁၃) နှစ်၊ ကိုဇော်ဇော်အောင်ကို (၈) နှစ် အသီးသီး ချမှတ်လိုက်ပြီးနောက် အင်းစိန်ခရိုင်တရားရုံးမှ ဦးမြင့်အေးကို (၃/၆) ဖောက်ခွဲကူညီမှုဖြင့် တသက်တကျွန်း၊ ကိုရန်ရွှေကို ဖောက်ခွဲ (၃) ဖြင့် တသက်တကျွန်း၊ ဇော်ဇော်အောင်ကို ဖောက်ခွဲ (၃) ဖြင့် တသက်တကျွန်း အသီးသီး ချမှတ်လိုက်ခြင်းဖြစ်သည်။

“အဲလို ထောင်ဒဏ်ချမှတ်လိုက်တဲ့အပေါ် ဦးမြင့်အေးက အမှိုက်ပုံးထဲက ခြင်ကိုက်တာလောက်ပဲ ဖြစ်တယ်လို့ ပြောတယ်”ဟု တရားရုံးသို့ သွားရောက်ခဲ့သည့် (HRDP)အဖွဲ့ဝင် ကိုမောင်မောင် လေးက ပြောသည်။

ယနေ့အမိန့်ချမှတ်ရာတွင် ဦးမြင့်အေးနှင့် အခြား (၂) ဦးတို့အား မိသားစုဝင်များက သွားရောက် တွေ့ဆုံကြားနာခွင့်ရခဲ့ပြီး ဦးမြင့်အေးတို့ ကျန်းမာရေးအခြေအနေနှင့် ပတ်သက်၍ “ကျန်းမာရေး အခြေအနေကတော့ ရုပ်ပိုင်းဆိုင်ရာ စိတ်ပိုင်းဆိုင်ရာ အကုန်ကောင်းပါတယ်၊ အထူးသဖြင့် စိတ်ဓါတ်ပိုင်းဆိုင်ရာတွေ တော်တော်ကို ကောင်းကောင်းမွန်မွန် ရှိပါတယ်”ဟု ကိုမောင်မောင် လေးက ဆက်ပြောသည်။

ထို့အပြင် ယနေ့ညနေပိုင်းက ရွှေပြည်သာမြို့နယ်တရားရုံးက ကိုမျိုးမင်းကို ပုဒ်မ(၁၃-၁)၊
(၁၇-၁) တို့ဖြင့် ထောင်ဒဏ် (၈) နှစ်၊ ကိုသန့်ဇော်မြင့်(ဆီးပိန်)ကို ပုဒ်မ (၁၃-၁)၊ (၁၇-၁) တို့ဖြင့် (၈) နှစ်၊ ကိုနန်းအောင်(ကပ္ပလီ)ကို ပုဒ်မ(၁၃-၁)၊ (၁၇-၁) တို့ဖြင့် ထောင်ဒဏ် (၈) နှစ်၊ ကိုမျိုးမင်းဝေကို ပုဒ်မ (၁၃-၁) ဖြင့် ထောင်ဒဏ် (၅) နှစ် အသီးသီးချမှတ်လိုက်သည်။

စစ်အစိုးရ အာဏာပိုင်များက လူ့အခွင့်အရေး ကာကွယ်မြှင့်တင်သူများကို အကြမ်းဖက်သမား များအဖြစ် စွပ်စွဲကာ ယခုကဲ့သို့ ထောင်ဒဏ်များချမှတ်လိုက်ခြင်းသည် တရားခံအငှားဖြင့် တဖက်သတ် စွပ်စွဲချက်များစွဲဆိုကာ မတရားလုပ်ဆောင်ခြင်းဖြစ်သည်ဟု ကိုမောင်မောင်လေး က ပြောသည်။

“လူ့အခွင့်အရေးပဲဖြစ်ဖြစ်၊ ဒီမိုကရေစီရေးပဲဖြစ်ဖြစ် နအဖအနေနဲ့ လက်မခံနိုင်ဘူးဆိုတာကို ပြသတာဖြစ်တယ်၊ နောက်တချက်ကတော့ မြန်မာပြည်မှာ ဗုံးပေါက်ကွဲတယ်ဆိုတိုင်း တစုံတရာ တာဝန်ရှိတဲ့သူက မှန်ကန်တဲ့တရားခံကို မဖော်ထုတ်နိုင်တာပဲလား၊ မဖော်ထုတ်ချင်တာပဲလား တော့ မသိဘူး၊ အဲလိုကိစ္စတွေနဲ့ တမင်သက်သက် စွပ်စွဲချက်တွေနဲ့ ချလိုက်တယ်ဆိုတာကိုပဲ ကျနော်တို့က ယုံကြည်ပါတယ်”ဟု ပြောဆိုသည်။

ဦးမြင့်အေးတို့အား လက်ရှိ အင်းစိန်ထောင်တွင်းမှာပင် ထားရှိထားပြီး မကြာခင် ကိုကိုးကျွန်းနှင့် မော်လမြိုင်ဘက်များသို့ ပို့ဆောင်မည်ဟု ထောင်အာဏာပိုင်အသိုင်းအဝိုင်းတွင် သတင်များ ထွက်ပေါ်နေကြောင်း သိရသည်။

သတင်းအကျဉ်းချုပ် ...

အသက်မပြည့်သူ ကလေး တဦးအား စစ်သား အဖြစ် စုဆောင်း

(နိရဉ္စရာ)

ရခိုင်ပြည်နယ် မြောက်ဦးမြို့နယ်မှ အသက် ၁၄ နှစ်သာ ရှိသေးသည့် လူငယ် တဦးအား မိဘများ၏ သဘောထားကို ဆန်ကျင်ပြီး အတင်း အဓမ္မ စစ်သား အဖြစ် စုဆောင်း ထားကြောင်း သတင်းရရှိသည်။

စစ်သား အဖြစ် စုဆောင်းခံရသူမှာ မောင်သာထွန်း ဖြစ်ပြီး (အဘ) ဦးရွှေထွန်း (အမိ) ဒေါ်နှင်းဆီဖြူ သားဖြစ်ကြောင်း သိရသည်။

သူ၏ နေရပ်မှာ မြောက်ဦးမြို့နယ် ပုဇွန်ဖယ် ကျေးရွာမှ ဖြစ်သည်။

ကျေးရွာသားများ ပြောကြားချက်အရ မောင်သာထွန်း၏ မိဘများမှာ ဆင်းရဲပြီး လက်လုပ် လက်စားများ ဖြစ်သဖြင့် အဆိုပါ ဆင်းရဲမှုကို အခွင့်ကောင်းယူကာ မြောက်ဦး အခြေစိုက် ခမရ ၅၄၀ မှ သူ့အား တပ်သားသစ် အဖြစ် စည်းရုံးသိမ်းသွင်းသွားခဲ့ခြင်း ဖြစ်ကြောင်း သိရသည်။

၎င်းပြင် မောင်သာထွန်း၏ မိဘ နှစ်ဦးအားလည်း သူတို့၏ သားဖြစ်သူအား ပြန်လည် မခေါ်ယူပါကြောင်း လက်မှတ် ရေးထိုးထားရသည်ဟု သိရသည်။

သူ့အား တပ်သား သစ်အဖြစ် စည်းရုံးသိမ်းသွင်းသူမှာ တပ်မှ ပိုင်စင်ယူရန် စီစဉ်နေသည့် စစ်သား တဦး ဖြစ်ပြီး တပ်မှ အငြိမ်းစား မယူမှီ မောင်သာထွန်းအား အတင်းစည်းရုံးပြီး တပ်သားသစ်အဖြစ် စုဆောင်ခြင်း ဖြစ်သည်။

နအဖ တပ်မတော်တွင် စစ်သား တဦးသည် အငြိမ်းစား မယူမှီ တပ်သားသစ် နှစ်ဦးကို ရှာဖွေ ပေးရမည်ဟု အမိန့်ထုတ်ထားကြောင်း သိရသည်။

သတင်းအကျဉ်းချုပ် ...

စိတ်မပျက်နဲ့ အားတင်းပါ - လူထုစိန်ဝင်း

မတွေ့တာ ဆယ့်လေးငါးနှစ်လောက် ကြာပြီဖြစ်တဲ့ မိတ်ဟောင်း၊ ဆွေဟောင်းတစ်ယောက် လာလည်ပါ တယ်။ သူက ရာထူးကြီးတစ်ခုကနေ ပင်စင်ယူပြီးတဲ့နောက် အနားမယူဘဲ ကုမ္ပဏီတစ်ခုတည်ထောင်ပြီး စီးပွားရေးလုပ်နေတာကြောင့် မတွေ့ဖြစ်ကြတော့တာပါ။ အခုမှ အသက်ကလည်း ၇ဝ ကောင်းကောင်းကြီး ကျော်နေပြီဖြစ်တာကြောင့် သားသမီးတွေလက်ထဲ အားလုံးလွှဲပြီး လုံးလုံးကြီး အနားယူလိုက်တာလို့ ပြောပါ တယ်။

အအိုမြန်လိုက်တာ

‘ကျုပ်တို့ သက်တမ်းကလူတွေ တယ် မတွေ့ရတော့ဘူးဗျ၊ ဆုံးသွားတဲ့လူနဲ့၊ ဘုန်းကြီးဝတ်သွားတဲ့လူနဲ့၊ ရိပ်သာမှာပဲ အမြဲနေတဲ့လူနဲ့ အားလုံးဆုံကြဖို့တော့ မလွယ် တော့ဘူး’

သူက မန္တလေးကိုလည်း ရောက်သေးတဲ့အကြောင်း၊ မိတ်ဆွေဟောင်းတချို့ကို သွားတွေ့ခဲ့တဲ့အကြောင်း ဆက်ပြောပြပါတယ်။ အတော်များများက စိတ်ရော လူပါကျပြီး လူအိုကြီးတွေဖြစ်ကုန်ကြပြီလို့လည်း ပြောပါ တယ်။

‘ကျုပ်တို့ဗမာတွေဟာ ပင်စင်ယူပြီးတာနဲ့ သေဖို့ပဲ စဉ်းစားနေကြလို့နဲ့တူပါရဲ့ဗျာ။ အအိုမြန်လိုက်ကြတာ’

သူက ညည်းသလိုလို စကားဆိုပါတယ်။ သူကတော့ အရွယ်တော်တော်တင်ပါတယ်။ ဖျတ်ဖျတ်လတ်လတ်၊ သွက်သွက်လက်လက် ရှိဆဲပါပဲ။ မကြောင့်မကြ မတောင့်မတ နေနိုင်တာကြောင့်လား မဆိုနိုင်ဘူး။ ၇၆ နှစ် လို့ကို မထင်ရပါဘူး။ ၆ဝ လောက်လို့သာ ထင်ရပါတယ်။ အခုချိန်ထိ ပြည်တွင်းပြည်ပခရီးတွေ သွားနေဆဲပါ ပဲ။ သမီးရှိတဲ့အင်္ဂလန်က ပြန်ရောက်လာတာ တစ်လကျော်ကျော်သာ ရှိသေးတယ်လို့ လည်း သိရပါတယ်။

သူများတွေနဲ့ ကွာလိုက်တာ

သူပြန်သွားတဲ့အထိ ‘အအိုမြန်လိုက်ကြတာ’ ဆိုတဲ့ သူ့စကားကို ဆက်စဉ်းစားနေမိတယ်။ သူများနိုင်ငံက ၇ဝ ကျော် ပင်စင်စားကြီးတွေ စုဝေးပြီး ကမ္ဘာ့လှည့် လည်ပတ်ကြတာတွေ မြင်ရ၊ တွေ့ရတော့ တို့ဆီကနဲ့များ ကွာ လိုက်တာ’ လို့ မကြာမကြာ တွေးမိခဲ့ရတယ်။ ဒီမှာကတော့ မိတ်ဆွေပြောသလို ပင်စင်ယူပြီးတာနဲ့ သေဖို့ပဲ စဉ်းစားနေကြတယ်နဲ့တူပါရဲ့။ မိတ်ဆွေဖြစ်သူလို ပင်စင်ယူပြီး ကုမ္ပဏီမထောင်နိုင်ကြတာလည်း အဓိက အကြောင်းတစ်ရပ် ဖြစ်မယ်ထင်ပါတယ်။ ဘာကြောင့်ပဲဖြစ်ဖြစ် ပင်စင်ယူပြီးပြီဆိုတာနဲ့ လူရောစိတ်ပါ ကျ သွားကြတာတော့ အမှန်ပဲ။ ရပ်ရေး၊ ရွာရေး၊ လူမှုရေးကိစ္စတွေကို တက်တက်ကြွကြွ ပါဝင်လုပ်ဆောင်တတ် သူ တချို့ကလွဲရင် အများစုက အအိုမြန်ကြ၊ အသေမြန်ကြတာကို သတိပြုမိတယ်။

‘ဒုက္ခသုက္ခတွေ များလွန်းလုိ့ အသက်မရှည်ချင်ပါဘူး၊ မြန်မြန်သွားလေ ကောင်းလေပါပဲ’ လို့လည်း ပြော တတ်ကြပါတယ်။ လောကမှာ ဒုက္ခနဲ့ကင်းသူ ဘယ်သူရှိလို့လဲ။ တကယ်က ဒုက္ခက လူကိုသေစေတာ မဟုတ် ပါဘူး။ ဒုက္ခကိုကြောက်ပြီး စိတ်ကျလို့ အသေမြန်ရတာဖြစ်တယ်။

လူငယ်တွေလည်း စိတ်ကျတာပဲ

လူကြီးတွေသာ စိတ်ကျတတ်တာ မထင်နဲ့။ လူငယ်တွေလည်း စိတ်ကျတတ်ကြတာပဲ။ ကျောင်းဆရာ တစ် ယောက်အနေနဲ့ လူငယ်လူရွယ်လေးတွေနဲ့ အထိအတွေ့များလေတော့ ဒီခေတ်လူငယ်လေးတွေ တော် တော်များများဟာ အရွယ်နဲ့ မလိုက်အောင်ကို လောကကြီးကို အဆိုးမြင်ပြီး စိတ်ကျနေတတ်ကြတာကို သတိ ပြုမိပါတယ်။ သူတို့တစ်တွေမှာ လူငယ့်အားမာန်၊ လူငယ့်ဇွဲသတ္တိ အတော်လျော့နည်းကြတယ်။ ဘာမဆို မလုပ်ခင်က အရှုံးပေးစိတ် များနေကြတယ်။ ‘အားမတန် မာန်လျှော့’ ဆိုတဲ့စကား၊ ‘ခါချဉ်ကောင် မာန်ကြီးလို့ တောင်ကြီးဖြိုမယ်ကြံ၊ ခါးကမသန်’ ဆိုစကားမျိုးတွေ လွယ်လွယ်သုံးပြီး အရှုံးပေး၊ အညံ့ခံလိုက်တတ်ကြ တယ်။ အနိုင်မခံ အရှုံးမပေးစိတ်ဓာတ်မျိုး တစ်နေ့တခြား ခေါင်းပါးလာနေတယ်လို့ ထင်မိတယ်။ ထောက်ပြ ပြောဆိုလိုက်ရင်လည်း သူတို့မှာ အကြောင်းပြချက်တွေက တစ်ပုံတစ်ပင်ကြီး။ သူတို့က သူတို့နေထိုင်ရတဲ့ ခေတ်ကြီးတစ်ခုလုံးကို ကျေနပ်ကြတာ မဟုတ်ဘူး။ တချို့လူငယ်များဆိုရင် အဆိုးမြင်စိတ်တွေ လွန်ကဲပြီး ဘယ်လောက်ပဲ ကောင်းတာလုပ်လုပ် ဘာမှအရာရောက်မှာမဟုတ်ဘူး။ ဘာမှမလုပ်ဘဲနေလိုက်တာပဲ အေး တယ်ဆိုတဲ့ အတွေးအခေါ်မျိုးတွေတောင် ရှိနေကြတာတွေ့ရတယ်။

