နယူးဒေလီ (မဇ္ဈိမ)။ ။ ဒေါ်အောင်ဆန်းစုကြည်နှင့် တိုင်းရင်းသား ခေါင်းဆောင်များ ပြန်လွှတ်ပေးရန် အန်အယ်ဒီနှင့် တိုင်းရင်းသားပါတီ ၇ ပါတီ၏ ကြေညာချက်အပေါ် ထောက်ခံသည့်အနေဖြင့် ဂျပန်နိုင်ငံရောက် မြန်မာအင်အားစုများက ယမန်နေ့က တိုကျိုမြို့တွင်း လှည့်လည် ဆန္ဒပြခဲ့သည်။
မြန်မာတိုင်းရင်းသားများနှင့် အမျိုးသား ဒီမိုကရေစီအဖွဲ့ချုပ် (လွတ်မြောက်နယ်မြေ) ဂျပန်ဌာခွဲမှ ဦးဆောင်သည့် လူဦးရေ ၅၀၀ ခန့်က Minami Ootsuka Hall အနီးရှိ Ootsuka Daitoen ပန်းခြံမှ စတင်၍ တိုကျိုမြို့တွင်းသို့ ထောက်ခံ ချီတက်ပွဲကို ညပိုင်းတွင် ပြုလုပ်ခဲ့ခြင်း ဖြစ်သည်။
"ဦးတင်ဦး၊ ဒေါ်အောင်ဆန်းစုကြည် အပါအ၀င် အခုလက်ရှိ နိုင်ငံရေး ခေါင်းဆောင်တွေ ရှိတယ်။ နိုင်ငံရေး အကျဉ်းသားတွေ ရှိ်တယ်။ ထောင်ဒဏ် နှစ် ၁၀၀၊ ၁၅၀ ချတယ်ဆိုတာ မကြားဖူးတဲ့ ဥပဒေတွေ ထုတ်ပြီးတော့ ချတဲ့ ကိစ္စကို ဂျပန်ပြည်သူတွေ သိအောင်လို့ ဂျပန်ဘာသာနဲ့ ရေးထားတာ ဖြစ်တယ်" ဟု အန်အယ်ဒီ (လွတ်မြောက်နယ်မြေ) ဂျပန်ဋ္ဌာခွဲမှ တာဝန်ရှိသူ ကိုဆန်နီက မဇ္ဈိမကို ပြောသည်။
နိုင်ငံတော်၏ လိုအပ်ချက်အရ ဒေါ်အောင်ဆန်းစုကြည်၊ ရှမ်းခေါင်းဆောင် ဦးခွန်ထွန်းဦး၊ သံဃာတော်များ၊ ကျောင်းသားခေါင်းဆောင် မင်းကိုနိုင် အပါအ၀င် နိုင်ငံရေးအကျဉ်းသားများ ပြန်လွှတ်ပေးရန် မွန်၊ ဇိုမီး၊ ရခိုင်၊ ချင်း၊ ရှမ်း အပါအ၀င် တိုင်းရင်းသားပါတီ ၇ ပါတီ၏ ယခုနှစ်ဆန်းတရက်နေ့ ရက်စွဲပါ အထူးကြေညာချက်တစောင် ထုတ်ပြန်ခဲ့သည်။
ထိုကြေညာချက်အား တိုင်းသူပြည်သားများက ၀ိုင်းဝန်းထောက်ခံရန် တိုက်တွန်းနှိုးဆော်သည့် ကြေညာချက်ကို အန်အယ်ဒီက ပြီးခဲ့သည့်လ ၂၉ ရက်နေ့က ကြေညာချက် ထုတ်လိုက်သည့်အပေါ် ဂျပန်ရောက် မြန်မာများက ယခုလို ထောက်ခံ ဆန္ဒပြကြခြင်း ဖြစ်သည်။
ကိုဆန်နီက "ပြည်တွင်းထုတ်ပြန်ကြေညာချက်ကို နိုင်ငံတကာ လှုပ်ရှားမှုအနေနဲ့ လုပ်စေချင်တယ်" ဟု ဆိုသည်။
ဆန္ဒပြပွဲသို့ မြန်မာ့အရေး ထောက်ခံအားပေးနေသည့် အစိုးရမဟုတ်သော ဂျပန် အဖွဲ့အစည်းများ၊ ကျောင်းသားများ၊ ရှေ့နေများလည်း ပူးပေါင်းပါဝင်ခဲ့ကြောင်းနှင့် ဆန္ဒပြပွဲကို ည ၇ နာရီခွဲမှ စတင်ကာ ၉ နာရီခွဲတွင် အဆုံးသတ်ခဲ့ကြောင်း သူက ပြောသည်။
ယမန်နေ့ကပင် အမေရိကန်ပြည်ထောင်စု အင်ဒီယားနားပြည်နယ် ဖို့ဝိန်းမြို့နှင့် နော်ဝေးနိုင်ငံ အခြေစိုက် မြန်မာ့ဒီမိုကရေစီ အင်အားစုများကလည်း အလားတူ ဆန္ဒပြပွဲမျိုး ကျင်းပခဲ့သေးသည်။
လက်ရှိ မြန်မာနိုင်ငံအတွင်း ရင်ဆိုင်ကြုံတွေ့နေရသော အထွေထွေ အကျပ်အတည်းများမှ ပြေလည်နိုင်မည့် နိုင်ငံရေး အပြောင်းအလဲတရပ် ဖြစ်ပေါ်လာစေရန် ကြိုးပမ်းဆောင်ရွက်ရေးမှာ ပြည်သူလူထုကို ဦးဆောင်နိုင်ပြီး နိုင်ငံအကျိုးအတွက် စွန့်လွှတ်အနစ်နာခံသော ဒေါ်အောင်ဆန်းစုကြည်နှင့်တကွ ဖမ်းဆီးခံ နိုင်ငံရေးအကျဉ်းများ အမြန်ဆုံး လွတ်မြောက်ရေးသည် အဓိက လိုအပ်ချက်ဖြစ်ကြောင်း ဖို့ဝိန်းကြေညာချက်က ဆိုသည်။
ယခုလအတွင်း၌ ကနေဒါ၊ ကိုရီးယား၊ သြစတြေးလျား၊ အိန္ဒိယနှင့် မလေးရှားနိုင်ငံရှိ အန်အယ်ဒီ (လွတ်မြောက်နယ်မြေ) ဌာနခွဲများက ဦးဆောင်ကာ ဆန္ဒပြပွဲများ ကျင်းပသွားမည်ဟုလည်း သိရသည်။
Tuesday, February 10, 2009
နိုင်ငံရေးအကျဉ်းသားများ လွတ်မြောက်ရေး ဂျပန်မှာ ဆန္ဒပြ
Subscribe to:
Post Comments (Atom)
Current world times | ||||
Burma (Rangoon) | USA (Los Angeles) | Australia (Canberra) | Japan (Tokyo) | Russia (Moscow) |
No comments:
Post a Comment