သူတို့က အီရတ်နိုင်ငံတစ်ခုလုံး သွေးချောင်းစီးဖြစ်နေတာကို မနှစ်မြို့သလို ပါလက်စတိုင်းလူမျိုးတွေ ရာစုနှစ် တစ်ဝက်တိုင်တိုင် ဒုက္ခသည်စခန်းတွေမှာ နေထိုင်ခြင်းပြုနေကြရတာကိုလည်း စိတ်မကောင်းကြပါဘူး။ နျူကလီးယားလက်နက်များရဲ့ အန္တရာယ် တစ်နေ့တခြား ကြီးမားသထက် ကြီးမားလာနေတာကို စိုးရိမ်နေကြ သလို ဖန်လုံအိမ်အာနိသင်လွန်ကဲမှုကြောင့် ကမ္ဘာကြီးတစ်ခုလုံး ပေါင်းအိုးကြီးထဲရောက်နေသလို ခံစားနေရ တာကိုလည်း မလိုလားကြပါဘူး။

အနိဋ္ဌာရုံကမ္ဘာကြီး

လူငယ်တွေရဲ့စိုးရိမ်ကြောင့်ကြမှုတွေနဲ့ သူတို့ရဲ့မကျေနပ်ချက်တွေဟာ သဘာဝကျပါတယ်။ မှန်လည်း မှန်ပါတယ်။ ဒီနေ့ ကမ္ဘာကြီးက အနိဋ္ဌာရုံတွေနဲ့ ပြည့်နှက်နေတဲ့ကမ္ဘာကြီးဖြစ်နေတာကိုး။ ကမ္ဘာကြီးရဲ့ ဘယ်ထောင့်ဘယ်နေရာကို ကြည့်လိုက်၊ကြည့်လိုက် တိုက်ခိုက်သတ်ဖြတ်တာတွေ၊ ကြီးနိုင်ငယ်ညှဉ်း လုပ် တာတွေ၊ ဘယ်သူသေသေ ငတေမာပြီးရော လုပ်တာတွေချည်း မြင်တွေ့နေရပါတယ်။ အနိဋ္ဌာရုံတွေ ကင်း စင်တဲ့နိုင်ငံရယ်လို့ လက်ညှိုးထိုးပြစရာ တစ်ခုတောင်မရှိတဲ့ အခြေအနေမျိုး ဖြစ်နေပါတယ်။

ရေအောက်ရောက်သွားနိုင်တယ်

နိုင်ငံရေး၊ စစ်ရေး၊ မျက်နှာစာကို ထားတော့။ စီးပွားရေးမျက်နှာစာကို ကြည့်တော့လည်း မြင်တွေ့နေရတာ တွေက စိတ် မချမ်းသာစရာတွေချည်းပါပဲ။ ဖန်လုံအိမ်အာနိသင်ကြောင့် ဝင်ရိုးစွန်းက ရေခဲတောင်ကြီးတွေ အရည်ပျော်ကျမှုနှုန်း ကြောက်စရာကောင်းလောက်အောင် မြင့်မားနေတယ်။ ဒီအတိုင်းဆက်သွားရင် ပင်လယ်ရေမျက်နှာပြင် မြင့်သထက်မြင့်တက်လာပြီး တချို့နိုင်ငံတွေ ရေအောက်ရောက်သွားနိုင်တယ်လို့ ပညာရှင်များက အကြိမ်ကြိမ် သတိပေးနေကြတာများ ကြားသိနေရတယ်။ စက်ရုံ၊ အလုပ်ရုံတွေက မီးခိုး ထုတ်လွှတ်မှုတွေ ကန့်သတ်တားဆီးဖို့ လိုပြီလို့လည်း ထောက်ပြကြတယ်။

မိုက်တွင်းနက်နေကြ

ဘယ်လိုပဲ ထောက်ပြထောက်ပြ၊ ဘယ်လိုပဲ သတိပေး သတိပေး၊ မီးခိုးတွေ အများဆုံးထုတ်လွှတ်နေတဲ့ စက်မှုနိုင်ငံကြီးတွေက လတ်တလော အကျိုးစီးပွားလေး တစ်ခုတည်းကိုသာ မိုက်မဲစွာကြည့်ရှုပြီး နိုင်ငံတကာ သဘောတူစာချုပ်နဲ့ ထိန်းချုပ်တာကို လက်မခံ ငြင်းဆန်နေကြတယ်။ ဒီလုပ်ရပ်ဟာ အင်မတန် အသိဉာဏ် ကင်းမဲ့ရာကျတယ်။ ဖန်လုံအိမ်အာနိသင်ကြောင့် အိုဇုန်းလွှာ ပါးလျားလာတဲ့ဒဏ်၊ အက်ဆစ်မိုးတွေ ရွာချတဲ့ ဒဏ်၊ ပင်လယ်ရေမျက်နှာပြင် မြင့်တက်လာတဲ့ဒဏ်၊ မုန်တိုင်းကြီးတွေ ကျရောက်လာတဲ့ဒဏ်၊ အပူလှိုင်း၊ အအေးလှိုင်းကြီးတွေ ကျရောက်လာတဲ့ဒဏ် စတဲ့ အန္တရာယ်တွေကို ရင်ဆိုင်ရပြီဆိုလျှင် ဘယ်နိုင်ငံမှ လွတ် ကင်းနိုင်မယ် မဟုတ်ဘူးဆိုတာ သိပါလျက်နဲ့ မိုက်တွင်းနက်နေကြခြင်းသာဖြစ်တယ်။

ဖုန်းဆိုးတောတွေဖြစ်

ဒါတင်မက လတ်တလောအကျိုးစီးပွားလေး တစ်ခုတည်းကိုကြည့်ပြီး မြေပေါ်မြေအောက် သယံဇာတတွေကို အဆီးအတားမရှိ ထုတ်ယူသုံးစွဲနေမှုကြောင့် ကမ္ဘာ့နိုင်ငံအားလုံးလိုလိုမှာ တောတွေပြုန်း၊ တောင်တွေပြိုပြီး တဖြည်းဖြည်းချင်း ကန္တာရ ဖုန်းဆိုးတောတွေ ဖြစ်လာနေတာများလည်း မြင်တွေ့ကြားသိနေရတယ်။ လူတွေ သောင်းသိန်းချီသေကြရတဲ့ ငလျင်လှုပ်မှုကြီးတွေနဲ့ ဆူနာမီလို၊ နာဂစ်လို အန္တရာယ်ကြီးတွေ ဘာ့ကြောင့် ပေါ် ပေါက်လာကြရတာလဲဆိုတာများကို သေသေချာချာ၊ လေးလေးနက်နက် သုတေသနပြုဖို့လည်း ပျက်ကွက် နေကြဆဲဖြစ်တယ်။

ပြဿနာက အန္တရာယ်မဟုတ်

ဒီအချက်တွေကြောင့် လူငယ်တွေက မျက်မှောက်ခေတ်ကြီးကို စိတ်ပျက်လက်ပျက်ဖြစ်နေတာ သဘာဝကျပါ တယ်။ ဒါပေမဲ့လို့ ဒါတွေဟာ တားဆီးကာကွယ်လုိ့ မရနိုင်တာတွေမဟုတ်ဘူးလို့ လူငယ်တွေ သိစေချင်ပါ တယ်။ ပြဿနာတစ်ရပ်ဖြစ်လာ၊ ရှိလာတာဟာ ကြောက်စရာမဟုတ်ပါဘူး။ ပြဿနာရှိနေတာကို ရှိနေတယ် လို့ မသိခြင်းကသာ ကြောက်စရာကောင်းတာဖြစ်တယ်။ ပြဿနာရှိနေမှန်းသိရင် ပြဿနာကို ဖြေရှင်းဖို့ နည်းလမ်း ရှာရမှာပဲဖြစ်တယ်။ ရှာရင် တစ်ချိန်မဟုတ် တစ်ချိန်တော့ တွေ့လာရမှာဖြစ်တယ်။

အနိုင်ရမှာ သေချာတယ်

ဒီနေ့ ကမ္ဘာတစ်လွှားမှာ ပြဿနာမျိုးစုံ၊ အနိဋ္ဌာရုံပေါင်းစုံ ဖြစ်ပွားပေါ်ပေါက်နေတာကို လူတိုင်း တွေ့မြင်နေကြ ရတယ်။ ပြဿနာတွေဖြစ်လာရတဲ့ ဇာစ်မြစ်အကြောင်းရင်းကိုလည်း လူတိုင်းသိကြတယ်။ ဥပမာ-ဖန်လုံအိမ် အာနိသင်ရဲ့ဆိုးပြစ်တွေကို လူတိုင်းသိသလို ဖန်လုံအိမ် အာနိသင်ဖြစ်ပေါ်လာရခြင်းရဲ့ အကြောင်းရင်းကို လည်း လူတိုင်းသိမြင် သဘောပေါက်နေကြတာဖြစ်တယ်။ ဒီတော့ ဘာကြောင့် မဖြေရှင်းနိုင်ရမှာလဲ။ ကမ္ဘာ ပေါ်က စစ်ပွဲကြီးတွေကို ဖန်တီးသူတွေနဲ့ ကမ္ဘာကြီးရဲ့သာယာလှပမှုကို ဖျက်ဆီးနေသူတွေက လက်တစ်ဆုပ် စာလောက်သာရှိတဲ့လူတွေ ဖြစ်ကြတယ်။ ရှိလှမှ ကမ္ဘာ့လူဦးရေရဲ့ ၁ဝ ရာခိုင်နှုန်းပေါ့။ ကျန် ၉ဝရာခိုင်နှုန်းက ညီညာဖြဖြနဲ့ ဝိုင်းဝန်းလုပ်ဆောင်ကြရင် ဒီ ၁ဝ ရာခိုင်နှုန်းရဲ့အန္တရာယ်ကို ဘာ့ကြောင့် မကာကွယ်နိုင်ရမှာလဲ၊ ဒါကြောင့် လူငယ်တွေကိုပြောချင်တယ်။ စိတ်မပျက်ပါနဲ့။ ကမ္ဘာ့လူဦးရေရဲ့ ၉ဝ ရာခိုင်နှုန်းနဲ့ ခိုင်ခိုင်မြဲမြဲ လက်တွဲဆောင်ရွက်ပါ။ နောက်ဆုံးမှာ ကောင်းမြတ်ခြင်းတရားက အနိုင်ရမှာ သေချာပါတယ်။

REF: အမှတ်စဉ် (၁၄၆)၊ (ဇူလိုင်လ ၂၉ ရက်၊ ၂၀၀၈)၊ အခွင့်အလမ်းဂျာနယ်

သတင်းအကျဉ်းချုပ် ...

အင်တာနက် အသုံးပြုသူများ လုံခြုံမှုအတွက် စိုးရိမ်

နယူးဒေလီ(မဇ္ဈိမ)။ ။ အတိုက်အခံများကို အီလက်ထရောနစ် အက်ဥပဒေအရ နှစ်ရှည် ထောင်ဒဏ်များ ချမှတ်လာခြင်းကြောင့် မြန်မာပြည်တွင်းရှိ အင်တာနက် သုံးသူများအတွင်း မလုံခြုံမှု ပိုမို ခံစားလာနေရသည်။

ဘလော့ဂ်ဂါ ကိုနေဘုန်းလတ် အပါအ၀င် ဟာသ သရုပ်ဆောင် ကိုဇာဂနာ၊ ကိုဇော်သက်ထွေးတို့အား အီလက်ထရောနစ် အက်ဥပဒေ ပုဒ်မများတပ်ကာ အမြင့်ဆုံး ထောင်ဒဏ် ၄၅ နှစ်အထိ နှစ်ရှည်ထောင်ဒဏ် အသီးသီး ချမှတ်ခဲ့သည့် နောက်ပိုင်း စိုးရိမ်မှု ပိုလာခဲ့ခြင်း ဖြစ်သည်။

"မလုံခြုံဘူး။ စိတ်လည်း ညစ်ရပါတယ်။ အခုဆို စာပို့ပြီးတာနဲ့ အကုန်ဖျက်ချရမလို ဖြစ်နေပြီ။ အင်တာနက် သုံးရုံနဲ့ ထောင်ချ အပြစ်ပေးတာတော့ မဖြစ်သင့်ပါဘူး။ သူတို့ (အာဏာပိုင်) တွေလည်း အင်တာနက် သုံးနေတာပဲ" ဟု အမည်မဖော်လိုသူ ပြည်တွင်း ဘလော့ဂ်ဂါတဦးက ပြောသည်။

ဟာသ သရုပ်ဆောင် ကိုဇာဂနာက သူ့အား အမှုစီရင်ချက် ချသည့်နေ့တွင် တရားခွင်၌ "ကျနော့်ကို (အိုင်) သုံးလုံးနဲ့ ထောင် ၄၅ နှစ်ချလိုက်တာ။ အိုင်တီကို လေ့လာချင်လို့ အင်တာနက် သုံးလိုက်တာ အင်းစိန်ထောင် ရောက်သွားတယ်" ဟု ဟာသနှောပြီးပြော ဆိုခဲ့ကြောင်း သူ၏ ခယ်မဖြစ်သူ မငြိမ်းက ပြန်လည် ပြောပြသည်။

လွန်ခဲ့သည့် အောက်တိုဘာလအတွင်း စစ်တပ်မှ မကွေးတိုင်း၊ နတ်မောက်မြို့နယ်အတွင်းရှိ လယ်ယာမြေများအား သိမ်းယူခဲ့ရာ ကမ္ဘာ့အလုပ်သမားအဖွဲ့ချုပ် (ILO) တိုင်ကြားခဲ့သည့် လယ်သမား ၃ ဦးအား အီလက်ထရောနစ် အက်ဥပဒေဖြင့် ပုဒ်မတပ် တရားစွဲဆိုခဲ့သည်။

အပတ်စဉ်ထုတ် ဂျာနယ်အယ်ဒီတာ တဦးကလည်း အင်တာနက်ကို နေ့စဉ်အားကိုး အသုံးပြုနေရသည့် မီဒီယာသမားများ အနေဖြင့် စိုးရိမ်စရာ ရှိနေသည်ဟု ဆိုသည်။

"အကြမ်းဖျင်းတော့ စိုးရိမ်စရာ ကောင်းတယ်။ မီဒီယာသမားတွေဆိုတာကတော့ သတင်းနဲ့ပတ်သက်တာ အကုန်လိုက်ဖတ်ရတာလေ။ ဒါပေမဲ့ သုံးစွဲတဲ့လူ ကြည့်တဲ့ဆိုဒ်ကို ဘယ်သူက လိုက်ကြည့်နေလဲ ဆိုတာလဲ ရှိသေးတယ်။ တရားဝင် သုံးစွဲခွင့် ရတဲ့ဆိုဒ်တွေ ကြည့်ပြီးတော့ ကိုယ့်အလုပ် ကိုယ်လုပ်နေရင် ဘာမှမဖြစ်ပါဘူး" ဟု အပတ်စဉ်ထုတ် ဂျာနယ်အယ်ဒီတာ တဦးကပြောသည်။

"ကျနော်တို့ ကြည့်နေတဲ့ ဟာတွေက တရားဝင်ဆိုဒ်တွေ ခွင့်ပြုဆိုဒ်တွေ ကြည့်တာလေ။"

အီလက်ထရောနစ် အက်ဥပဒေသည် စစ်အစိုးရက သူနှင့် သဘောကွဲလွဲသူများအပေါ် စွဲဆိုလေ့ရှိသော လက်နက်တခုဖြစ်ပြီး အင်တာနက်ကို အသုံးပြု၍ အာဏာပိုင်များကို ထိခိုက်နစ်နာစေရန် သတင်း အချက်အလက်များ ဖြန့်ဝေသည်ဟု ဆိုသည်။

ယခုလို အီလက်ထရောနစ် အက်ဥပဒေဖြင့် နှစ်ရှည်ထောင်ဒဏ် ချခံရသူ အများစုသည် အာဏာပိုင်များ သတ်မှတ်ထားသည့် ဥပဒေနှင့် ငြိစွန်းခြင်း မရှိသည့်အပြင် လက်ရှိ သုံးစွဲနေသူများကို ခြိမ်းခြောက်သည့် မတရားသည့် ဥပဒေ တခုသာဖြစ်ကြောင်း ထိုင်းအခြေစိုက် မြန်မာ့သတင်းသမဂ္ဂ (BMA) ၏ အတွင်းရေးမှူးဖြစ်သူ ဦးစံမိုးဝေက ပြောသည်။

"ဒီဟာက အတိုက်အခံတွေ၊ စာနယ်ဇင်း သမားတွေ၊ နိုင်ငံရေး ပြုပြင် ပြောင်းလဲချင်သူတွေကို နှိပ်ကွပ်ဖို့ လုပ်ထားတဲ့ ဥပဒေ။ မလုပ်ရဲအောင်၊ မသုံးရဲအောင် ခြိမ်းခြောက်နေတဲ့ မတရားတဲ့ ဥပဒေ၊ ဖိနိပ်မှုတခုပဲ ဖြစ်တယ်" ဟု သူက ပြောသည်။

သို့သော်လည်း လက်တွန့်သွားမှာ မဟုတ်ကြောင်း ထုတ်ဖော် ပြောဆိုသူများလည်း ရှိနေသေးသည်။

"ပုဒ်မ အမျိုးမျိုးတပ်ပြီး ထောင်ဒဏ်ချမှာပဲ။ သူတို့တွေ ဘယ်လိုပဲလုပ်လုပ်၊ ဘယ်လိုပဲ ကြောက်အောင် ခြောက်ခြောက် ကျနော်တို့ လုပ်စရာတွေကို ဆက်လုပ်သွားမှာပဲ" ဟု ပြည်တွင်း ဘလော့ဂ်ဂါ တဦးက ပြောသည်။

http://www.mizzimaburmese.com/news/inside-burma/2059-2008-11-27-09-07-47.html

သတင်းအကျဉ်းချုပ် ...

နိုင်ငံတော်ဧည့်ဂေဟာ မီးလောင်ခြင်းအား သတင်းအမှောင်ချခြင်း

သတင်းအကျဉ်းချုပ် ...

အိန္ဒိယနိုင်ငံ မွမ်ဘိုင်းမြို့တွင် သွေးချောင်းစီး အကြမ်းဖက်တိုက်ခိုက်မှုများဖြစ်ပွား

အကြမ်းဖက်သမား အဖွဲ့တစ်ဖွဲ့သည် အိန္ဒိယနိုင်ငံ မြို့ကြီးတစ်ခုဖြစ်သော မွမ်ဘိုင်းတွင် သွေးချောင်းစီး တိုက်ခိုက်မှုများ ပြုလုပ်ခဲ့ကြောင်း သိရသည်။ နိုဝင်ဘာလ (၂၆)ရက်နေ့ညက မွတ်ဆလင် စစ်သွေးကြွများဟု ယူဆရသော လက်နက်ကိုင်အဖွဲ့တစ်ခုသည် သေနတ်များ၊ လက်ပစ်ဗုံးများ အသုံးပြု၍ မွမ်ဘိုင်းမှ ထင်ရှားသော ဟိုတယ်များ၊ စားသောက်ဆိုင်များ၊ ဆေးရုံနှင့် ဘူတာရုံများကို ပစ်မှတ်ထား တိုက်ခိုက်ခဲ့ရာ အနည်းဆုံး လူ(၁၀၀)ကျော် သေဆုံးခဲ့သည်။ လက်နက်ကိုင် အကြမ်းဖက်သမားများသည် ကမ္ဘာလှည့်ခရီးသည်များ အများဆုံးရှိနေသော နေရာ(၇)ခုကို ဖြန့်ကျက်တိုက်ခိုက်ခဲ့ရာ အနည်းဆုံး လူ(၉၀၀)ကျော် ဒဏ်ရာရရှိခဲ့သည်။ ကြမ်းတမ်းစွာ မွှေ့ယမ်းပစ်ခတ်သွားသော အကြမ်းဖက်သမားများသည် အမေရိကန်နှင့် ဗြိတိန်နိုင်ငံသား ပတ်စ်ပို့ကိုင်ဆောင်ထားသော နိုင်ငံခြားသားများကိုလည်း ရှာဖွေဖမ်းဆီးသွားကြောင်း လွတ်မြောက်လာသူများက ပြန်လည်ပြောကြားခဲ့သည်။

ဓားစာခံများအဖြစ် ဖမ်းဆီးခံရသူ အရေအတွက်ကို မသိရသော်လည်း အနည်းဆုံးလူ (၄၀)ကျော်ရှိမည်ဟု အာဏာပိုင်များက ခန့်မှန်းထားသည်။ ကြယ်ငါးပွင့် အဆင့်ရှိ နာမည်ကြီး ဇိမ်ခံဟိုတယ်ကြီး နှစ်ခုဖြစ်သော တာ့ဂ်ျမဟာနန်းတော်နှင့် အိုဘာရီယို ဟိုတယ်များကို အဓိက ဦးတည်တိုက်ခိုက်ခဲ့သလို နိုင်ငံခြားသားများ အများအပြား လာရောက်လေ့ရှိသည့် လီယိုပိုးလ်ကဖီး၊ မီးရထား ဘူတာရုံတစ်ခု၊ ဆေးရုံနှစ်ရုံနှင့် ရဲစခန်းတစ်ခုကိုပါ တရစပ်တိုက်ခိုက်ခဲ့သည်။ သေဆုံးမှုစာရင်းမှာ ယခုလက်ရှိထက် မြင့်တက်လာနိုင်ကြောင်း အာဏာပိုင်များကဆိုသည်။ တာ့ဂ်ျမဟာ ဟိုတယ်တွင် နိုဝင်ဘာလ (၂၇)ရက်နေ့ မနက်က မီးတောက်များ ထိုးထွက်လာပြီးနောက် အိန္ဒိယနိုင်ငံ ရဲတပ်ဖွဲ့က ဟိုတယ်အတွင်း ၀င်ရောက်ရန် ကြိုးပမ်းခဲ့ရာ အကြမ်းဖက်သမားများနှင့် အပြန်အလှန် ပစ်ခတ်မှုများ ဖြစ်ပွားခဲ့သည်။ ယခုအခါတွင် စစ်တပ်မှာလည်း တစ်မြို့လုံးတွင် ၀င်ရောက်တပ်ဖြန့်ထားလိုက်ပြီဖြစ်သည်။

အခြေအနေကို သုံးသပ်နိုင်ရန် အလွန်ခက်ခဲနေသေးသည်ဟု အိန္ဒိယရဲတပ်ဖွဲ့ အကြီးအကဲက ပြောကြားခဲ့သည်။ ဓားစာခံများ၏ အခြေအနေမှာ အလွန်ဆိုးရွားနိုင်ကြောင်း မျှော်လင့်ထားပြီး အကြမ်းဖက် တိုက်ခိုက်သူများ၏ အဖွဲ့အစည်းနှင့် အရေအတွက်ကို ဖော်ထုတ်နိုင်ခြင်း မရှိသေးပေ။ ရဲများက ၎င်းအကြမ်းဖက်သမားများသည် ကျွမ်းကျင်မှုရှိပြီး အယ်လ်ကေးဒါးနှင့် ဆက်စပ်နေသော အဖွဲ့များဖြစ်နိုင်ကြောင်း ကောက်ချက်ဆွဲထားသည်။ ယခုအချိန်ထိ မွမ်ဘိုင်းတစ်မြို့လုံး ကျီးလန့်စာစား ဖြစ်နေကြသလို အကြမ်းဖက်သမားများကို ချေမှုန်းနိုင်ခြင်း မရှိသေးပေ။ မျက်မြင်များ၏ ပြန်လည်ပြောဆိုမှုအရ တာ့ဂ်ျမဟာ ဟိုတယ်ကြီး၏ လှေကားများတလျှောက် အလောင်းများနှင့် ပြည့်နေသလို သွေးကွက်များ၊ နေရာအနှံ့ လောင်ကျွမ်းနေသော မီးတောက်များကိုလည်း မြင်ခဲ့ရသည်ဟု သိရှိရသည်။ အိန္ဒိယအတွက် အဆိုးရွားဆုံး အကြမ်းဖက်တိုက်ခိုက်မှုကြီး ပေါ်ပေါက်လာပြီးနောက် အစိုးရဘက်မှလည်း ကိုင်တွယ်ဖြေရှင်းရန် ခက်ခဲလျက်ရှိသည်။ လွတ်မြောက်လာသူ တစ်ဦးက တက်ဂ်ျမဟာကို ၀င်စီးခဲ့သော အကြမ်းဖက်သမား အရေအတွက်မှာ (၂၀)ဦးခန့်ရှိနိုင်ကြောင်း ပြောကြားသွားသည်။ ၎င်းတို့သည် မြင်သမျှကို မွှေ့ယမ်းပစ်ခတ်သွားသလို လက်ပစ်ဗုံးများကို ဟိုတယ်အခန်းများအတွင်း ပစ်သွင်းခဲ့ကြောင်း ကျောကုန်းတွင် ဒဏ်ရာရပြီး လွတ်မြောက်လာသည့် အဆိုပါမျက်မြင်သက်သေက သတင်းထောက်များထံ ပြောကြားသွားသည်။ လွတ်မြောက်လာသော ဗြိတိန်နိုင်ငံသားတစ်ဦးက အဖမ်းခံထားရသည့် ဓားစာခံများထဲတွင် ဗြိတိန်နှင့် အမေရိကန်နိုင်ငံသားများသာမက အိန္ဒိယ နိုင်ငံသားများလည်း ပါဝင်ကြောင်း ပြောကြားခဲ့သည်။ ၎င်းသည် ဗြိတိန်နိုင်ငံသား မဟုတ်ဟု လိမ်လည်ပြောကြားခဲ့ပြီးနောက် အကြမ်းဖက်သမားများက ၎င်းကိုအာရုံ မစိုက်တော့ဘဲ ဘေးနားတွင်ရှိသော အမေရိကန် နိုင်ငံသားတစ်ဦးကို ခေါ်ဆောင်သွားခဲ့သည်ဟု ၎င်းက ဆက်လက်ပြောကြားခဲ့သည်။

အကြမ်းဖက်သမားများက လူတိုင်းကို လက်မြှောက်ခိုင်းထားပြီး အမေရိကန်နှင့် ဗြိတိသျှများကို မေးခွန်းထုတ် ရွေးချယ်ခဲ့ကြသည်။ လွတ်မြောက်လာသူတစ်ဦးက အကြမ်းဖက်သမားတိုင်းသည် ကိုယ်တွင် ဖောက်ခွဲရေး ကိရိယာများ တပ်ဆင်ထားကြောင်း ပြောကြားခဲ့သည်။ အိန္ဒိယနိုင်ငံ ရုပ်မြင်သံကြားတွင် AK-47သေနတ်အား မွှေ့ယမ်းပြီး ဟိုတယ်ထဲပြေးဝင်နေသော ငယ်ရွယ်သည့် စစ်သွေးကြွတစ်ဦး၏ ရုပ်ပုံကို ထုတ်လွှင့်ပြသခဲ့သည်။ ၎င်းပုံသည် ဟိုတယ်လုံခြုံရေး ကင်မရာမှတဆင့် ရိုက်ကူထားနိုင်လိုက်ခြင်းဖြစ်သည်။ လက်ရှိအခြေအနေတွင် အကြမ်းဖက်သမားများ တပ်စွဲထားသော ဟိုတယ်များပတ်ဝန်းကျင်တွင် စစ်တပ်ရော၊ ရဲများပါ တပ်စွဲထားသော်လည်း အတင်းအကြမ်း ၀င်ရောက်တိုက်ခိုက်မှုမျိုး မလုပ်ရဲသေးသလို ဓားစာခံများအတွက် ပူပန်နေရဆဲဖြစ်သည်။ ၎င်း၏သူငယ်ချင်း အဖမ်းခံထားရသော လွတ်မြောက်လာသူ အမေရိကန် အမျိုးသမီးတစ်ဦးက အရှင်လတ်လတ် ငရဲနှင့်ကြုံတွေ့ခဲ့ကြောင်း မျက်ရည်လည်ရွဲနှင့် ပြောကြားသွားခဲ့ပြီး သူငယ်ချင်းအတွက် အလွန်ပူပန်နေကြောင်း ၀န်ခံသွားခဲ့သည်။ (planet news)

သတင်းအကျဉ်းချုပ် ...

24 hour hunger strike for political prisoners london UK

သတင်းအကျဉ်းချုပ် ...

လူရွှင်တော် ဇာဂနာနှင့် ကိုဇော်သက်ထွေးတို့ကို ထောင်ဒဏ်များ ထပ်မံချမှတ်

စစ်အစိုးရက နှစ်ရှည်ထောင်ဒဏ် ချမှတ်ခံထားရပြီးသော ထင်ရှားသည့် လူရွှင်တော် ကိုဇာဂနာကို ယနေ့တွင် ထောင်ဒဏ် ၁၄ နှစ်၊ အားကစား အယ်ဒီတာ ကိုဇော်သက်ထွေးအား ထောင်ဒဏ် ၄ နှစ် ထပ်တိုး၍ ပြစ်ဒဏ်များ ချမှတ်လိုက်ကြောင်း မိသားစုဝင်များကပြောသည်။ကိုဇာဂနာကို ဗီဒီယို အက် ၃ နှစ် အပါအ၀င် ပုဒ်မ ၅၀၅(ခ) ၂ နှစ် ၊ ၁၇/၂ အရ ၅ နှစ် ၊ ၅၀၅(ခ) ၂ နှစ် နှင့် ၂၉၅(က) ၂ နှစ် ပေါင်း ၄ နှစ် တို့ဖြင့် ထောင်ဒဏ် စုစုပေါင်း ၁၄ နှစ် ကို အင်းစိန်ထောင် အထူးတရားရုံးက ယနေ့ ချမှတ်လိုက်သည်ဟု ခယ်မဖြစ်သူ မငြိမ်းကပြောသည်။ ကိုဇာဂနာသည် နိုဝင်ဘာ ၂၁ ရက်နေ့က ချမှတ်သည့် ထောင်ဒဏ် ၄၅ နှစ် နှင့် ပေါင်းလျှင် စုစုပေါင်း ထောင်ဒဏ် ၅၉ နှစ် ကျခံရမည်ဖြစ်သည်။

ကိုဇာဂနာနှင့် အမှုတွဲ ကိုဇော်သက်ထွေး ကိုလည်း ပုဒ်မ ၅၀၅(ခ) ၂ နှစ် နှင့် ၂၉၅(က) ၂ နှစ် ပေါင်း ၄ နှစ် ယနေ့ ထပ်တိုး၍ ချမှတ်လိုက်ရာ နိုဝင်ဘာ ၂၁ ရက်နေ့က ချမှတ်ထားသည့် ထောင်ဒဏ် ၁၅ နှစ်နှင့် ပေါင်းလျှင် ၎င်း သည် ထောင်ဒဏ် ၁၉ နှစ် ကျခံရမည်ဖြစ်သည်။

ယခုကဲ့သို့ ထောင်ဒဏ်များ ထပ်မံချမှတ်လိုက်ခြင်းနှင့်ပတ်သက်၍ ကိုဇော်သက်ထွေး၏ ဇနီး မခိုင်ချိုက အလွန် စိတ်ပျက်မိကြောင်း ပြောဆိုသည်။

“အခုဟာက တရားတယ်၊ မတရားဘူးဆိုတာ အားလုံးကလည်း သိနေကြပါပြီ၊ ကျမအမျိုးသားက နာဂစ်ကိစ္စ လုပ်နေရင်းနဲ့ ဖြစ်သွားတာဆိုတော့ ဒီတခါမှာတော့ လုံးဝမျှော်လင့်မထားဘူး၊ အလှူအတန်းကိစ္စ လုပ်နေရင်း ဖြစ်သွားတာဆိုတော့လည်း ကျမ ဒီထောင်ဒဏ်အပေါ်ကို တော်တော်လေးကို စိတ်ပျက်မိပါတယ်၊ ကောင်းတာ လုပ်ရင်း ဖြစ်ရတာ ဖြစ်တဲ့အတွက် ကောင်းတာတွေပဲဖြစ်လာလိမ့်မယ်လို့ မျှော်လင့်ထားပါတယ်”ဟု မခိုင်ချိုက ဧရာဝတီသို့ ပြောပြသည်။

အယူခံဝင် နိုင်ရန် ရှေ့နေများနှင့် တိုင်ပင်၍ အတတ်နိုင်ဆုံး ကြိုးစားသွားမည်ဟုလည်း ၎င်းက ဆက်ပြောသည်။

ကိုဇာဂနာ ၊ ကိုဇော်သက်ထွေတို့နှင့်အတူ နိုဝင်ဘာ ၂၁ ရက်နေ့က ထောင်ဒဏ် ၁၅ နှစ်ချမှတ်ခံရသော ကိုသန့်ဇင် အောင်ကိုလည်း ယနေ့ ဗီဒီယို အက် အရ ထောင်ဒဏ် ၃ နှစ် တိုး၍ ချလိုက်သောကြောင့် ၎င်းသည် လည်း စုစုပေါင်း ထောင်ဒဏ် ၁၈ နှစ် ကျခံရမည်ဖြစ်ကြောင်း သိရသည်။

ကိုဇာဂနာ၏ ခယ်မ မငြိမ်းက“စွဲထားတဲ့ ပုဒ်မတွေတော့ အကုန်ပြီးသွားပါပြီ၊ ထပ်မတိုးရင်တော့ ပြီးသွားပြီပေါ့”ဟု ပြောသည်။

အဆိုပါ ကိုဇာဂနာနှင့် ကိုဇော်သက်ထွေးတို့သည် ဆိုင်ကလုန်း လေဘေး ကူညီကယ်ဆယ်ရေးလုပ်ငန်းများကို အတူ လုပ်ကိုင်ခဲ့ကြသူများဖြစ်ပြီး ၎င်းတို့ကို ပုဒ် ၅၀၅(ခ)၊ ၁၇/၁၊ စသည့် ပုဒ်မများ အပါအ၀င် ပုဒ်မ ၇ ခုဖြင့် အာဏာပိုင်များက စွဲဆိုထားခဲ့သည်။
ကိုဇာဂနာကို လွန်ခဲ့သည့် ဇွန်လဆန်းပိုင်းက ရန်ကုန်မြို့ စမ်းချောင်းမြို့နယ်ရှိ နေအိမ်တွင် အာဏာပိုင်များက ဖမ်းဆီးခဲ့ပြီး လေဘေးကယ်ဆယ်ရေးလုပ်ငန်းများ မှတ်တမ်းတင် စီဒီ ဓာတ်ပြား တချပ်၊ ရမ်ဘိုအပိုင်း ၄ ရုပ်ရှင် စီဒီ၊ စိန်စီသော ည စီဒီ၊ ကွန်ပျူတာ ဟတ်ဒစ် တလုံး၊ အမေရိကန်ဒေါ်လာ ၁၀၀၀ နှင့် အက်ဖ်အီးစီ ၃၀ တို့ကို သိမ်းယူသွားခဲ့သည်။

ကိုဇော်သက်ထွေးကို မူ ဇွန်လ ၁၃ ရက်နေ့က မြန်မာနိုင်ငံ အလယ်ပိုင်း မကွေးမြို့တွင် ဖမ်းဆီးခဲ့ခြင်းဖြစ်သည်။

ကိုဇာဂနာ၊ ကိုဇော်သက်ထွေးတို့နှင့် အမှုတွဲဖြစ်သော ကိုတင်မောင်အေးကိုလည်း နိုဝင်ဘာ ၂၁ ရက်နေ့က ထောင်ဒဏ် ၂၉ နှစ် ချမှတ်ထားသည်။

နိုဝင်ဘာ ၂၄ ရက်နေ့ကလည်း မျိုးဆက်သစ် လူငယ်များ အစည်းအရုံး အဖွဲ့(GW)မှ ကိုတင်မျိုးထွတ် ခေါ် ကိုကျော်ဦး နှင့် ကိုစောမောင်တို့ ၂ ဦးကို လ၀က ပုဒ်မ ၁၃/၁ ၊ တရားမ၀င် အဖွဲ့အစည်း ပုဒ်မ ၁၇/၁ တို့အရ ထောင်ဒဏ် ၈ နှစ် ချမှတ်ခဲ့သည်။

ယင်းသို့ ပြစ်ဒဏ်မှတ်ချခြင်းများသည် တဖက်သတ် မတရား ချမှတ်ခြင်းဖြစ်ကြောင်းနှင့် ငြိမ်းချမ်းသော နည်းလမ်း များဖြင့် ဆန္ဒ ထုတ်ဖော်ခဲ့သော မျိုးဆက်သစ် လူငယ်များကို ယခုကဲ့သို့ မတရား ဖမ်းဆီးထောင်ချနေရုံဖြင့် နိုင်ငံ တွင်း ပဋိပက္ခများ ပြေလည်သွားမည် မဟုတ်ဘဲ စစ်အစိုးရ အနေနှင့် ပိုမိုအင်အားကြီးမားသော လှုပ်ရှားမှုများနှင့်သာ ရင်ဆိုင်ရမည် ဖြစ်ကြောင်း ယမန်နေ့တွင် GW အဖွဲ့က ကြေညာချက် ထုတ်ပြန်ထားသည်။

ထိုင်းနိုင်ငံအခြေစိုက် နိုင်ငံရေး အကျဉ်းသားများကူညီစောင့်ရှောက်ရေး အသင်း(အေအေပီပီ) ၏ ပြောဆိုချက် အရ စစ်အစိုးရက ယခုလအတွင်း နိုင်ငံရေးအမှုလိုက်ရှေ့နေများအပါအ၀င် ထင်ရှားသည့် ကျောင်းသားခေါင်း ဆောင်များ၊ စာနယ်ဇင်းသမားများ၊ အနုပညာရှင်များ၊ သံဃာတော်များ စသည့်နိုင်ငံရေးလှုပ်ရှားသူ ၁၄၃ ဦးကို ထောင်ဒဏ်များ ချမှတ်ခဲ့ပြီး နိုင်ငံရေးအကျဉ်းသား ၁၀၀ ကျော်ကို ထောင်ပြောင်းရွှေ့ခဲ့ကြောင်း သိရသည်။
ဧရာဝတီ

သတင်းအကျဉ်းချုပ် ...

ဘိရုမာတင်တဲ့ ရွှေမင်းသားများ

မိုးမခ
ပရိသတ်များရွေးချယ်သည့်ကကွက်အတိုင်း ကပြအသုံးတော်ခံမည့် ဖျော်ဖြေပွဲအစီအစဉ်ကြီးတခုကို မိုးမခတွင် ကြည့်ရှုအားပေးနိုင်ပြီဖြစ်သည်။ “၂၀၁၀ အကြို စိန်မျောက်မျောက်တို့ ကတဲ့ပွဲ” ဟု အမည်ပေးထားသော မင်းသားနှစ်ယောက် နှစ်ကိုယ်တော် ကပြသည့် ပွဲအစီအစဉ်ကို ကာတွန်းများ၊ ဂိမ်းများ ဖန်တီးလေ့ရှိသူ ကာတွန်းဘိရုမာက ကမကထပြု စီစဉ်လိုက်ခြင်းဖြစ်သည်။

ခေါင်းအက - ခေါင်းငြိမ်၊ ယိမ်း၊ ပြူတစ်၊ ရှန်တိန်

လက်အက - လက်ငြိမ်၊ ဝှေ့ရမ်းက၊ စက်ရုပ်က၊ လက်လွှဲက

ခြေအက - ခြေငြိမ်၊ ဘေးယိမ်း၊ နောက်ထိုး၊ ခုန်ဆွ တို့မှာ ကပွဲတွင် မျက်နှာမသာမယာဖြစ်နေသူ မင်းသား၏ ကကွက်များ ဖြစ်သည်။

ကျေနပ်နေဟန်မျက်နှာပေးနှင့်မင်းသား၏ ကကွက်များမှာ အောက်ပါအတိုင်းဖြစ်သည်။

ခေါင်းအက - ခေါင်းငြိမ်၊ ညိတ်၊ ရမ်း၊ လိပ်ခေါင်း

လက်အက - လက်ငြိမ်၊ ဗလကြီးက၊ ပုံးဆွဲက၊ ဝှေ့ယမ်းက

ခြေအက - ခြေငြိမ်၊ ကီထိုင်၊ ဘိုကြက်ဖ၊ ချီတက်

ခေါင်း၊ လက်၊ ခြေ တခုခုကို ငြိမ်သက် ရပ်နားစေလိုပါက ခေါင်းငြိမ်၊ လက်ငြိမ်၊ ခြေငြိမ် ဟူသော ခလုတ်များကို နှိပ်ရမည်ဟု ဘီရုမာက ဆိုသည်။

ကချင်တာက” ဟူသော အထူးခလုတ်ကို နှိပ်လိုက်လျှင် မင်းသားနှစ်ဦးက ၎င်းတို့နှစ်သက်ရာ ကကွက်များဖြင့် အသုံးတော်ခံမည်ဟု ဆိုသည်။

ကကွက်များ ပြောင်းလဲစေလိုပါက အဆိုပါခလုတ်ကို ဆက်တိုက်နှိပ်ရန် လိုအပ်မည်ဟု သိရသည်။

မင်းသားနှစ်ပါးက “နေပြည်တော်မှာ သူမပျော်ပါ၊ ရွှေမြို့သစ်ကိုပြောင်းချင်တာ” ဟူသည့် နောက်ခံသီချင်းဖြင့် တင်ဆက်ထားသည်။

အဆိုပါသီချင်းမှာ ပရိသတ်များ နားစွဲပြီးဖြစ်သည့် “တို့အညာဒေသ ရွာသာယာ၊ ရွာဦးကျောင်းမှ ထိုအနီးအနားမှာ အလွန် ကြည်စိမ်းလဲ့လဲ့ ရေကန်သာ” ဟူသော ဦးဘသိန်း(မန္တလေး)၏ ‘စိမ်းလဲ့ကန်သာ’ သီချင်းအလိုက်ကို ယူထားခြင်းဖြစ်သည်။

ယခု အကပဒေသာပွဲသည် ကာတွန်းဆရာဘိရုမာ၏ တတိယမြောက် ဂိမ်း ဖြစ်သည်။ ဘိရုမာသည်

http://thanshwe.blogspot.com/2008/10/ad.html နှင့် http://moemaka.com/images/berumagame02.htm တို့ရှိ ဂိမ်းနှစ်မျိုးကို တီထွင်ခဲ့ပြီးဖြစ်သည်။ အဆိုပါဂိမ်းများမှာ လေးခွ (လေးဂွ၊ ဘတ်ဂွ)၊ ပစ္စတိုသေနတ် တို့ဖြင့် အကြမ်းဖက်၊ ပစ်ခတ်သည့်ကစားနည်းဖြစ်ပြီး၊ ယခု နောက်ဆုံး တီထွင်လိုက်သည့် ဂိမ်းမှာ ဆို၊ က၊ ရေး၊ တီး အနုပညာများကို အားပေးအားမြှောက်ပြုသည့်ဂိမ်းဖြစ်ကြောင်း ကာတွန်းဆရာက ရှင်းပြသည်။ ။

သတင်းအကျဉ်းချုပ် ...

ထိုင်းမှာ အပြည်ပြည်ဆိုင်ရာလေဆိပ်တွေကို ပိတ်လိုက်ရပြီ

ကိုမိုးသီး

ထိုင်းနိုင်ငံ၏ အဓိကအချက်အချာကျတဲ့ ဘန်ကောက်မြို့ရှိ ဆဗန်န်နဘွန် (သုဝဏ္ဏဘူမိ ) အပြည်ပြည်ဆိုင်ရာ လေယာဉ်ကွင်း မှာ ဗုဒ္ဓဟူးနေ့ နံနက် (၅:၀၀) ၌ ဗုံးပေါက်ကွဲမှုတခု ဖြစ်ပွားပြီး လူ ၄ ယောက် အပြင်းအထန်ဒဏ်ရာရရှိခဲ့သလို၊ ဒွန်မောင်း အပြည်ပြည်ဆိုင်ရာ လေယာဉ်ကွင်း မှာ လည်း နံနက် (၆:၄၀) ၌ ပေါက်ကွဲမှုတခု ဆက်တိုက် ဖြစ်ပွားခဲ့တာကြောင့် လူ ၃ ယောက် အပြင်းအထန်ဒဏ်ရာရရှိခဲ့ ကြောင်း ထိုင်းရဲအဖွဲ့က အတည်ပြု ပြောကြား ခဲ့ပါတယ်။ ကျွန်နော်တို့ဆီကို နောက်ထပ် ၀င်ရောက်လာတဲ့ သတင်းတွေ အရ၊ ဆဗန်န်နဘွန် (သုဝဏ္ဏဘူမိ ) အပြည်ပြည်ဆိုင်ရာ လေယာဉ်ကွင်း မှာ ဗုံးသုံးလုံး၊ ဒွန်မောင်း အပြည်ပြည် ဆိုင်ရာ လေယာဉ်ကွင်းမှာ လေးလုံး ဆက်လက် ဗုံး ပေါက်ကွဲ သံတွေ ကြားနေရတယ် လို့ဆိုတယ်။

ထိုင်းဝန်ကြီးချုပ်ဟောင်းတပ်စင် က သူဟာ ထိုင်းနိုင်ငံပြန်လာပြီး၊ ထိုင်းနိုင်ငံရေးလောက ကိုပြန်လည်ခြေချဖို့ မနေ့က တရားဝင် ကြေညာခဲ့ပြီးနောက်၊လက်ရှိ ထိုင်း အစိုးရကို ဆန့်ကျင်ဆန္ဒပြသူတွေ နှင့် အတိုက်အခံတွေပါတီတွေ ဟာ တော်တော်ကို အမျက်ဒေါသ ဖြစ်နေကြတယ်။ အတိုက်အခံ ပီအေဒီ ကို ထောက်ခံဆန္ဒပြသူတွေက ၀န်ကြီးချုပ်ဆွန်ချိုင်း ဝေါင်ဆာဝတ် (Somchai Wongsawat) နုတ်မထွက်မချင်း လေယာဉ်ကွင်းကို သွားတဲ့ အဓိကလမ်းမကြီးကို ဆက်ပြီး ပိတ်ဆို့ထား မှာဖြစ်တယ်လို့ ဆိုပါတယ်။ ထိုင်း အစိုးရကို ဆန့်ကျင်ဆန္ဒပြသူတွေ ဟာ လေဆိပ်အတွင်းထိဆီကိုတောင် အလုံးအရင်နဲ့ ၀င်ရောက် လာပြီး၊၀န်ကြီးချုပ်ဆွန်ချိုင်း ဝေါင်ဆာဝတ်၏လေယာဉ်ကိုမဆင်းသက်နိုင်အောင် ကျိုးစားမှုတွေရှိနေကြတယ်။ အစိုးရ ဆန့်ကျင်သူတွေနဲ့ ထောက်ခံသူတွေအကြား အကြမ်းဖက်မှု ဖြစ်တဲ့အထိ ရုန်းရင်းဆန်ခတ် ဖြစ်ခဲ့ပါတယ်။ တစ်ဘက်နဲ့ တစ်ဘက် အပြန်အလှန် သေနတ်တွေ လောက်လေးခွတွေနဲ့ အဆက်မပြတ် ပစ်ခတ်နေကြ ပါတယ်။ လောလော ဆယ် မှာတော့ အ၀င်၊ အထွက် လေယာဉ်တွေကို ထိမ်းချုပ်ကွပ်ကဲ သူတွေဟာ အလုပ်တာဝန်ထမ်းဆောင်နိုင်မှုမရှိတော့ တာကြောင့်၊ လေဆိပ်တွေ ကို ပိတ်ပြစ် လိုက်ရပါပြီ။

တိုင်းပြည်ရဲ့ အချက်အချာကျတဲ့လေယာဉ်ကွင်းကြီးတွေမှာ အခုလို ဆန္ဒပြမှုတွေ ဖြစ်ပေါ် နေခြင်း ဟာ လက်ရှိဝန်ကြီးချုပ်ဆွန်ချိုင်း ဝေါင်ဆာဝတ်နှင့် သူ့အစိုးရကို ဖျက်သိမ်းဖို့၊ နုတ်ထွက်ဖို့ တွန်းအားဖြစ်စေတဲ့ အတိုက်အခံတို့ရဲ့ အကြီးအကျယ် စိန်ခေါ်မှုကြီး ဖြစ်တယ်။ လေဆိပ်တွေကိုပိတ်လုပ်ရတာဟာ လက်ရှိထိုင်းအစိုးရ အဖို့ အတော့်ကို အကျပ်အတည်း တွေ့စေပြီး၊ ၀န်ကြီးချုပ် ဆွန်ချိုင်း ဝေါင်ဆာဝတ်နုတ်ထွက်ပေးရဖို့ထိတောင် ဖြစ်ပေါ်လာ နိုင်လိမ့်မယ် လို့၊ ထိုင်းနိုင်ငံရေး လေ့လာသုံးသပ်နေသူတွေက ခန့်မှန်းပြောဆိုနေကြပါတယ်။ တချို့ ကလည်း ၀န်ကြီးချုပ် ဆွန်ချိုင်း ဝေါင်ဆာဝတ် က လက်ခံမှာ မဟုတ်ဘူးလို့ တွက်ဆနေကြတယ်။

လက်ရှိ ၀န်ကြီးချုပ်ဆွန်ချိုင်း ဝေါင်ဆာဝတ်ဟာ ထိုင်းဝန်ကြီးချုပ်ဟောင်းတပ်စင်နှင့် ယောက်ဖတော်စပ်သလို၊ ထိုင်းဝန်ကြီးချုပ် ဟောင်းတပ်စင်ရဲ့ ရုပ်သေးအစိုးရတရပ်လို့၊ အတိုက်အခံတွေ နဲ့ ထိုင်းနိုင်ငံရေး လေ့လာသုံးသပ်နေသူတွေက ဝေဖန် ပြောဆို နေကြပါတယ်။

သတင်းအကျဉ်းချုပ် ...

GW မှအသိပေးကြေငြာချက်

သတင်းအကျဉ်းချုပ် ...

မြန်မာပြည်က မော်စကို( Central Prison of Insein or Mosco)

ကျော်အောင်လွင် (VOA) နှင့် Hip Hop သီချင်း interview

သတင်းအကျဉ်းချုပ် ...

“ အ ရှက် ဖြေ လင်္ကာ ”

“ အ ရှက် ဖြေ လင်္ကာ ”

ခြောက်တီးခြောက်ချက် စားကျက်မြေဟာ

ဖုန်းဆိုးငွေ့တသင်းသင်းနဲ့

သွေးညှီနံ့တွေမရှင်းသေးဘူးအမေ…

ကျွန်တော့်သူငယ်ချင်းတွေလည်းလေ…

နံရံနောက်မှာ ခွေလို့ ခေါက်လို့

ကျွန်တော့်သူငယ်ချင်းတွေလေ…

မ၀ရေစာ ညစာကြမ်းကြမ်းတွေနဲ့

ကျွန်တော့်သူငယ်ချင်းတွေ

ကျွန်တော်တို့ကိုလွမ်းနေတော့မှာပဲအမေ

အမေကကျွန်တော့ကိုလွမ်းသလို

သူတို့လည်းကျွန်တော့်ကို လွမ်းနေကြတော့မှာပဲအမေ

ကျွန်တော်တို့ကိုယုံကြည်တာလေးတခုနဲ့

သူတို့ဘ၀ကို စိတ်ချလက်ချအပ်ထားခဲ့တဲ့သူတွေ

အိပ်ကပ်အစုတ်ထဲက အိပ်မက်အရုပ်လေးကို

တယုတယ ထုတ်ထုတ်ကြည့်လို့

အလွမ်းပေါ်အလွမ်းဆင့် အလွမ်းနင့်နေကြမှာပဲအမေ

သံခြေချင်းတန်းလန်းကြီးနဲ့တောင်

နိုင်ငံကြီးကောင်းစားတာမြင်ချင်သေးသတဲ့

လူပီသလိုက်ကြပုံများ တပြားသားမှစိတ်ကိုမလျော့ဘူးအမေ

သူငယ်ချင်းတွေလေ ကျွန်တော့်သူငယ်ချင်းတွေပေါ့

ဒီကောင်တွေကို ဒီထောင်တွေထဲ

ကျွန်တော်ဘယ်အချိန်ထိ နေခွင့်ပြုရဦးမလဲအမေ

နရသိန်တံခါးကို ရိုက်ချိုးမဖွင့်နိုင်သေးသရွေ့

လက်ဖ၀ါးတွေလည်း လူမြင်မခံဝံ့ဘူးလေ

စိတ်အနာ အစာမကြေသမျှ

(ခဏလေးဖြစ်ဖြစ်ပေါ့)

ကျွန်တော့်ပါးနှစ်ဖက်ကိုပဲကျွန်တော်

အားရပါးရ ပြန်ရိုက်လိုက်ပါရစေဦးအမေ

အရှက်လေးများပြေလိုပြေငြား…


မတရားအမိန့်များဖြင့် နှစ်ရှည်ထောင်ဒဏ် ချမှတ်ခံထားရတဲ့ သူငယ်ချင်းများအတွက်ရေးဖွဲ့သည်။

မိုဃ်းသွေး

Generation Wave

သတင်းအကျဉ်းချုပ် ...

အမိန့်မချခင် 10 မိနစ်အလို၌ရေးသားထားသော ဇေယျာသော် နှိုးဆော်ချက်,,,

သတင်းအကျဉ်းချုပ် ...

"Freedom From Fear"

This short film (10 min.) is a poetic and political essay about the beauty and tragedy of Burma. It is inspired by the book "Freedom From Fear" by Nobel Peace Laureate and Burmese opposition leader Daw Aung San Suu Kyi, who has been under house arrest for 12 of the last 18 years.

The narrator is 81 year old Burmese spiritual leader the Venerable U Kovida, who was once arrested and tortured by the Burmese regime. He is the founder of Sasana Moli, The International Burmese Monks Organization (IBMO), and one of the leaders of the peaceful "Saffron Revolution". This is a film about "Metta Sutta", the Buddhist prayer of loving-kindness and its power.
THE LONG VERSION OF THE FILM IS NOW IN PRODUCTION. LOOK AT TRAILER 4min.

သတင်းအကျဉ်းချုပ် ...

လုံထိန်းများက ဘောလုံးပွဲပရိသတ်ကို သေနတ်နဲ့ချိန်

မိုးမခ အထောက်တော် (ရန်ကုန်)
နိုဝင်ဘာ ၂၃၊ ၂၀၀၈
ယမန်နေ့က ရန်ကုန်မြို့ သုဝဏ္ဏအားကစားကွင်းတွင် ကျင်းပခဲ့သည့် မြန်မာ-အင်ဒိုနီးရှား ဗိုလ်လုပွဲအပြီး အနိုင်ရ မြန်မာအသင်းအား ဂုဏ်ပြုသည့် ပွဲကြည့်ပရိသတ်များ ကွင်းထဲဝင်ရောက်ခဲ့ကြရာတွင် လုံထိန်းများက သေနတ်ဖြင့်ချိန်ကာ အဆိုပါပရိသတ်ကို ခြိမ်းခြောက်ခဲ့ကြသည် ဟု သိရှိရသည်။
အင်ဒိုနီးရှားအသင်းကို မြန်မာအသင်းက ၂ဂိုး၁ဂိုးဖြင့် အနိုင်ရသွားသဖြင့် ပြိုင်ပွဲအပြီး ပွဲကြည့်ပရိသတ် ၅၀ မှ ၇၀ ၀န်းကျင်ခန့် ဘောလုံးကွင်းထဲ ၀င်ရောက်ခဲ့ပြီး မြန်မာအလံကို လွှင့်မြှောက်ပြီး အောင်ပွဲခံခဲ့ကြသည်။

ထိုအချိန်တွင် အနိုင်ရသည့် အသင်းများကို ဆုပေးမည့် အားကစား ၀န်ကြီး ၏လုံခြုံရေးအတွက် ကွင်းထဲရောက်နေသည့် အောင်ပွဲခံ ခဲ့ကြသည့်ပရိတ်သတ်ကို လုံထိန်းများက သေနတ်ဖြင့်ချိန်ကာ ဟန့်တားမောင်းထုတ်ခဲ့သည့် ဖြစ်ရပ် ဖြစ်ပွားခဲ့ခြင်းဖြစ်သည်။

ထို့အခါ ပွဲကြည့်စင်များပေါ်ရှိ ပရိတ်သတ်ထဲမှ လုံထိန်းများကို ဆဲဆိုသည့် အသံများ ဆူဆူညံညံ ထွက်ပေါ်လာခဲ့ပြီးနောက်တွင် လုံထိန်းများက လက်နက်များကို အောက်စိုက်ခဲ့ကြသည်ဟု ဘောလုံးပွဲ ကြည့်ရှုခဲ့သည့်မျက်မြင်သက်သေ တဦးက ပြောသည်။

အဆိုပါ မျက်မြင်သက်သေက

"လူတွေက ကွင်းထဲရောက်နေတဲ့ လုံထိန်းကို မင်းတို့ ဗိုလ်ချုပ်တယောက်ရဲ့ အသက်ကိုစိုးရိမ်တာနဲ့ လူတွေကို သေနတ်နဲ့ချိန်စရာလား။ ဗိုလ်ချုပ်သေသွားလို့ ဂရုစိုက်စရာမရှိဘူး ဆိုပြီး ၀ိုင်းဆဲကြတယ်။ အဲဒီနောက်မှ လုံထိန်းတွေ သေနတ် အောက်စိုက်လိုက်ပြီး အလျော့ပေးသွားတယ်"ဟုဆိုသည်။
ယမန်နေ့က မြန်မာအသင်းက ပြိုင်ဘက် အင်ဒိုနီးရှားအသင်းကို ၂ ဂိုး ၁ ဂိုးဖြင့် အနိုင်ရခဲ့ပြီး ဂရင်းရွိုင်ရယ် ဆုကို ဆွတ်ခူးခဲ့သည်။ ဂရင်းရွိုင်ရယ် အမှတ်တံဆိပ် ၀ီစကီကိုထုတ်လုပ်သည့် အိုင်ဘီတီစီ (International Beverage and Trading Company) က အကုန်ကျခံကာ အရှေ့တောင်အာရှနှင့် ဘင်္ဂလားဒေ့ရှ် စသည့် ၃၊ ၄ နိုင်ငံကို နှစ်စဉ်ဖိတ်ခေါ်ပြီး ဘောလုံးပြိုင်ပွဲကျင်းပလေ့ရှိသည်။

ယမန်နေ့က ပြိုင်ပွဲတွင် လူပရိသတ် သောင်းဂဏန်းနှင့်ချီပြီး လာရောက်ခဲ့သည်ဟုသိရှိရသည်။

ယခုသီတင်းပတ်များအတွင်း စစ်အစိုးရက ပြီးခဲ့သည့်နှစ် စက်တင်ဘာနောက်ပိုင်း ဖမ်းဆီးထားသည့် အတိုက်အခံ နိုင်ငံရေးအဖွဲ့အစည်းများနှင့် မီဒီယာ၊ အတိုက်အခံများကို ကူညီသည့်ရှေ့နေများကိုပါ နေ့စဉ်ရက်ဆက် ထောင်ဒဏ်နှစ်ရှည် ချမှတ်လျက်ရှိပြီး ရန်ကုန်မြို့တွင် လုံခြုံရေးကိုလည်း ပိုမိုတိုးချထားသည်ကို မြင်တွေ့နေရသည်။

(ဓာတ်ပုံ - မိုးမခ၊ ခေါင်းစီးအနီများနှင့် မြန်မာအားကစားဝါသနာရှင်များ၊ ၀န်ကြီးဆုပေးနေစဉ် ပရိသတ်ကို တားမြစ်နေသည့် လုံထိန်းများ)

သတင်းအကျဉ်းချုပ် ...

သံကြိုး နှင့် ဆွဲကြိုး

အာဇာနည်

သတင်းအကျဉ်းချုပ် ...

မြန်မာနိုင်ငံမှ (မ)တရားသူကြီးများအား မှတ်တမ်းတင်ခြင်း

စဉ်	အမည်	နအဖအလိုကျတရားစွဲဆိုသူ	မတရားအပြစ်ပေးခံရသူအမည်
၁	တရားလို (နအဖ အလိုကျ) ရှေ့နေ ဒေါ်ခင်ပို၊ ရန်ကုန် အနောက်ပိုင်း ခရိုင် (မ)တရားသူကြီး ဦးကျော်ဆွေ	ရဲမှူး သိန်းထွန်း၊	ကိုဇာဂနာ
၂	တရားလို(နအဖ အလိုကျ) ရှေ့နေမှာ ဒေါ်နန်းအေးခမ်၊ လမ်းမတော်မြို့နယ် (မ)တရားသူကြီး ဒေါ်ဖြူဖြူခိုင်	လမ်းမတော် မြို့နယ် ရဲစခန်းမှူး သူရထွန်း၊	ဇေယျာသော် အပါအဝင် လူငယ် ၆ ဦး
၃	ကျောက်တံတားမြို့နယ် အထူး အာဏာရ (မ)တရားသူကြီး ဒေါ်ညွန့်ညွန့်ဝင်း၊		သင်္ကန်းကျွန်းမှ ကိုမြသန်းထိုက်
၎	မြောက်ဒဂုံမြို့နယ် (မ)တရားသူကြီး ဒေါ်မြမြဆွေ	တရားလို သက်သေ ရဲအုပ် ဟန်စိန်	ကိုသားကြီး (၈၈ မျိုးဆက်ကျောင်းသား)
၅	အင်းစိန် ထောင်တွင်း (မ)တရားသူကြီး ဦးစိန်လှ		ကုန်ဈေးနှုံး ကျဆင်းရေး ဆန္ဒပြသူ ကိုစိုးမြင့်ထိန်

သတင်းအကျဉ်းချုပ် ...

နိုင်ငံရေးဆိုတာဘာလဲ?

နိုင်ငံရေးမည်သည် ယုတ်မာညစ်ထေးသည်ဟု ဆိုရမည်လော။စင်စစ်မှာ နိုင်ငံရေးသည် ယုတ်မာ ညစ်ထေးသည်မဟုတ်။ နိုင်ငံရေုးကို ညစ်ထေးအောင် လုပ်သူတို့သာလျှင် ယုတ်မာခြင်းဖြစ်သာဖြစ်ပေ၏။ နိုင်ငံရေးဆိုတာ ဘာလဲဟု မေးဖွယ်ရာရှိပြန်သည်။ ကျွန်ုပ်တို့သည် သာမာန်ပုထုဇဉ်များဖြစ်သောကြောင့် နိုင်ငံရေးကို မလုပ်သင့်၊ နိုင်ငံရေးသည် အလွန်မြင့်မြတ်သည့်အတွက် ကျွန်ုပ်တို့နှင့် မတန်မရာ ၊ လေးမြတ်စွာ မျှော်ရှု့ရန်သာရှိသည်ဟူရ်ျ ဆိုရမည်လော။ သို့တည်းမဟုတ် နိုင်ငံရေးဆိုသည်မှာ အချို့သော လူလိမ်လူညာတို့က တောအုံကမ်းနား ကျေးတောသား လူရိုးလူအတို့အား အတိတ် ၊ တဘောင်၊ စနည်း၊ ဘဝေါတို့ကို တွင်တွင်ကြီးဟောပြောရ်ျ ထိုသူတို့၏ မနောအကြိုက်ကိုလိုက်ရ်ျ အငိုက်ကိုဖမ်းပြီးနောက် စားပေါက်ထွင်ကြသည့် ကိစ္စဟု ဆိုရမည်လော။ သို့တည်းမဟုတ် နိုင်ငံရေးသည် အန္တရာယ်များစွာရှိသော အရေးကိစ္စဖြစ်သောကြောင့် ကျွန်ုပ်တို့သည် တတ်နိုင်ရင် ရှောင်ရှားသင့်သည်ဟု ဆိုရမည်လော။ သို့တည်းမဟုတ် နိုင်ငံရေးသည် ကျွန်ုပ်တို့ ပြောလေ့ပြောထရှိသည့်အတိုင်း လူမျုိး၊ ဘာသာ၊ သာသနာဟု ဆိုရဦးမည်လော။

နိုင်ငံရေး သဘောအမှန်မှာ အကျွန်ုပ်တို့လူသားတို့နှင့် မတန်မရာ မြင့်မြတ်လွန်းသည်လဲမဟုတ် နိမ့်လွန်းသည်လဲ မဟုတ် မျက်လှည့်ဗေဒင်လဲမဟုတ်၊ အဂရိတ်လဲမဟုတ် ၊ ကြောက်မက်ဖွယ်ကောင်းသော ကန္တရခရီးလဲမဟုတ်၊ ဘယ်သူသေသေငတေမာရင် ပြီးရောစိတ်ဇောနှင့်လုပ်သော အရေးကိစ္စလဲမဟုတ်၊ ကျွန်ုပ်တို့၏ပတ်ဝန်းကျင်တွင် ပေါ်ပေါက်ဖြစ်ပွားလျှက်ရှိသော အခြေပေါ်တွင် မျှော်ခေါ်ရ်ျ ဆောင်ရွက်ရမည်ဖြစ်သော အရေးကိစ္စသာဖြစ်ပေ၏ ။ အတိုချူပ်ဆိုရလျှင် နိုင်ငံရေးဆိုသည်မှာ ကျွန်ုပ်တို့နေ့စဉ်နှင့်အမျှ လူ့လောကတွင် တွေ့ကြုံနေကြသော ကိစ္စပင်ဖြစ်ပေသည်။ ကျွန်ုပ်တို့ စားမှု့၊သောက်မှု့၊ နေမှု့၊ ထုိုင်မှု့၊ သွားမှု့၊ လာမှု့ အစုစုသည် နိုင်ငံရေးပင်ဖြစ်သည်။ ကျွန်ုပ်တို့သည် နိုင်ငံရေးကို မဆင်မခြင်မတွေးတောမိစေကာမူ၊ နိုင်ငံရေးသည် ကျွနုုပ်တို့၏အိမ်၊ ရုံး၊ အလုပ်ရုံစသည်တို့တွင် ပေါ်ပေါက်လျှက်ရှိသည်။ ထိုနေရာများတွင် ကျွန်ုပ်တို့သည်နေ့စဉ်နှင့်အမျှ နိုင်ငံရေးကိုပင် လုပ်နေကြရပေသည်။ အလုပ်သမားသည် အခကြေးငွေအတွက် အလုပ်လုပ်ရ၏။ တောင်သူလယ်သမားသည် ၀မ်းစာအတွက် လယ်လုပ်ရ၏။ စာရေးစာချည် အမှု့ထမ်းသည်လဲ လစာငွေအတွက် အလုပ်လုပ်ရ၏။ ကုန်သည်ပွဲစား စသည်တို့သည် အသီးသီးဝင်ငွေရအောင် လုပ်ကြသည်။ အချူပ်မှာ စားသောက်နေထိုင်ရေးအတွက်ပင် ဖြစ်သည်။ အလုပ်သမားသည် အခကြေးငွေကို တိုးတက်ရ်ျရပီးလျှင် စားသာသောက်သာသော အခြေနေကိုရလို၏။ စာရေးစာချည် အမှု့ထမ်းသည်လဲ ရုံးတွင်တကုတ်ကုတ်လုပ်ရသော ဘ၀ထက်လွတ်လွတ်လပ်လပ် ချောင်ချောင်လည်လည်ရှိသော အခြေနေကို ရောက်လိုကြ၏။ ကုန်သည်ပွဲစားတို့သည်လဲ လွယ်လွယ်ကူကူတိုးချဲ့ရ်ျ် ကူသန်းရောင်းဝယ်လိုကြ၏။ ထိုကဲ့သို့ လူတိုင်းလူတိုင်း မိမိအခွင့်အရေးကို ရယူလိုခြင်းသည် နိုင်ငံရေးပင်ဖြစ်သည်။

သို့ရာတွင် ကျွန်ုပ်တို့နေ့စဉ်နှင့်အမျှ ကြုံတွေ့နေရသော နေထိုင်စားသောက်မှု့သည် ပြောင်းလဲလျှက်ရှိသည့် အာလျှော်စွာ ကျွန်ုပ်တို့ နိုင်ငံရေးသည်လဲ ပြောင်းလဲလျှက်ရှိသည်။

ကျွန်ုပ်တို့အားလုံး သက်သက်သာသာ ချောင်ချောင်ချိချိ လူတန်းစေ့ နေထိုင်ရန်အတွက် အခွင့်ရေးပိုမိုရရှိအောင် ကျွန်ုပ်တို့သည် လွတ်လပ်ရေးကို တောင့်တကြသည်။ လွတ်လပ်ရေးဆိုရာတွင် နေရေးထိုင်ရေး လွတ်လပ်မှု့ လူတစ်ဦးတစ်ယောက်အနေနှင့် လည်းကောင်း တစ်မျိုးလုံးအနေနှင့် လည်းကောင်း တိုးတက်ကြီးပွားအောင်၊ စီမံဆောင်ရွက်နိုင်အောင် လွတ်လပ်မှု့၊ ကျွန်ုပ်တို့၏ ကာယ၊ ဥာဏ၊ စိတ်တ္တ၊ အဆင့်တန်း တိုးမြင့်အောင် ဆောင်ရွက်နိုင်ရန် လွတ်လပ်မှု့တို့ စသည်တို့ကို ဆိုလိုပေသည်။ ထိုလွတ်လပ်မှု့ ရယူလိုမှု့သည်ပင်လျှင် နိုင်ငံရေးဖြစ်၏။ သို့ဖြစ်ရာကား နိုင်ငံရေးကို ကျွန်ုပ်တို့ နားမလည်စရာ အကြောင်းမရှိချေ။ သို့ပါလျှက်နှင့် အချို့သောသူများသည် နိုင်ငံရေးအလုပ်ကို ယုတ်မာညစ်ထေးသည်ဟု ဆိုကြ၏။ အချို့ကလဲ နိုင်ငံရေးသည် ကိုးကွယ်ရာ ဘာသာတရားပင်ဖြစ်သကဲ့သို့ ဆိုကြပြန်၏။ ထိုသူတို့၏ အယူဆတို့မှာ အလွဲလွဲအမှားမှား ကွဲကွဲပြားပြား ရှိကြပေ၏။

(ဗိုလ်ချုပ်အောင်ဆန်း)

(၁၉၄၆ခုနှစ် ၊ဇန်န၀ါရီလ ၊၁၇ရက်မှ ၂၀ရက်ထိ ရွှေတိဂုံအလယ်ပစ္စယံတွင် ကျင်းပသောမြန်မာနိုင်ငံလုံးဆိုင်ရာ ညီလာခံကြီးမှ ကောက်နုတ်ချက်)

သတင်းအကျဉ်းချုပ် ...

မြန်မာပြည်လွတ်မြောက်ရေးအဖွဲ့ ချူပ် (Free Burma Federation) ၏ သတင်းစာစောင် အမှတ် (၁) ။

PDF file ဖြင့်ဖတ်ရန်

သတင်းအကျဉ်းချုပ် ...

အမျိုးသားအောင်ပွဲနေ့ ကြေညာစာတမ်း

သတင်းအကျဉ်းချုပ် ...

အားလုံးအတွက် ဆုတောင်း

အာရုဏ်ဦးမှာ နိုးထလာ
ပေးဝေ မေတ္တာ ဂရုဏာ။
ရူးသွပ် လောဘ ဒေါသမီး
ကင်းဝေးပါစေ ကမ္ဘာမြေကြီး။
သန်းပေါင်းများစွာ ရကြစေ
မျှော်လင့်တောင့်တ ငွေနဲ့ရွှေ ။
သေဆုံးနေတဲ့ အိပ်မက်ကမ္ဘာ
ပြန်ရှင်သန်ဖို့ ကြိုးစားပါ ...
စေလိုရာစေ အိပ်မက်များ
အမြန်ဆုံးနဲ့ ရောက်စေသား။ ။

(အားလုံးအတွက် ဆုတောင်းပေးလိုက်ပါတယ်။ ဖတ်လို့ကောင်းအောင် ကလေးကဗျာတွေလို ကာရန်လေးနဲ့ ကြိုးစားရေးထားပါတယ်။ ကျိန်ဆဲချင်ရင်တော့ တစ်ကြောင်း ပြီး တစ်ကြောင်း အစ အဆုံး ဖတ်ကြည့်လိုက်ပါ။)

နွေဆူးလင်္ကာ

သတင်းအကျဉ်းချုပ် ...

ချောက်ချားဖွယ့် ရုဒ္ဒသစ္စာ

တရားမဲ့ ရက်စက်ကြမ်းတမ်းပြီး ပျင်းရိငြီးငွေ့ဖွယ် ကောင်းလှသော မြန်မာ့နိုင်ငံရေး အကျဉ်းသားများအကြောင်း အင်္ဂလိပ် ဘာသာဖြင့် ထိထိမိမိရေးသားထားသော စာအုပ်စာတမ်း၊ ၀တ္ထုများ ကျနော်တို့တွင် များစွာမရှိလှပါ။ ကာရင် ကော်နယ်လီ (Karen Connelly) ရေးသားသော “အိမ်မြှောင်လှောင်ချိုင့်” (The Lizard Cage) စာအုပ်ကဲ့သို့ စူးရှထိမိစွာ သရုပ်ဖော် ရေးသားနိုင်သော စာအုပ်မျိုးဆိုလျှင် ပို၍ပင် ရှားပါသည်။

တနည်းဆိုရလျှင် ကော်နယ်လီက မြန်မာနိုင်ငံရှိ နိုင်ငံရေးအကျဉ်းသားအားလုံး၏ အကြောင်းကို အသေးစိတ် ရှုထောင့်မျိုးစုံမှ တင်ပြရေးသားသွားခြင်း ဖြစ်ပါသည်။ ကြိုတင်ခန့်မှန်းမထားနိုင်သော ခုံရုံးများ၏ သဘာဝ၊ ရက်စက်ကမ်းကြုတ်ပြီး တပါးသူ မျက်ရည်ပေါက်ကြီးငယ်ကျမှ အာသာပြေလေ့ရှိကြသော ထောင်မှူး ထောင်ပိုင်များနှင့် “အိမ်မြှောင်လှောင်ချိုင့်” ထဲမှဘ၀ကို လွှမ်းမိုးနေသော စိတ်ပိုင်းဆိုင်ရာ ဖိစီးနှိပ်စက်မှုတို့ကို ကွက်ကွက်ကွင်းကွင်း ဖော်ပြသွားပါသည်။

ကော်နယ်လီသည် ကာရန်၊ နရီကျွမ်းကျင်လှသော ကဗျာဆရာမတဦးဖြစ်သည်နှင့်အညီ သူမ၏ အရေးအဖွဲ့မှာ ဇာတ်လမ်းပါ ရက်စက်ယုတ်မာမှုများက လွှမ်းမိုးမထားနိုင်လောက်အောင် လှပလွန်းလှပါသည်။ တေးရေးဆရာ တေဇာ၏ဘ၀ အကျဉ်း ထောင်ထဲတွင် မျှော်လင့်ချက်မဲ့ နစ်မြုပ်သွားရသည့် ဇာတ်ကြောင်း၏အစကို ထင်မှတ်မထားနိုင်လောက်သော တင်ပြပုံမျိုးဖြင့် တင်ပြသွားခဲ့ပါသည်။ အခြား မြန်မာအကျဉ်းသားများနည်းတူ ဒုက္ခတွင်းနက်ထဲ နစ်မြုပ်ကျဆင်းသွားရရှာသော သူတို့ အားလုံး၏ ဘ၀ဇာတ်ကြောင်းကို ဒီမိုကရေစီလှုပ်ရှားမှုကြီးမှ အစပြုထားပါသည်။

သို့သော်စာအုပ်တွင် အကြောင်းရင်းထက် အကျိုးဆက်ကိုသာ ပိုမိုအာရုံစိုက်ထားသည်ကို တွေ့ရပါသည်။ စာရေးသူက ဇာတ်ကြောင်းပြောသူအဖြစ် ၀င်ပြောသောအကြောင်းအရာအများစုသည် တေဇာ၏ အကျဉ်းပိတ် တိုက်ခန်းအတွင်းထဲ၌သာ လှည့်ပတ်မွှေနှောက်နေခဲ့ပြီး မျှော်လင့်မထားနိုင်သည့် သူ၏ကိုယ်စိတ်နှစ်ပါး ကျန်းမာရေးကို ခြိမ်းခြောက်နေသော ဖိစီးမှု များကို အားပြုတင်ပြထားပါသည်။ သံတိုင်အပြင်ဘက်မှ ရက်စက်ယုတ်မာလှသော ထောင်ဝါဒါများ၏ အနိုင်ကျင့် နှိပ်စက် မှုကို မခံနိုင်တော့သည့်အဆုံး တိုက်ခန်းထဲမှ အိမ်မြှောင်ကိုပင် လိုက်လံဖမ်းဆီး စားသောက်ရဲသော သတ္တိပေါ်လာသည့် အခြေအနေအထိ ဖြစ်လာပုံကို လှုပ်ခတ်ရုန်းကြွအောင် တင်ပြသွားခဲ့ပါသည်။

ဝတ္ထုတပုဒ်လုံးတွင် တေဇာအား အကျဉ်းထောင်ကြီးက သေခြင်းနှင့် ရှင်ခြင်းကို နေ့စဉ်ရွေးခိုင်းနေကြောင်းကို စာရှုသူများ မေ့မသွားစေရန်အတွက် တချိန်လုံး သတိပေးနေသည်မှာ ကန့်လန့်ကာနောက်ကွယ်မှ ဇာတ်ကောင် အိမ်မြှောင်ပင် ဖြစ်ပါတော့သည်။ အိမ်မြှောင်တို့က သူ၏ မလောက်မငှ ရိက္ခာရာရှင်ကို ပိုများလာစေသည်။ ထိုမှရလာသော အင်အားများဖြင့် သူ၏ ရှည်လျားငြီးငွေ့ စိတ်ပျက်စရာကောင်းသော အကျဉ်းစံဘ၀ကို လွှဲဖယ် မေ့ပျောက်ထားနိုင်ရန် အတွက် သူ့စိတ်ကို အလုပ်ပေးစွမ်းနိုင်ရန်လည်း အိမ်မြှောင်က ကူညီပေးပြန်သည်။ သို့သော် သူ၏မသတီစရာ ထောင်ပုံစံခွက်ထဲတွင် ဖုံးဖိ
ဝှက်ထားရန် သူကြိုးစားနေသော အရိုးချောင်းငယ်များက သူ့ကို ပြန်၍ လှောင်ပြောင်နေပြန်ပါသည်။ ယင်းသည် နေ့စဉ် သူ့ကိုယ်သူကာကွယ်ရန် အားထုတ်မှုများနှင့် အတူတွဲပါနေသော ရှက်ရွံ့အားငယ်ရမှု ဖြစ်ပါသည်။

ကော်နယ်လီသည် ပြင်ပကမ္ဘာနှင့် အဆက်အသွယ်ရရန် အကျဉ်းသားတို့က ကြိုးစားအားထုတ်မှုများကို တိတိကျကျ ရေးသားထားနိုင်ခဲ့သည့်အပြင် ထောင်မှူးထောင်ပိုင်များက ၎င်းကဲ့သို့ ပြင်ပကမ္ဘာနှင့် အဆက်အသွယ်ရလိုမှုကို အခွင့် ကောင်းယူပြီး အကျဉ်းသားများအပေါ် ပိုမိုရက်စက်ယုတ်မာစွာ မည်သို့ပြုကျင့်လေ့ရှိသည်ကိုလည်း ဖော်ပြသွားနိုင်ခဲ့ပါသည်။ တေဇာသည် သူများဒုက္ခရောက်မှ အာသာပြေတတ်သူတို့၏ လက်ချက်ကြောင့် ရှိသမျှ စွမ်းအင်အားလုံး ကုန်ခမ်းသွားခဲ့ဖူး ပါသည်။ ထိုစဉ်က သူနှင့်သူ့အဖော်များအဖို့ ထိန်းသိမ်းကာကွယ်ရန်ဆို၍ သူတို့ကိုယ်ပိုင်စိတ်၏ အချုပ်အခြာ အာဏာ ပိုင်ခွင့်သာ ကျန်ရစ်ပါတော့သည်။

တေဇာက သူ့လှောင်အိမ်ထဲမှ အိမ်မြှောင်ငယ်များကို ချောင်းမြောင်းဖမ်းဆီးနေစဉ်တွင် အညှာတာမဲ့ သူ့အချစ်တော်
ထောင်ဝါဒါ ကိုတော်ချောကလည်း သူ့ကိုဒုက္ခပေးရန် အလစ်ချောင်းနေပါသည်။ အခွင့်အရေးရသည်နှင့် တခါတည်း ရက်စက်ပါတော့သည်။ အဆုံးသတ်တွင် ဆုံးရှုံးသွားခဲ့သော သူ့ စွမ်းအင်တချို့ပြန်ရလာစေရန်အတွက် တေဇာက အစာငတ်ခံ ဆန္ဒပြပါတော့သည်။ သူ့ဆန္ဒပြမှုမှ ဘာဆက်ဖြစ်သည်ကို ၀တ္ထုအဆုံးသတ်တွင် ဆက်လက်မဖော်ပြတော့ခြင်း သည်လည်း တမျိုးကောင်းသည်ဟု ဆိုနိုင်ကောင်းပါသည်။ အကြောင်းမှာ စာရေးသူက ယခုတိုင် ထိုအိမ်မြှောင် လှောင်ချိုင့်ထဲတွင် ပိတ်မိနေဆဲ နိုင်ငံရေးအကျဉ်းသား ၁,၀၀၀ ကျော်၏ဘ၀များအကြောင်းကို တေဇာ၏ဇာတ်လမ်းနှင့် ယှက်နွယ်ပေါင်းစပ် ဆက်လက်တင်ပြသွားသောကြောင့် ဖြစ်ပါသည်။

စာဖတ်သူ၏ အာရုံကိုဖမ်းစားနိုင်သော ၀တ္ထုပါနိမိတ်ပုံများကို ကျော်ကြည့်လျှင် ဇာတ်လမ်းသည် ထိုနိုင်ငံရေး အရှုပ် အထွေးကြီးတွင် ပျောက်ဆုံးသွားသော ညီအစ်ကိုနှစ်ယောက်၏ သာမန်ဇာတ်လမ်းမျှသာ ဖြစ်ပါသည်။ ထိုနိုင်ငံရေး ရှုပ်ထွေးမှုသည် မြန်မာနိုင်ငံသားတို့၏ဘ၀ကို ဆယ်စုနှစ်ပေါင်းများစွာ ပုံဖော်နေခဲ့ပါသည်။ ကာရင် ကော်နယ်လီက ဤစာအုပ်သည် အောင်ဇော်နှင့် ကျော်စွာမိုးတို့ ညီအစ်ကိုသို့ ရည်ညွှန်းရေးသားသည်ဟု ဖော်ပြထားပြီး မူရင်းဖြစ်ရပ်မှန် အဖြစ်အပျက်ကို ခပ်ပါးပါးသာ ဇာတ်လမ်းဆင် ဖုံးကွယ်ထားသည်ကို တွေ့ရသည်။ ထိုညီအစ်ကိုနှစ်ဦးသည် ၎င်းတို့၏ နိုင်ငံရေးလှုပ်ရှားမှု ကြောင့် လိုက်လံဖမ်းဆီး ထောင်ချခံရပြီးနောက် မြန်မာနိုင်ငံနယ်စပ် တနေရာတွင်ပြန်လည်ဆုံတွေ့ ခဲ့ကြရပါသည်။ အခြား စာဖတ်သူများ၏ အဖြစ်အပျက်နှင့်လည်း ခပ်ဆင်ဆင် တူကောင်းတူနေနိုင်ပါသည်။ တေဇာ၏ ကိုယ်ရေးဖြတ်သန်းမှုနှင့် အသေးစိတ်ဖြစ်ရပ်များတွင် ကျနော်ကိုယ်တိုင်၏ ဖြတ်သန်းမှု အစိတ်အပိုင်းများကိုလည်း ရှာတွေ့ခဲ့ရပါသည်။

ကော်နယ်လီ၏ စံဇာတ်ကောင်ကဲ့သို့ပင် ကျနော်လည်း အိမ်မြှောင်လှောင်ချိုင့်ထဲတွင် ပိတ်မိခဲ့ဖူးပါသည်။ အစ်ကိုဖြစ်သူ နှင့်လည်း ကွဲကွာခဲ့ရပါသည်။ အစ်ကိုက သူ၏ဒီမိုကရေစီတိုက်ပွဲကို ဆက်တိုက်ရန်အတွက် အိန္ဒိယနယ်စပ်သို့ ထွက်ပြေး ရောက်ရှိသွားပါသည်။ ကျနော့်မှာမူ ထောင်တွင်းဖိနှိပ်မှု၊ ရက်စက်မှုများကို ပြင်ပကမ္ဘာသို့ အသိပေးဖြန့်ဝေရန် စာထုတ်မှုနှင့် မိသားစုနှင့်အဆက်အသွယ်ရရန် ကြိုးစားမှုတို့ဖြင့် ထောင်တွင်းမှ နောက်အမှုတက်ပြီး ပြစ်ဒဏ်အတိုးခံခဲ့ရပါသည်။

တေဇာနည်းတူ ကျနော်လည်း ဒေါ်အောင်ဆန်းစုကြည်အပေါ် နက်နက်ရှိုင်းရှိုင်း ယုံကြည်လေးစားမှု ရှိပါသည်။ သူ၏အနီး တွင် ကာလတခုကြာ လုပ်ကိုင်ခွင့်ရရှိခဲ့ဖူးသည်မှာ မိမိအတွက် တန်ဖိုးမဖြတ်နိုင် ဂုဏ်ယူနေရဆဲ ဖြစ်ပါသည်။ ကျနော် သည်လည်း ၀တ္ထုထဲမှ ဇာတ်ကောင်ကဲ့သို့ပင် ထောင်ဝင်စာမရှိဘဲ သီးခြားအကျဉ်းပိတ်ပြစ်ဒဏ်ကို ခံခဲ့ရဖူးပါသည်။ ထို့အပြင် ထောင်အတွင်းသို့ ပစ္စည်းမှောင်ခိုအသွင်းအထုတ်လုပ်ရန် ကုလားလေးကဲ့သို့သော ရာဇ၀တ်သားများကိုလည်း စွန့်စား ခိုင်းစေခဲ့ရဖူးပါသည်။

ကော်နယ်လီသည် တေဇာ၏ဇာတ်ရုပ် အသက်ဝင်လာစေရန်အတွက် အထက်ပါ အသေးစိတ် အဖြစ်အပျက်များနှင့် စရိုက်များကို ဇာတ်လမ်းဇာတ်ကွက်ဆင် တင်ပြရာတွင် စူး၊ ဆောက်၊ ပစ္စည်းများအဖြစ် အသုံးပြုခဲ့ခြင်း ဖြစ်ကောင်း ဖြစ်နိုင်သော်လည်း ထိုအဖြစ်အပျက်များနှင့် စရိုက်လက္ခဏာများသည် မြန်မာအဏာရှင်အစိုးရ လက်အောက်တွင် ကျနော်တို့အားလုံး ခါးသီးစွာ ရင်ဆိုင်ခံစား ဖြတ်ကျော်ခဲ့ရသည့်၊ ရင်ဆိုင်ဖြတ်ကျော်နေရဆဲ ဖြစ်သည့် ခြောက်ခြားဖွယ့် ရုဒ္ဒသစ္စာတရားပင် ဖြစ်ပါတော့သည်။

စာအုပ်တွင် အကြောင်းအရာအချို့ မှားယွင်းနေသည်ကိုလည်း တွေ့ရပါသည်။ မြန်မာအကျဉ်းထောင် အားလုံး ညဘက်တွင် ဘယ်သောအခါမှ အမှောင်မချပါ။ မီးမပျက်ပါ။ လုံခြုံရေးအတွက်အမြဲတမ်း မီးဖွင့်ထားပါသည်။ ထိုအချက်ကြောင့်ပင် တေဇာအတွက် လိင်အာသာ ဖြေဖျောက်ရန် အကောင်းဆုံးအချိန်သည် ညနေစောင်းချိန်ကို ရွေးရခြင်း ဖြစ်ပါသည်။ ထို အချိန်များတွင် ထောင်ဝါဒါများက အိပ်ငိုက်နေလေ့ ရှိကြပါသည်။

ထောင်ဝါဒါတဦးသည် သူမ၀တ္ထုတွင် ဖော်ပြခဲ့သလို မည်သို့သောအခါမျှ အကျဉ်းသားများ၏ ပစ္စည်းများကို ကိုယ်တိုင် တလာစီလေ့ မရှိပါ။ သူတို့ကိုယ် သူတို့ ဤလောကတွင် ဘုရင်တပါးကဲ့သို့ မှတ်ထင်ထားပြီး ရာထူးအဆင့်နိမ့်သော လက်အောက်ငယ်သားများကိုသာ တလာစီ ရှာဖွေခိုင်းလေ့ရှိပါသည်။ ထို့အပြင် အကျဉ်းသားများအား အုပ်ချုပ်ရန် ထောင်မှခန့်အပ်သော အကျဉ်းသားတန်းစီး အပါအ၀င် မည်သည့်အကျဉ်းသားမျှ လက်ပတ်နာရီ ပတ်ခွင့်မရှိပါ။

အထက်ပါ မဖြစ်စလောက် အချက်အလက် မှားယွင်းမှုက ကော်နယ်လီ၏ ရုန်းကြွနေသော ဇာတ်လမ်းကို မည်သို့မျှ မထိခိုက်စေနိုင်ပါ။ သူမ၏ အိမ်မြှောင်လှောင်ချိုင့်သည် အပြစ်မဲ့သူတဦး နေ့စဉ် ကိုယ်စိတ်နှစ်ပါး ဖိစီးနှိပ်စက်ခံနေရသော ကျဉ်းကျပ်လှသည့် ရူးသွပ်ချောက်ချားဖွယ် အကျဉ်းခန်းတခန်းထက်များစွာ ပိုလွန်၍ တာသွားသော နိမိတ်ပုံသင်္ကေတ ဖြစ်ပါသည်။ ထိုမျှမက ကော်နယ်လီ၏ စာအုပ်သည် အာဏာရှင်အစိုးရတရပ်က နိုင်ငံတခုလုံးကို ပြန်ပေးဆွဲထားသည့် သဖွယ် ထိန်းသိမ်းအကြပ်ကိုင်ထားသည့် အခြေအနေနှင့် ၎င်းနိုင်ငံသားများ၏ ဂုဏ်သိက္ခာနှင့် ထိုက်တန်သည့် အဆင့်နေရာကို ပြန်လည်ရရှိရန်အတွက် ကြိုးပမ်းအားထုတ်နေပုံများကိုပါ ပုံဖော်ခြယ်မှုန်း သွားခဲ့ပါသည်။ ။

၂၀၀၇ ခုနှစ် သြဂုတ်လထုတ် ဧရာဝတီ မဂ္ဂဇင်းမှ Kay Latt ရေးသည့် Telling Dreadful Truths ကို ဆီလျော်အောင် ပြန်ဆိုဖော်ပြပါသည်။
(ကေလတ်သည် နိုင်ငံရေးအကျဉ်းသားဟောင်းတဦးဖြစ်ပြီး စစ်အစိုးရ၏ နာမည်ဆိုးဖြင့်ကျော်ကြားလှသော အင်းစိန်နှင့် သရက်အကျဉ်းထောင်တို့တွင် ၁၉၉၀ မှ ၁၉၉၉ ခုနှစ်အထိ ရှစ်နှစ်ကျော် ထောင်ကျခဲ့ဖူးသူ ဖြစ်ပါသည်)

ဧရာဝတီ ၀က်ဆိုဒ်မှ

သတင်းအကျဉ်းချုပ် ...

2008 Gmail Themes officially Realeased by Google

Google ရဲ့လုပ်ဆောင်ချက်တွေ နည်းပညာတွေကတော့ တကယ့်ကို အံ့မခန်းပါပဲ။ အခုလည်း တစ်ချို့ဘလော့တွေ၊ သတင်းတွေထဲမှာ လိုက်ဖတ်ပြီးကတည်းက သဘောကျနေခဲ့ရတဲ့ Gmail Themes တွေကို စပြီး အသုံးပြုနိုင်ကြပါပြီ။ Theme ပြောင်းဖို့အတွက် gmail ကို login လုပ်ပြီးလျှင်

• window ရဲ့ ညာဘက် အပေါ်ထောင့်မှာ setting ဆိုတဲ့ link ကို Click နှိပ်ပါ။
• Setting ထဲရောက်သွားလျှင် ပထမဦးဆုံး General ထဲမှာ အရင်ရောက်နေပါလိမ့်မယ်။ အဲဒီ Tab တွေရဲ့ နောက်ဆုံးမှာ Themes ဆိုတဲ့ link ကို နှိပ်ပါ။
• Themes ထဲရောက်သွားပြီဆိုရင် ကြိုက်တဲ့ Theme ပုံစံကို Click နှိပ်ပြီး အသုံးပြုနိုင်ပါပြီ။

သတင်းအကျဉ်းချုပ် ...

နအဖတရားသူကြီးတချို့ ICCပို့ဖို့တောင်းဆို

မြန်မာနိုင်ငံမှာ ၈၈မျိုးဆက်ကျောင်းသားခေါင်းဆောင်တွေ အပါအ၀င် အစိုးရဆန့်ကျင်ရေးလှုပ်ရှားသူတွေကို ထောင်ဒဏ်နှစ်ရှည် ချမှတ်ခဲ့မှုမှာ သူတို့ရဲ့အမှုကို အများပြည်သူကြည့်ရူနိုင်တဲ့ တရားရုံးတွေမှာပြန်စစ်ဆေးသင့်တယ်လို့ ကုလသမဂ္ဂရဲ့ စုံစမ်းစစ်ဆေးရေး တာဝန်ခံတွေက ပြောလိုက်ပါတယ်။

ခုလိုပြောလိုက်တဲ့ ကုလသမဂ္ဂစုံစမ်းစစ်ဆေးရေးတာဝန်ခံတွေထဲမှ မြန်မာနိုင်ငံဆိုင်ရာ လူ့အခွင့်အရေးကိုယ်စားလှယ် တောမတ်စ ကင်တားနားလဲပါဝင်ပါတယ်။

တခါ ကမ္ဘာ့တရားရေးဌာနကလဲ နအဖဟာ တရားရေးစီရင်ရေးစံနစ်ကို သုံးပြီး ကြီးလေးတဲ့ ပြစ်မှုတွေ ကျူးလွန်နေတယ်လို့ ပြောလိုက်ပါတယ်။ဒါကြောင့် နအဖရဲ့ တရားစီရင်ရေးစံနစ်ထဲက တရားသူကြီးတချို့ကို ICC အပြည်ပြည်ဆိုင်ရာ ရာဇ၀တ်မှု ခုံရုံးကို ပို့သင့်တယ်လို့ဆိုပါတယ်။

တရားသူကြီးချုပ်ဦးအောင်တိုးအပါအ၀င် ရန်ကုန်တိုင်းထဲကမြို့နယ်တရားသူကြီးအချို့ကိုအိုင်စီစီပို့သင့်တယ်လို့ ကမ္ဘာ့တရားရေးဌာနကပြောကြားလိုက်ပါတယ်။ ကုလသမဂ္ဂလုံခြုံရေးကောင်စီက မြန်မာနိုင်ငံကိစ္စကိုICC ကိုလွှဲသင့်တယ်လို့ GJCက အင်ဒရီယာဖရီးမင်းက ပြောပါတယ်။

သတင်းအကျဉ်းချုပ် ...

ဦးဂမ္ဘီရ ထောင်ဒဏ် ၆၈ နှစ် ၊ ကိုဇာဂနာ ထောင်ဒဏ် ၄၅ နှစ်

ရွှေဝါရောင် တော်လှန်ရေးတွင် ဦးဆောင် ဆရာတော်တပါးဖြစ်သူ ဦးဂမ္ဘီရအား အင်းစိန်ထောင်တွင်းရှိ အထူးတရားရုံးတခုက ယနေ့တွင် ထပ်တိုးထောင်ဒဏ် ၅၆ နှစ် ချမှတ်လိုက်သဖြင့် စုစုပေါင်း ကျခံရမည့် ထောင်ဒဏ်မှာ ၆၈ နှစ် ကျခံရတော့မည် ဖြစ်သည်။

အင်းစိန်ထောင်တွင် ဖမ်းဆီးခံထားရသူ နာမည်ကျော် ဟာသသရုပ်ဆောင် ဒါရိုက်တာ ဇာဂနာ ခေါ် ကိုသူရအား အင်းစိန်ထောင် တရားရုံးက ယနေ့တွင် ထောင်ဒဏ် ၄၅ နှစ် ချမှတ်လိုက်သည်။

အင်းစိန်ထောင်တွင်း တရားရုံးက ကိုဇာဂနာသည် အင်တာနက်ကို အသုံးပြု၍ အစိုးရကို အကြည်ညိုပျက်အောင် လုပ်သည်ဆိုကာ အီလက်ထရောနစ် အက်ဥပဒေ ၃ ခုဖြင့် ထောင် ၄၅ နှစ် ချမှတ်လိုက်သည်။

ကျနော့်ကို I (အိုင်) သုံးအိုင်နဲ့ ၄၅ နှစ် ချလိုက်တယ်တဲ့။ IT (သတင်းနည်းပညာ) ကို လေ့လာချင်လို့ Internet ကို သုံးလိုက်တာ Insein ထောင်ကို ရောက်သွားတယ်တဲ့'' ဟု ကိုဇာဂနာက အပြုံးမပျက်ဟာသပြောသွားခဲ့ပါတယ်။

သတင်းအကျဉ်းချုပ် ...

မဟာသံဃသမဂ္ဂီအဖွဲ့ ချုပ် ကြေညာချက်

သတင်းအကျဉ်းချုပ် ...

အိုင်အယ်လ်အိုအဖွဲ့ ၏ ကူညီမှုဖြင့် ကလေးစစ်သားတဦး မိဘများထံပြန်ရောက်

မြင့်မိုးဇော်/ ၁၉ နိုဝင်ဘာ ၂၀၀၈

မြန်မာစစ်အစိုးရ၏ ဘားအံမြို့ အမှတ် (၉) အခြေခံစစ်လေ့ကျင့်ရေးတပ်မှ ကလေးစစ်သား တဦးကို ရန်ကုန်နိုင်ငံတကာအလုပ်သမားအဖွဲ့ချုပ်ရုံး (အိုင်အယ်လ်အို) ၏ အကူအညီဖြင့် မကြာခင်က မိဘများထံသို့ ပြန်လည်အပ်နှံနိုင်ခဲ့ပြီး တပ်မှနုတ်ထွက်ခွင့်ရခဲ့သည်။

တပ်မှနုတ်ထွက်ခွင့် ရခဲ့သည့် ကလေးစစ်သားမှာ မောင်ရဲလင်းထက်ဖြစ်သည်။ ၎င်းသည် (၂၉-၇-၀၈) ရက်တွင် ကျောင်းတက်သည့်ကိစ္စနှင့်ပတ်သက်ပြီး ဖခင်ဖြစ်သူနှင့် စိတ်ဆိုးကာ နေအိမ်မှဆင်း၍ သူငယ်ချင်း (၃) ယောက်နှင့်အတူ

ထွက်ခွာသွားခဲ့ ခြင်းဖြစ်သည်ဟု မိခင်ဖြစ်သူ ဒေါ်မြင့်ကြွေမှ ခေတ်ပြိုင်သို့ ပြောပြသည်။

ထိုသို့ နေအိမ်မှထွက်သွားပြီး ရက်ပေါင်း (၂၀) ခန့် ကြာမှ မောင်ရဲလင်းထက်နှင့်အတူ လိုက်ပါသွားသော သူငယ်ချင်းနှစ်ယောက် ၎င်းတို့၏နေအိမ်များသို့ ပြန်လည်ရောက်ရှိလာပြီး မောင်ရဲလင်းထက်နှင့် သူငယ်ချင်းဖြစ်သူ သီဟဦးတို့ကို ရန်ကုန်ဘူတာကြီးမှာ စစ်သားတဦး ကခေါ်ဆောင်သွားကြောင်း လာရောက်ပြောကြားခဲ့သဖြင့် မောင်ရဲလင်းထက်အား စစ်တပ်သို့ အဓမ္မခေါ်ဆောင်သွားသည်ကို သိရှိခဲ့ရသည်ဟုလည်း ဒေါ်မြင့်ကြွေမှ ရှင်းပြခဲ့သည်။

မိခင် ဒေါ်မြင့်ကြွေသည် ယင်းသတင်းကို သိသိချင်း နောက်နေ့၌ပင် ရန်ကုန်ဘူတာကြီးသို့ လိုက်သွားပြီး မောင်ရဲလင်းထက်အား ခေါ်ဆောင်သွားသော စစ်သားကိုမေးမြန်းခဲ့ရာ ပထမတွင် သူမသိကြောင်း ငြင်းဆိုခဲ့သည်။ နောက်ပိုင်း ရဲလင်းထက်နှင့်အတူ လိုက်ပါသွားသူ ကလေးငယ်တဦးက သက်သေ အထောက်အထားများဖြင့် ပြောဆိုမှ မောင်ရဲလင်းထက်တို့ (၂) ယောက်လုံးကို ည (၂) နာရီ ရထားဖြင့် ဘားအံသို့ တပ်ကြပ်ကြီး ခင်မောင်ဆင့် ဆိုသူနှင့် ထည့်ပေးလိုက်ကြောင်းကို ပြောပြခဲ့သည်ဟု ဆိုသည်။

မောင်ရဲလင်းထက်မှာ လှိုင်သာယာမြို့ နယ်၊ ရွှေလင်ပန်းကျေးရွာ၊ အမှတ် (၆) အခြေခံပညာ မူလတန်းလွန်ကျောင်း၌ သတ္တမတန်းကို တက်ရောက် သင်ကြားနေသူဖြစ်ပြီး ယခုကဲ့သို့ စစ်တပ်ထဲ ခေါ်ဆောင်သွားချိန်တွင် အသက် (၁၅) နှစ်သာရှိသေးသည်။

မိခင်ဖြစ်သူဒေါ်မြင့်ကြွေသည် သားရှိသည်ဆိုသော ဘားအံအမှတ် (၉) အခြေခံစစ်လေ့ကျင့် ရေးကျောင်းသို့လိုက်သွားပြီး သားဖြစ်သူကို ပြန်ခေါ်ရန်ကြိုးစားသော်လည်း အဆင်မပြေခဲ့ပေ။

၎င်းနောက် ရန်ကုန်မြို့ ကုန်သည်ကြီးများ Traders ဟိုတယ်တွင် ဖွင့်လှစ်ထားသည့် အုိုင်အယ်လ်အိုရုံးသို့ အဖွဲ့ချုပ်ဝင် ကိုသန်းဇင်ဦး၏အကူအညီဖြင့် သွားရောက်တိုင်ကြားရာမှ အိုင်အယ်လ်အိုအဖွဲ့က လိုက်လံဆောင်ရွက်ပေးခဲ့သဖြင့် မောင်ရဲလင်းထက်အား အာဏာပိုင်များက တပ်မှနုတ်ထွက်ခွင့်ပေးခဲ့ပြီး မိဘများထံသို့ ပြန်လည်အပ်နှံခဲ့ခြင်း ဖြစ်သည်ဟု စုံစမ်းသိရှိရသည်။

ယခုအခါ မောင်ရဲလင်းထက်မှာ နေအိမ်သို့ ပြန်လည်ရောက်ရှိပြီး ဖြစ်သော်လည်း ၎င်းနှင့်အတူပါသွားသူ မောင်သီဟဦးမှာ ဘားအံရှိအမှတ် (၉) အခြေခံစစ်လေ့ကျင့်ရေး ကျောင်းတွင် ကျန်ရစ်ခဲ့သည်ဟု စစ်တပ်မှပြန်လည်ရောက်ရှိလာသူ မောင်ရဲလင်းထက်က ပြောကြားခဲ့သည်။

နအဖစစ်အစိုးရသည့် အိုင်အယ်လ်အိုအဖွဲ့နှင့်ပူးပေါင်းကာ ကလေးစစ်သားများ
ပပျောက်ရေးကို ဆောင်ရွက်နေသည်ဟုဆိုသော်လည်း ယနေ့တိုင်အောင်ပင် အဆိုပါမောင်ရဲ လင်းထက်ကဲ့သို့ ကလေးငယ်များ စစ်တပ်ထဲတွင် ဆက်လက်ရှိနေဆဲဖြစ်သည်။

သတင်းအကျဉ်းချုပ် ...